Dawˬ caˇ 55
Aˬ yawꞈ maꞈ˗ahˇ taˬ guˆ
-
1. Miˬyehˇ Miˇkʼahˬ gaˇ kawˆ dzawˇ gaˬ.
Ngaˇ zawˇ ma˗ehˇ gaˬ tsawˇ haˬ deuˬ˗oˇ.
Muiˇ deuˬ mawˇ kʼawꞈ taˬ noeˬ guˆ.
Tsawˇ haˬ deuˬ˗ahˇ tsaˬ jeˬ bi siˬ.
Ka li uˆ lahˇ aˇ dahˬ beh awˇ,
muiˇ deuˬ ahˇ teh ka leꞈ shaw.
Tsawˇ haˬ ahˇ ngehˬ gʼeh gʼaˇ duˬ gʼawˬ
myahˇ maˬ gʼeh Saˬdaˬ˗ahˇ paꞈ tawꞈ.
(Caˇ poˆ)
Ngaˬ euˬ tsawˇ haˬ yawꞈ maꞈ˗ahˇ taˬ guˆ.
Muiˇ eu deuˬ lmˬ laˇ kʼawꞈ ni.
Saˇ jaˇ ziꞈ laꞈ kʼoeˇ gaˇ mˇ deuˬ˗ahˇ,
Ngaˬ euˬ myaˆ nuiˆ loꞈ˗ehˇ bo saˆ.
-
2. Haiˬ deuˬ muiˇ deuˬ yaw myaˬ jawˇ awˇ,
guˇ laˇ awˇ ngehˬ tsoeˬ behˬ dzaˬ.
Uiˇ cawˬ laˇ maˬ gaˬ kʼawꞈ ni,
nawˬ ahˇ sheuˬ bahˬ gʼaˇ duˬ pyeuꞈ.
Ngaˬ euˬ tsawˇ haˬ yawꞈ maꞈ˗ahˇ taˬ guˆ.
Muiˇ deuˬ kʼehˬ laˇ kʼaˆ laˇ gaˇ.
Ziꞈ eu deuˬ ahˇ ngaˇ bo saˆ nehˬ.
Gʼaˬ leˇ ngeh keuˆ ni caw ba.
(Caˇ poˆ)
Ngaˬ euˬ tsawˇ haˬ yawꞈ maꞈ˗ahˇ taˬ guˆ.
Muiˇ eu deuˬ lmˬ laˇ kʼawꞈ ni.
Saˇ jaˇ ziꞈ laꞈ kʼoeˇ gaˇ mˇ deuˬ˗ahˇ,
Ngaˬ euˬ myaˆ nuiˆ loꞈ˗ehˇ bo saˆ.
-
3. Taˬ guˆ byehˇ gaˇ ngaˇ nawˬ˗ahˇ maˬ ngehˇ.
Ngaˇ nawˬ euˬ dehˬ daˬ duˬ pyeuꞈ.
Shiˇ jeˬ ahˇ ya tahˬ puˬ kʼawꞈ,
Ngaˇ shiˇ eu jeˬ˗ahˇ gʼaˬ leˇ ma.
Nawˬ gʼawˇ mawˇ sehꞈ nya deuˬ˗ahˇ taˬ guˆ.
Dehꞈ jeˬ ahˇ maˬ laˆ cawˆ nya.
Aˬ myah luꞈ nawˇ saˇ jaˇ ziꞈ naˇ,
nawˇ noeˬ taˬ gaˇ ngaˇ sheuˬ gʼeh.
(Caˇ poˆ)
Ngaˬ euˬ tsawˇ haˬ yawꞈ maꞈ˗ahˇ taˬ guˆ.
Muiˇ eu deuˬ lmˬ laˇ kʼawꞈ ni.
Saˇ jaˇ ziꞈ laꞈ kʼoeˇ gaˇ mˇ deuˬ˗ahˇ,
Ngaˬ euˬ myaˆ nuiˆ loꞈ˗ehˇ bo saˆ.
(Mehˬ. 32:10; Neˬ. 4:14; Ceuˬ. 59:1; 83:2, 3-ahˇ haw.)
