Dawˬ caˇ 23
Yeˬhawˇbaˬ uˆ lahˇ shaw
-
1. Miˬyehˇ Miˇkʼahˬ mˬ taˆ jaˆ.
Ja ceuˬ Zaˬmaˇ ahˇ aˬ dui.
Ziˇoˬ neh Ka li uˆ lahˇ lo ziꞈ pyeuꞈ.
Laꞈ kʼaˬ tiˬ cehˇ Miˬyehˇ ahˇ
teˇ saˇ yaw kʼaˆ˗ehˇ caˇ ja ceuˬ.
Ka kʼoꞈ gʼaˬ pyeuꞈ Sahˬpaˬ
pyeuꞈ gʼaˬ uˆ lahˇ le shaw.
(Caˇ poˆ)
Aˬ jeˬ mˇ pyeuꞈ Yeˬhawˇbaˬ Miˇkʼahˬ?
Yaw tsaˬ yaw dawˇ jeˬ bi gʼaˬ leˇ.
Aˬ jeˬ paˇ mˇ Yeˬhawˇbaˬ Miˇkʼahˬ?
Nui saˇ oꞈ awˇ myah luꞈ ya dehꞈ.
Saˇ jaˇ ziꞈ awˇ gaˬ eu miˇ neh
Uˆ lahˇ huiˬ dzehˬ gʼaˬ˗ahˇ ja ceuˬ.
-
2. Baoˬ za shaw Yeˬsuˇ Ka li.
Aˬmaˬgeˬdoˬ peh laˇ shaw.
Saˬdaˬ miˇ tsaˬ tiˬ kʼehˬ naˇ bi laˆ cawˆ.
Tsaꞈ gaˬ eu aˇ yamˬ pyeuꞈ meh.
Maˬ ya gaˬ deuˬ gʼawˬ mya jawˇ.
Nahˬ yu ni gʼeh deuˬ, Miˬyehˇ paw jawˇ eu yamˬ pyeuꞈ.
(Caˇ poˆ)
Aˬ jeˬ mˇ pyeuꞈ Yeˬhawˇbaˬ Miˇkʼahˬ?
Yaw tsaˬ yaw dawˇ jeˬ bi gʼaˬ leˇ.
Aˬ jeˬ paˇ mˇ Yeˬhawˇbaˬ Miˇkʼahˬ?
Nui saˇ oꞈ awˇ myah luꞈ ya dehꞈ.
Saˇ jaˇ ziꞈ awˇ gaˬ eu miˇ neh
Uˆ lahˇ huiˬ dzehˬ gʼaˬ˗ahˇ ja ceuˬ.
-
3. Miˬyehˇ Zaˬmaˇ˗ahˇ yaw zeu taˬ.
Aˬ yawꞈ muiˬ jeˬ dui mawˇ laˇ.
Miˬyehˇ tsawˇ myahˇ neh oe gʼaˬ˗ahˇ dui awˆ byaˆ.
Uˬ duˬ tahˬ nymˇ ahˇ uˇ laˇ.
Miˬyehˇ euˬ nui gaˬ shaˇ laˇ.
Yawˬ jeˬ na ahˇ Yeˬsuˇ uˆ lahˇ aˇ nah peh laˇ.
(Caˇ poˆ)
Aˬ jeˬ mˇ pyeuꞈ Yeˬhawˇbaˬ Miˇkʼahˬ?
Yaw tsaˬ yaw dawˇ jeˬ bi gʼaˬ leˇ.
Aˬ jeˬ paˇ mˇ Yeˬhawˇbaˬ Miˇkʼahˬ?
Nui saˇ oꞈ awˇ myah luꞈ ya dehꞈ.
Saˇ jaˇ ziꞈ awˇ gaˬ eu miˇ neh
Uˆ lahˇ huiˬ dzehˬ gʼaˬ˗ahˇ ja ceuˬ.
(2 Saˬ. 7:22; Daˬ. 2:44; Pah. 7:15-ahˇ haw.)
