Dawˬ caˇ 58
Nui saˇ oꞈ mawꞈ˗eu deuˬ˗ahˇ poˆ
-
1. Tsaˬ jeˬ mehˬ iˇ lehˇ Yeˬsuˇ ehˇ taˬ yaꞈ.
Jawˇ la aˇ yamˬ kʼaˬ lehˇ jaˆ kʼawꞈ,
Yeˬsuˇ Yeˬhawˇbaˬ gaˇ kawˆ mehˬ.
Aˬ yawꞈ Miˬyehˇ euˬ yawˇ deuˬ ahˇ gaˬ meh.
Uˬ shawˬ paw neh mˬ ciꞈ ngeh keuˆ
aˬ yawꞈ mehˬ nehˬ iˇ.
Iˇ kahˇ doe ni gaˇ ma doe ni.
Aˬ dui ya mawˇ deuˬ ahˇ tsaꞈ gaˬ.
Gʼawˬ myahˇ maˬ gʼeh˗ehˇ tsawˇ haˬ shaˬ zahˬ byoˆ iˇ meh.
(Caˇ poˆ)
Poˆ uiˬ iˇ ma.
Miˇ kʼahˬ doe ni nui saˇ oꞈ mawꞈ deuˬ˗ahˇ.
Ka kʼoꞈ jeˬ ahˇ
za mawꞈ tsawˇ haˬ deuˬ ahˇ poˆ iˇ ma.
Iˇ ma aˬ dui
mˬ dzeˇ miˇ dzeˇ.
-
2. Aˇ yamˬ jiˇ laˇ shaw leh jeh poˆ daˆ leꞈ.
Aˇ lam lam gʼaˬ shaˬ zahˬ mawˇ luꞈ.
Aˬ dui caw ba leh jeh awˇ neh.
Paˇ tsaꞈ gaˬ iˇ lehˇ nui gaˬ laˆ noeˬ nehˬ.
Nui ma cawˆ luꞈ tsawˇ haˬ deuˬ ahˇ,
dui gʼaˬ biꞈ nehˬ iˇ.
Meuˬ doe pu doe ni poˆ iˇ ma.
Nui ma ahˇ eu tiˬ gʼaˬ˗ahˇ mawˇ ngeh,
laꞈ kʼaˬ cehˇ laˇ paˇ mˇ daˆ leꞈ gʼaˬ ahˇ laˇ.
(Caˇ poˆ)
Poˆ uiˬ iˇ ma.
Miˇ kʼahˬ doe ni nui saˇ oꞈ mawꞈ deuˬ˗ahˇ.
Ka kʼoꞈ jeˬ ahˇ
za mawꞈ tsawˇ haˬ deuˬ ahˇ poˆ iˇ ma.
Iˇ ma aˬ dui
mˬ dzeˇ miˇ dzeˇ.
(Yaˇ. 52:7; Tehˬ. 28:19, 20; Luˇ. 8:1; Maˆ. 10:10-ahˇ haw.)
