Ha˗eu deuˬ Haˬ˗eu deuˬ nawˬ˗ahˇ bi caw ba˗eu gʼaˇ duˬ, gaˇ biˇ daˇ nehˬ taˬ˗euˬ meh. Aˬ yawꞈ maꞈ nawˬ˗ahˇ lawˬ liˬ naˬ duˬ hawˇ˗eu iˇ˗eu laˇ˗eu gaˇ kawˆ maˬ ehˇ, nuiˇ duˬ hawˇ˗eu gaˇ kawˆ nui deuˬ maˬ ehˇ, ehˇ nehˬ laꞈ ngeh mehˬ bawˬ gm˗eu laꞈ kʼoeˇ naˇ haˬ geuꞈ˗awˬ.

Iˇ cuꞈ shawˇ˗eu Nui jeˬ lehˇ laˆ paˇ˗euˬ maˬ ngeuˇ˗eu taꞈ naˇ, aˬ myah myah naˇ iˇ cuꞈ shawˇ˗eu lehˇ gʼeh˗eu deuˬ˗euˬ nuiˇ duˬ, sehˆ geu mehˬ shi paw lehˬ hmˬ nehˬ taˬ˗euˬ meh. Iˇ cuꞈ shawˇ˗eu lehˇ gʼeh˗eu deuˬ, jawˇ nah dzeuˇ koꞈ nah ngeh nah uˬ shawˬ paw, iˇ cuꞈ shawˇ˗eu gaˇ kawˆ maˬ mehˬ mi naˆ˗ehˇ lehˬ hmˬ nehˬ taˬ˗euˬ nuiˇ duˬ teu gaˇ nuiˇ laˇ paˬ˗ehˇ gʼeh˗eu meh. Aˬ yawꞈ gʼaˬ yawꞈ paˇ jeh hawˇ˗eu haw muiˬ˗eu mehˬ tsoeˬ jeˇ paˇ ya lehˬ hmˬ laꞈ˗eu meh.

Pyuˇ damˬ dawˆ˗eu Nuiˇ duˬ, teˇ saˇ pah˗eu keu ka, biˬdiˬoˬ pah˗eu keu ka, bawˬ dzaˬ gaˇ zmˬ˗eu nui jeˬ, heu deuˬ lehˬ hmˬ˗eu gʼaˇ duˬ, pyuˇ gʼawˬ mya ni ya zmˬ˗eu meh. Heu deuˬ naˇ bawˬ dzaˬ˗eu laꞈ kʼoeˇ laˬ kʼaˬ bi cehˇ˗awˇ, Yeˬhawˇbaˬ˗euˬ dawˬ peh jiˆ peh leˇ ni caw ba nehˬ˗eu meh. Nawˬ neh nui ma keuˆ˗awˇ damˬ nehˬ˗euˬ pyuˇ heu, bawˬ dzaˬ gaˇ jiˇ leˇ˗eu pyuˇ deuˬ˗ahˇ caw ba˗awˇ, miˇ kʼahˬ doe ni tsaꞈ gaˬ˗eu gaˇ˗ahˇ jiˇ caw ba˗eu meh. Pyuˇ damˬ bawˬ keuˆ yawˬ gʼaˬ na luꞈ mawˇ nya ni sahˬ boꞈ boꞈ taˬ˗awˇ, Bawˬdzaˬnymˇ doe ni bi jaˆ taˬ˗euˬ meh. Maˬ ngeuˇ naˇ, donate.pr418.com˗ahˇ ahˇ leˇ˗awˇ awˆlai paw neh jiˇ pyuˇ damˬ dawˆ nya meh. Pyuˇ damˬ dawˆ˗euˬ yawˬ gʼaˬ na luꞈ˗ahˇ guiˬ lahˬ huiˬ ma. Uˆ lahˇ˗eu aˇ muˇ, nawˇ aˇ maꞈ aˇ muˇ˗euˬ gaˇ˗ahˇ, nui ma keuˆ˗eu laꞈ kʼoeˇ caw ba˗eu miˇ neh guiˬ lahˬ huiˬ dui dui˗eu meh.

Mehˬ kʼehˬ˗ahˇ laˆ saˆ˗eu paw mˇ˗eu deuˬ Heu deuˬ naˇ, tiˬ kʼehˬ laˇ kʼehˬ laˆ saˆ˗eu gʼaˇ duˬ tehꞈ meh lehˇ noeˬ taˬ paˬ˗ehˇ gʼeh˗eu meh.

Mˇ myawˬ byoˆ iˇ˗eu paw haw˗eu deuˬ Gʼoˆ za˗euˬ myawˬ yawˬ hmˬ na luꞈ heu gaˇ yuˇ leꞈ paˬ˗ehˇ gʼeh˗awˇ, nawˬ˗euˬ myawˬ byoˆ˗iˇ naˇ jiˇ heu gaˇ naˇ haˬ le nya meh. Aˬ da aˬ ma nehˬ˗ehˇ cah gʼawˬ taˬ˗euˬ zaˬ deuˬ kʼawꞈ heu gaˇ sheuˬ taˬ leꞈ nya meh. Ehˇ kʼawꞈ heu˗aˬ zaˬ cu duˬ maˬ ngeuˇ˗a. Yawˬ ha˗euˬ zaˬ˗ahˇ yaw muiˬ˗ehˇ haw piˇ˗awˇ, yawˬ ha nehˬ˗ehˇ bi jawˇ paˬ˗ehˇ gʼeh˗eu meh.

Nuiˇ duˬ Aˬ cawˬ˗euˬ laꞈ taꞈ noeˬ keuˆ. Nuiˇ duˬ yuˇ taˬ˗euˬ heu naˇ, nawˬ nehˬ˗ehˇ oe˗euˬ deuˬ, nawˬ˗euˬ nymˇ kʼahˬ laꞈ kʼoeˇ jawˇ˗eu deuˬ, maˬ ngeuˇ naˇ nawˬ nehˬ˗ehˇ Jaˇliꞈ dzaw˗eu deuˬ˗euˬ gʼaˇ duˬ, pyeuꞈ paˬ˗ehˇ gʼeh˗eu meh lehˇ ya noeˬ taˬ˗euˬ meh. Gʼeh nya naˇ yawˬ ha neh maˬ yuˇ taˬ˗euˬ nuiˇ duˬ kʼoeˇ taˆ mˇ myawˬ taˬ baꞈ taˬ.

Caw ba˗eu deuˬ Nawˇ mehˬ bawˬ heu laꞈ kʼoeˇ gaˇ tiˬ jeˬ na˗ahˇ caw ba mawꞈ naˇ, gaˇ kawˆ deuˬ dzawˇ nehˬ˗eu caw ba˗eu deuˬ˗ahˇ naˇ haˬ nya meh.