Dawˬ caˇ 76
Nawˬ˗ahˇ aˬ joˆ˗ehˇ gʼeh laˇ nya?
-
1. Nawˬ˗ahˇ aˬ joˆ˗ehˇ gʼeh laˇ nya?
Leh jeh awˇ mehˬ nehˬ iˇ ngeh.
Yawˬ ha gaˇ saˇ jaˇ ziꞈ awˇ,
mehˬ luꞈ ma lehˇ siˬ ngeh.
Nawˇ kʼaˇ mˇ nya jeˬ mˇ.
Loˬ eu jeˬ Miˬyehˇ caw ba.
Nui ma muiˬ tsawˇ haˬ deuˬ ahˇ
Miˬyehˇ siˬ nya luꞈ meh.
(Caˇ poˆ)
Laꞈ kʼaˬ cehˇ awˇ nui saˇ oꞈ miˇ˗a.
Nui ma gʼawˇ mawˇ teˇ saˇ ya biꞈ˗euˬ.
Nga maꞈ nawˬ ahˇ ja ceuˬ dawˬ neh,
aˬ myah luꞈ lawˇ nehˬ ma.
-
2. Nawˬ˗ahˇ aˬ joˆ˗ehˇ gʼeh laˇ nya?
Nawˬ neh tmˇ doˆ euˬ dawˬ ahˇ,
nui ma yaw dawˇ deuˬ ha geuꞈ˗awˇ,
dehꞈ jeˬ za ngeh tiˬ jawˇ.
Tiˬ gʼaˬ na maˬ ha geuꞈ.
Tiˬ deuˬ na cah bahˬ gʼeh meh.
Aˬ dui Miˬyehˇ tsawˇ myahˇ ahˇ
ya tsaꞈ gaˬ laꞈ kʼaˬ cehˇ.
(Caˇ poˆ)
Laꞈ kʼaˬ cehˇ awˇ nui saˇ oꞈ miˇ˗a.
Nui ma gʼawˇ mawˇ teˇ saˇ ya biꞈ˗euˬ.
Nga maꞈ nawˬ ahˇ ja ceuˬ dawˬ neh,
aˬ myah luꞈ lawˇ nehˬ ma.
-
3. Nawˬ˗ahˇ aˬ joˆ˗ehˇ gʼeh laˇ nya?
Miˬyehˇ nawˬ˗ahˇ caw ba awˇ neh,
aˬ yawꞈ nawˬ˗ahˇ nui ma taˬ awˇ,
gaˇ bi mˇ lehˇ siˬ ngeh.
Kʼaˬ duˬ ni mehˬ iˇ ma.
Tsaꞈ gaˬ iˇ nui kʼahˇ shiˇ miˇ˗a.
Nahˬ yu gʼeh tsawˇ haˬ deuˬ˗ahˇ poˆ.
Tsaꞈ gaˬ yamˬ jiˇ laˇ shaw.
(Caˇ poˆ)
Laꞈ kʼaˬ cehˇ awˇ nui saˇ oꞈ miˇ˗a.
Nui ma gʼawˇ mawˇ teˇ saˇ ya biꞈ˗euˬ.
Nga maꞈ nawˬ ahˇ ja ceuˬ dawˬ neh,
aˬ myah luꞈ lawˇ nehˬ ma.
(Kʼehˇ. 13:48; 1 Teˇ. 2:4; 1 Tiˆ. 1:11-ahˇ haw.)
