Dawˬ caˇ 136
Yeˬhawˇbaˬ jawˇ gaˇ neh oe˗euˬ ‘byah kuꞈ˗eu guiˬ lahˬ’
-
1. Yeˬhawˇbaˬ siˬ nya aˬ yawꞈ gaˇ mˇ eu deuˬ˗ahˇ,
saˇ jaˇ ziꞈ laꞈ kʼoeˇ mawˇ jiˇ meh.
Gaˇ ahˇ saˇ jaˇ ziꞈ leh jeh awˇ mˇ eu deuˬ,
yaw myaˬ jeˬ ya byehˇ Miˬyehˇ siˬ.
Iˇ kahˇ nymˇ jiˇ hawˇ cawˬ deuˬ ya smˇ kʼawꞈ ni,
Miˬyehˇ mawˇ luꞈ meh lehˇ noeˬ taˬ.
Hehˬ nymˇ aˬ dui ahˇ Miˬyehˇ mehˇ nmˇ biꞈ nehˬ˗awˇ,
gʼawˬ myahˇ maˬ gʼeh˗ehˇ dehꞈ ziˇ biꞈ nehˬ.
(Caˇ poˆ)
Yeˬhawˇbaˬ guiˬ lahˬ biꞈ nawˬ neh mˇ jeˬ˗ahˇ.
Muiˬ dui dui byah kuꞈ guiˬ lahˬ biꞈ nehˬ luꞈ˗uˇ.
Yawꞈ euˬ aˬ dahˇ uˬ moˆ ahˇ jawˇ luꞈ˗uˇ.
Yeˬhawˇbaˬ saˇ jaˇ ziꞈ ngehˬ taˬ loꞈ˗ehˇ jaˆ meh.
-
2. Tiˬ poˆ na dui ahˇ puˬ le eu gaˇ kawˆ deuˬ,
maˬ oˇ maˬ kamˬ coeˇ gaˇ duˇ nya.
Aˬ dui euˬ shaˬ zahˬ tiˬ nah na zawˇ ma˗ehˇ myaˬ,
aˬ dui maˬ gʼaˬ leˇ gaˇ keuˆ ni.
Yeˬhawˇbaˬ Miˬyehˇ nawˬ˗euˬ gaˇ kawˆ ahˇ siˬ nya.
Nawˬ euˬ shaˇ dawˬ Miˬyehˇ gaˬ meh.
Mehˇ nmˇ tsawˇ cawˬ hawˇ Miˬyehˇ yaw sahˇ dawˬ kawˬ,
nawˬ ahˇ haw teˬ nehˬ bo saˆ nehˬ.
(Caˇ poˆ)
Yeˬhawˇbaˬ guiˬ lahˬ biꞈ nawˬ neh mˇ jeˬ˗ahˇ.
Muiˬ dui dui byah kuꞈ guiˬ lahˬ biꞈ nehˬ luꞈ˗uˇ.
Yawꞈ euˬ aˬ dahˇ uˬ moˆ ahˇ jawˇ luꞈ˗uˇ.
Yeˬhawˇbaˬ saˇ jaˇ ziꞈ ngehˬ taˬ loꞈ˗ehˇ jaˆ meh.
(Daˇ. 11:38-40; Yaˇ. 41:10-ahˇ haw.)
