1. Gaˬ eu jeˬ pyeuꞈ Miˬyehˇ dui˗ahˇ kuˇ,

‘Ngaˬ nehˬ˗ehˇ cah ngaˬ˗euˬ gaˇ ma˗ahˇ gaˬ.’

Miˬyehˇ hawˇ˗eu aˬ cawˬ ahˇ gaˬ naˇ,

muiˬ eu jeˬ mˇ mawꞈ laˇ meh.

Heu maˇ diˇ laꞈ kʼaˬ cehˇ ziˇ pyeuꞈ.

Aˬ dui geuꞈ mawꞈ dehꞈ ziˇ meh.

Yeˬsuˇ euˬ nui gaˬ nui saˇ biꞈ.

Aˬ cawˬ ahˇ bi siˬ bi mawˇ.

2. Tsaˬ eu jeˬ hawˇ Miˬyehˇ˗ahˇ gaˬ jeˬ,

nui gaˬ mˇ mawˇ ni laˆ noeˬ.

Yawꞈ caw ba aˬ dui gʼaˬ baˬ ngeh.

Aˬ dui ahˇ yawꞈ baoˬ gʼaˬ biꞈ.

Gaˬ eu jeˬ mehˇ juiˇ maˬ juiˇ a,

gʼawˬ shaˬ gaˬ dawˬ tawˆ˗ahˇ oˇ coeˇ.

Mehˇ nmˇ deuˬ˗ahˇ gaˬ eu jeˬ bi jaˆ,

gaˬ jeˬ euˬ gaˇ kawˆ ya siˬ.

3. Nui pehˇ nawˬ laꞈ kʼoeˇ taˬ bi jaˆ,

maˬ muiˬ jeˬ mˇ gaˇ keuˆ ni.

Miˬyehˇ˗ahˇ jah yawꞈ neh bi sheuˬ gʼeh.

Miˬyehˇ hawˇ˗eu aˬ cawˬ ahˇ gaˬ.

Nui gaˬ mˇ mawˇ eu jeˬ mˇ awˬ.

Heu loꞈ˗ehˇ mˇ ni Miˬyehˇ mehˬ.

Miˬyehˇ loꞈ˗ehˇ nahˬ yu ni gʼeh jeˬ,

aˬ cawˬ ahˇ aˬ dui mˇ nehˬ.