Miˬyehˇ-ahˇ ja ceuˬ-eu jawˇ duˬ pyeuꞈ
1. Yeˬhawˇbaˬ mˬ ahˇ beh euˬ yaw sahˇ,
Mˬ taˆ nawˬ-euˬ g’aˇ duˬ maˬ deˇ leˇ,
Miˇ tsaˬ heu nyiˇ k’awꞈ ni nawˬ euˬ baoˬ
Aˇ myah luꞈ nga maꞈ nehˬ-ehˇ jaˆ meh.
Uˬ duˬ tahˬ duˬ ahˇ laˆ muiˬ laˆ saˆ
Yaw shehꞈ laꞈ k’oeˇ cah luꞈ tsawˇ haˬ.
Mehˬ bawˬ gm-awˇ gaˇ deuˬ ahˇ tiˬ kawˆ-ehˇ mˇ
Gaˇ-ahˇ leh jeh Miˬyehˇ laˬ k’aˬ cehˇ.
(Caˇ tawꞈ)
Aˬ dui k’aˇ jaˆ dawˬ tawˆ
Miˬyehˇ neh biꞈ laꞈ tehꞈ meh.
Nga maꞈ nawˬ-ahˇ k’aˇ biꞈ eu jeˬ
Nawˇ jawˇ gaˇ neh oe meh.
(Caˇ poˆ)
Guiˬ lahˬ huiˬ nawˬ neh biꞈ euˬ jiˇ cuˬ,
Ja ceuˬ caˇ dawˬ caˇ-awˇ nawˬ ahˇ tehꞈ.
Noeˬ tmˬ jeˬ maˇ diˇ ni pyeuꞈ doˆ laˇ
Ja ceuˬ ma jawˇ duˬ heu nawˬ ahˇ.
2. Yeˬhawˇbaˬ siˬ nya k’aˇ loˬ eu jeˬ
Nawˬ ahˇ ja ceuˬ eu jawˇ zaˇ pyeuꞈ
Nawˬ euˬ gaˇ mˇ eu deuˬ ahˇ ngehˬ g’eh,
Nawˬ-euˬ gaˇ ma-ahˇ cah nya ni caw ba.
Noeˬ taˬ-euˬ jeˬ bi byah laˇ eu jawˇ duˬ.
Ya mˇ ya leh jeh-eu jeˬ jaˆ siˬ,
Leh jeh awˇ mˇ daˆ leꞈ mehˬ hu paw
Gaˇ heu naˇ nawˬ-euˬ Zaˬ maˇ bi mˇ.
(Caˇ tawꞈ)
Muiˬ dzehˬ jeˬ tehꞈ biꞈ ma
Myawˬ deuˬ hawˇ-eu aˇ yamˬ deuˬ jiˇ.
Muiˬ jeˬ k’aˇ ngeuˇ nawˬ neh biꞈ—
Nawˇ k’aˇ ngeuˇ jeˬ za geuˇ.
(Caˇ poˆ)
Guiˬ lahˬ huiˬ nawˬ neh biꞈ euˬ jiˇ cuˬ,
Ja ceuˬ caˇ dawˬ caˇ-awˇ nawˬ ahˇ tehꞈ.
Noeˬ tmˬ jeˬ maˇ diˇ ni pyeuꞈ doˆ laˇ
Ja ceuˬ ma jawˇ duˬ heu nawˬ ahˇ.
