Yawˬ ha neh gui˗awˇ pyehˆ tseˇ˗euˬ gaˇ kawˆ˗ahˇ noeˬ taˬ˗eu heu naˇ, yaw awˬ maˬ ngeuˇ˗eu kʼawꞈ pyeuꞈ nya meh. Ehˇ kʼawꞈ Yeˬsuˇ˗aˬ, yaw jeˬ ma jeˬ zmˬ˗awˇ mehˬ˗eu miˇ neh aˬ yawꞈ neh mehˬ˗euˬ jeˬ˗ahˇ noeˬ taˬ˗eu yaw awˬ maˬ ngeuˇ nya loˇ? Teu miˇ neh aˬ dui jiˇ yawˬ ha neh pyehˆ tseˇ˗awˇ gui˗euˬ gaˇ kawˆ˗euˬ aˇ baˇ˗ahˇ noeˬ mawˇ naˇ noeˬ taˬ nya dzehˬ laˇ˗eu meh. Teu loꞈ˗ehˇ jahˇ nya˗eu tiˬ jeˬ naˇ, yawˬ ha neh ya siˬ˗euˬ jeˬ˗euˬ aˇ baˇ boꞈ doˆ laꞈ˗eu heu meh.

Yawˬ ha neh ya siˬ ya dzaw lahˬ˗euˬ jeˬ˗ahˇ aˇ baˇ boꞈ taˬ˗euˬ deuˬ˗aˬ, noeˬ taˬ nya dzehˬ meh. Heu loꞈ˗ehˇ jahˇ˗eu heu naˇ dawˬ deuˬ˗ahˇ noeˬ taˬ nya˗eu tehꞈ˗ehˇ maˬ ngeuˇ˗eu aˇ yeˇ huiˬ˗eu gaˇ kawˆ˗ahˇ jiˇ noeˬ taˬ nya˗eu meh. Aˇ baˇ˗ahˇ boꞈ caˇ˗eu maˬ loˬ˗a. Yaw awˬ awˬ lehˇ kawˆ shawˆ˗ehˇ boꞈ naˇ gʼaˬ meh. Aˇ baˇ boꞈ˗awˇ noeˬ taˬ˗eu heu naˇ, aˇ kʼoꞈ kʼawˆ laˇ˗euˬ deuˬ˗ahˇ ngehˬ˗ehˇ dzehˬ gaˇ dahˇ tsoeˬ˗eu meh.

Nyaˆ taꞈ poˆ nawˇ sahˬ boꞈ gui ngeh, pyehˆ tseˇ ngeh, yawˬ ha neh ya siˬ˗euˬ jeˬ˗euˬ aˇ baˇ boꞈ taˬ haw˗awˬ tawˇ. Nawˇ noeˬ taˬ nya dzehˬ laˇ˗eu miˇ neh yawˬ haˇ yawˬ ha kʼawꞈ zahˬ leˇ˗eu meh.