Yeˬhawˇbaˬ nui kʼahˇ bi shiˇ˗eu gʼaˇ duˬ, aˬ dui nui jah ya ahˇ˗eu meh. Ehˇ kʼawꞈ Jaˇliꞈ laꞈ kʼoeˇ “tsawˇ haˬ yawˬ gʼaˬ na luꞈ guiˬ lahˬ dawˬ˗ahˇ ha geuꞈ˗eu maˬ ngeuˇ˗a” lehˇ ehˇ taˬ˗euˬ meh. (2 Teˇsaˬloˇni 3:2) Teu ngeh gʼaˬ kʼehˇ Pawˇluˆ aˬ yawꞈ˗ahˇ kʼehˬ laˇ kʼaˆ laˇ˗euˬ deuˬ˗ahˇ ngehˬ keuˆ˗eu meh. Tsawˇ haˬ teu deuˬ naˇ, “maˬ muiˬ maˬ jaˬ˗eu tsawˇ haˬ deuˬ hawˇ˗eu haiˬ˗eu tsawˇ haˬ deuˬ” pyeuꞈ meh. Pawˇluˆ˗euˬ dawˬ heu naˇ, Miˬyehˇ maˇ diˇ jawˇ˗eu lehˇ bi siˬ laꞈ˗eu saˇ kiˇ˗ahˇ myaˆ haw maˬ cawˬ˗eu miˇ neh Beh˗euˬ Miˬyehˇ jawˇ˗eu lehˇ maˬ jah˗eu deuˬ˗ahˇ jiˇ ehˇ mawꞈ˗eu meh. (Loˇmaˆ 1:20) Tiˬ deuˬ na naˇ, yaw sahˇ jawˇ meh lehˇ jah˗eu meh. Ehˇ kʼawꞈ teu loꞈ˗ehˇ gʼeh˗eu jah˗eu jeˬ˗ahˇ Yeˬhawˇbaˬ nui kʼahˇ maˬ shiˇ˗a.

Aˬ dui Yeˬhawˇbaˬ maˇ diˇ jawˇ meh lehˇ ya jah˗awˇ, aˬ yawꞈ maˇ maˇ ni gʼeh˗eu nui jah ahˇ˗eu deuˬ˗ahˇ ‘laꞈ sawˬ’ biꞈ meh lehˇ ya jah˗eu meh. (Heˬbyehˇ 11:6) Jah˗eu jeˬ heu naˇ, Miˬyehˇ˗euˬ muiˬ˗eu shawˇ˗eu yaw sahˇ laꞈ kʼoeˇ neh siˬ le˗euˬ aˇ siˬ pyeuꞈ˗awˇ, aˬ dui Miˬyehˇ jawˇ gaˇ neh muiˬ˗eu shawˇ˗eu yaw sahˇ shaˇ nya meh. (Luˇkaꞈ 11:9, 10, 13) Aˬ dui muiˬ˗eu shawˇ˗eu yaw sahˇ za nya˗eu aˇ yeˇ huiˬ˗eu tiˬ jeˬ naˇ, Miˬyehˇ neh sheuˬ gʼeh˗eu laꞈ kʼoeˇ boꞈ taˬ˗euˬ Jaˇliꞈ˗ahˇ gui˗eu heu meh. Aˬ dui Jaˇliꞈ gui˗awˇ, shaˇ noeˬ shaˇ sawˇ˗eu uˬ taꞈ, zmˬ˗iˇ ngeh tiˬ jawˇ, Miˬyehˇ nui kʼahˇ bi shiˇ˗eu gʼaˇ duˬ nui jah ahˇ˗eu laꞈ kʼoeˇ dehꞈ nya ni Yeˬhawˇbaˬ aˬ dui˗ahˇ muiˬ˗eu shawˇ˗eu yaw sahˇ biꞈ nehˬ˗eu meh.