Ngeuˇ meh. Gaˇ kawˆ maˬ jaˆ gaˇ tiˬ kawˆ loꞈ˗ehˇ miˇ lah ni jawˇ˗eu heu naˇ, aˬ yawꞈ nyaꞈ dehꞈ bahˬ˗euˬ lehˇ maˇ jawˆ ni bi siˬ˗eu jeˬ pyeuꞈ meh. Teu miˇ neh, daˇ tsehˆ˗eu gawˬmiˬtiꞈ ya muˇ˗eu meh.—1 Gawˇliˬtu 6:18.

Aˇ muˇ˗ahˇ sheuˬ gʼeh˗eu deuˬ daˇ tsehˆ˗eu gawˬmiˬtiꞈ loˬ ngaˇ laˬ lehˇ aˬ yawꞈ kawˆ yawꞈ˗ahˇ yaw muiˬ˗ehˇ ya shaˇ noeˬ˗eu meh. Yaw jeˬ maˬ jeˬ, aˬ yawꞈ nyaꞈ zaˬ haˬ haˬ luꞈ nga laˬ? Dzeuˇ yaꞈ ngeh, sheuˬ gʼeh˗eu aˬ yuiꞈ deuˬ aˬ yawꞈ nyaꞈ˗euˬ mˇ jeˬ mˇ kawˆ nehˬ˗ehˇ taꞈ leˇ˗awˇ nui noeˬ nui duˇ tiˬ poˆ biꞈ dzeuˇ˗euˬ nga laˬ? Aˬ yawꞈ nyaꞈ uˬ ciˬ paw aˬ jeˬ miˇ neh tiˬ kawˆ loꞈ˗ehˇ cah˗eu nga? Aˬ yawꞈ nyaꞈ diˇ daˬ˗ehˇ jawˇ˗eu nga laˬ? Aˬ yawꞈ nyaꞈ yawˬ jeˬ yawˬ lehˇ tseˇ nya˗eu ngaˇ laˬ, maˬ ngeuˇ naˇ, maˬ gʼeh nya˗eu gaˇ kawˆ tiˬ jeˬ na pyeuꞈ laˇ˗euˬ miˇ neh ngaˇ laˬ? Yaw jeˬ ma jeˬ, aˬ yawꞈ nyaꞈ tiˬ kawˆ loꞈ˗ehˇ ya cah paˬ˗ehˇ maˬ noeˬ gaˇ gaˇ kawˆ tiˬ jeˬ na ja pyuˬ ni pyeuꞈ laˇ˗euˬ nga laˬ? (Dawˬtsoˆtsoˆ˗eu 9:11) Aˬ yawꞈ nyaꞈ aˬ gaˇ yaꞈ iˇ˗euˬ nga? Gaˇ kawˆ aˬ yawꞈ jeˬ yawꞈ maˬ duˇ leˇ˗eu miˇ neh, sheuˬ gʼeh˗eu aˬ yuiꞈ deuˬ noeˬ tsehˆ ngeh, gaˇ kawˆ nui deuˬ˗ahˇ jiˇ haw paˬ˗ahˇ gʼeh˗eu meh.

Aˇ muˇ˗ahˇ sheuˬ gʼeh˗eu deuˬ gaˇ kawˆ dawˬ tawˆ luꞈ˗ahˇ haw gʼaˬ ngeh tiˬ jawˇ, daˇ tsehˆ˗eu gawˬmiˬtiꞈ loˬ ngaˇ laˬ lehˇ haw paˬ˗ehˇ gʼeh˗eu meh.