Dawˬ caˇ 73
Nui kʼaˬ biꞈ nehˬ laꞈ
-
1. Miˬyehˇ tsawˇ myahˇ saˇ kiˇ kamˬ ngeh,
Miˬyehˇ Miˇkʼahˬ tsaꞈ gaˬ ngeh,
tsawˇ haˬ zaˬ deuˬ laˆ tsoeˬ laˇ awˇ,
yehˬ bawˬ sehˇ lu ngehˬ doeˇ laˇ.
Tsawˇ haˬ zaˬ ahˇ maˬ guˆ ni,
Miˬyehˇ ehˇ gaˇ tehꞈ ya naˇ haˬ.
Nawˇ nga maꞈ ahˇ gʼaˬ biꞈ lahˬ nehˬ laꞈ.
Oˇ Yeˬhawˇbaˬ naˇ haˬ nehˬ laꞈ.
(Caˇ poˆ)
Tsaꞈ gaˬ peuˬ ni nui kʼaˬ biꞈ laꞈ.
Guˆ nui ma deuˬ taˬ bi ahˇ.
Nga maꞈ nui ma bi ziꞈ nehˬ laꞈ.
Yawˬ gʼaˬ na luꞈ ahˇ bi siˬ.
Aˬmaˬgeˬdoˬ oe peh laˇ shaw.
Huiˬ aˇ nah oe keuˆ ngeh keuˆ ni.
Tsaꞈ gaˬ peuˬ ni nui kʼaˬ biꞈ laꞈ.
Nga maꞈ shaˇ ma.
-
2. Nga maꞈ guˆ eu nui ma ahˇ kʼawꞈ,
Kʼaˬ lehˇ miˇ tsaˬ pyeuꞈ noeˬ taˬ.
Gʼaˬ biꞈ ma lehˇ dawˬ biꞈ taˬ jaˆ.
Nawˬ saˇ jaˇ dawˬ˗ahˇ nui ma taˬ.
Kʼehˬ eu kʼaˆ eu tsawˇ haˬ deuˬ,
ja doeˇ laˇ awˇ laˆ guˆ laˇ kʼawꞈ,
Nawˬ tsawˇ myahˇ tsaꞈ gaˬ daˆ leꞈ nya ni,
nga maꞈ ahˇ nawˇ caw ba nehˬ laꞈ.
(Caˇ poˆ)
Tsaꞈ gaˬ peuˬ ni nui kʼaˬ biꞈ laꞈ.
Guˆ nui ma deuˬ taˬ bi ahˇ.
Nga maꞈ nui ma bi ziꞈ nehˬ laꞈ.
Yawˬ gʼaˬ na luꞈ ahˇ bi siˬ.
Aˬmaˬgeˬdoˬ oe peh laˇ shaw.
Huiˬ aˇ nah oe keuˆ ngeh keuˆ ni.
Tsaꞈ gaˬ peuˬ ni nui kʼaˬ biꞈ laꞈ.
Nga maꞈ shaˇ ma.
(1 Teˇ. 2:2; Heˬ. 10:35-ahˇ haw.)
