Dawˬ caˇ 75
“Ngaˇ iˇ ma. Ngaˬ˗ahˇ pyehˬ gʼeh˗aw”
-
1. Iˬ nah tsawˇ haˬ deuˬ Miˬyehˇ euˬ
tsawˇ myahˇ˗ahˇ ja bu ja doeˇ laˆ cawˆ.
Miˬyehˇ gʼaˬ baˬ awˇ yaw haiˬ ehˇ.
Dawˇ ga deuˬ ngehˬ “Miˬyehˇ maˬ jawˇ˗a.”
Suˇ gʼaˬ Miˬyehˇ tsawˇ myahˇ laˆ muiˬ?
Suˇ gʼaˬ ja ceuˬ gaˬ keuˆ iˇ ni?
(Caˇ poˆ 1)
Miˬyehˇ˗oˇ “Ngaˇ iˇ ma. Ngaˬ˗ahˇ pyehˬ gʼeh˗awˬ.”
Nawˬ ahˇ ziꞈ laꞈ kʼoeˇ ja ceuˬ ma.
Heu taꞈ˗ehˇ huiˬ dzehˬ eu yaw zeu maˬ jaˆ.
“Ngaˇ iˇ ma. Ngaˬ ahˇ pyehˬ gʼeh˗awˬ.”
-
2. Miˬyehˇ nyi naˬ nga lehˇ ehˇ meh.
Miˬyehˇ˗ahˇ yaw zeu baw maˬ siˬ nya.
Uˬ duˬ tahˬ kʼaˬ lo mawˇ kawˇ ahˇ.
Gehˇsaˬ˗ahˇ Miˬyehˇ loꞈ˗ehˇ sawˇ taˬ meh.
Haiˬ deuˬ˗ahˇ keuˆ le jeˬ suˇ tsaꞈ iˇ?
Aˇ saˬ saˬ guiˇ aˬ suˇ tsaꞈ iˇ?
(Caˇ poˆ 2)
Miˬyehˇ˗oˇ “Ngaˇ iˇ ma. Ngaˬ˗ahˇ pyehˬ gʼeh˗awˬ.”
Ngaˇ kʼaˬ duˬ ni saˇ tiˇ biꞈ ma.
Heu taꞈ˗ehˇ huiˬ dzehˬ eu yaw zeu maˬ jaˆ.
“Ngaˇ iˇ ma. Ngaˬ ahˇ pyehˬ gʼeh˗awˬ.”
-
3. Iˬ nah taˬ aw deuˬ nui ma cawˆ.
Haiˬ eu jeˬ myaˬ laˇ miˇ neh meh.
Nui saˇ biꞈ yaw tsaˬ yaw dawˇ ahˇ,
dawˇ coe ni yawꞈ maꞈ shaˇ poˆ luꞈ.
Tsaˬ jeˬ aˬ suˇ gʼaˬ dzawˇ nehˬ iˇ?
Suˇ gʼaˬ yawꞈ maꞈ˗ahˇ kʼahˬ lahˇ nehˬ eu?
(Caˇ poˆ 3)
Miˬyehˇ˗oˇ “Ngaˇ iˇ ma. Ngaˬ˗ahˇ pyehˬ gʼeh˗awˬ.”
Taˬ aw deuˬ ahˇ ngaˇ oˇ oˬ ma.
Heu taꞈ˗ehˇ huiˬ dzehˬ eu yaw zeu maˬ jaˆ.
“Ngaˇ iˇ ma. Ngaˬ ahˇ pyehˬ gʼeh˗awˬ.”
(Ceuˬ. 10:4; Yeˬ. 9:4-ahˇ haw.)
