1. Miˬyehˇ dawˬ laꞈ kʼoeˇ saˇ jaˇ deuˬ,

oˇ paˬ˗ehˇ gʼeh jeˬ bi siˬ.

Dui neh ya siˬ ya mawˇ euˬ jeˬ,

maˇ diˇ jah nya gaˇ kawˆ pyeuꞈ.

Muiˬ eu shawˇ eu nui jah bi ziꞈ.

Miˬyehˇ aˇ nah ahˇ noeˬ mawˇ.

Maˬ poˆ maˬ paˇ laˇ saˇ jaˇ ziꞈ.

Muˇ juˇ dui ahˇ bi muiˬ laˇ.

2. Teˬ iˇ nya nui gaˬ ahˇ bo saˆ,

dahˬ beh ngeh loꞈ˗ehˇ bi jaˆ.

Shaˬ eu zahˬ eu jeˬ ahˇ ya puˬ,

joˆ˗ehˇ gʼeh kʼawꞈ ni ya oˇ oꞈ.

Aˬ joˆ˗ehˇ gʼeh lawˬ haw jeˬ˗ahˇ mawˇ kʼawꞈ,

guˆ eu nui ma taˬ bi ahˇ.

Yeˬhawˇbaˬ gaˇ ma shaˇ dahˇ nehˬ.

Myah luꞈ aˬ dui dawˬ peh jawˇ.

 3. Aˇ saˬ saˬ ngeh keuˆ oˇ coeˇ deuˬ,

maˇ diˇ ya buˬ iˇ meh.

Dehꞈ ziˇ paˇ dmˬ˗ahˇ tsawˇ myahˇ boꞈ taˬ,

tiˬ jawˇ˗iˬ maˬ byoˆ kʼaꞈ iˇ a.

Teu miˇ leh jeh˗awˇ oˇ oꞈ daˆ leꞈ,

aˇ saˬ saˬ leˇ ngeh keuˆ ni.

Yeˬhawˇbaˬ dui˗ahˇ nui kʼahˇ shiˇ ngeh,

maˇ diˇ laꞈ kʼaˬ cehˇ jeˬ za.