Nawˬ neh ya dzaw˗euˬ jeˬ˗ahˇ ya leˇ miˇ˗a loˇ?
Nawˇ Jaˇliꞈ˗ahˇ heu naˆ maˬ tseˇ siˬ nya mawꞈ miˇ˗a laˬ?
Nawˬ neh ya dzaw˗euˬ gaˇ kawˆ heu naˇ Aˬ dui mˬ maˬ maˬ byaˆ zaˇ ziˇ laˬ kʼaˬ cehˇ nya—Jaˇliꞈ aˬ joˆ˗ehˇ mehˬ˗eu nga lehˇ haw lehˇ ehˇ˗eu paˇ dmˬ laꞈ kʼoeˇ˗euˬ tiˬ kawˆ na tehꞈ˗a siˬ.
Paˇ dmˬ heu dmˬ yawˬ ngehꞈ˗ehˇ shaˇ nya˗awˇ Jaˇliꞈ jiˇ yawˬ ngehꞈ˗ehˇ dzaw nya meh. Nga maꞈ nui ma keuˆ˗eu laꞈ kʼoeˇ nawˇ yehꞈ˗eu jawˇ duˬ hawˇ˗eu aˇ yamˬ˗ahˇ mehˬ laˇ mawꞈ ma.
Nawˇ Jaˇliꞈ dzaw daˆ leꞈ ngeh gaˇ kawˆ gʼawˬ mya kawˆ˗ahˇ ya siˬ˗eu meh. Yaw jeˬ ma jeˬ,
Aˬ dui aˬ jeˬ˗euˬ gʼaˇ duˬ dehꞈ˗eu nga?
Maˇ diˇ nui saˇ oꞈ˗eu jeˬ aˬ gaˇ poˆ mawˇ nya˗eu nga?
Nymˇ jiˇ laꞈ kʼoeˇ laˬ kʼaˬ cehˇ ni aˬ joˆ˗ehˇ ya jahˇ˗eu nga?
Mehˬ hu paw nehˬ˗ehˇ taꞈ leˇ˗awˇ Jaˇliꞈ˗ahˇ aˬ joˆ˗ehˇ saˇ jaˇ dzaˬ taˬ˗euˬ nga?
Paˇ dmˬ shaˇ˗eu gʼaˇ duˬ hawˇ˗eu Jaˇliꞈ dzaw daˆ leꞈ˗eu gʼaˇ duˬ, Yeˬhawˇbaˬ˗euˬ Saˇ kiˇ tiˬ gʼaˬ na nehˬ˗ehˇ ngehˬ cawˬ, maˬ ngeuˇ naˇ jw.org gʼoeˇsaiˇ laꞈ kʼoeˇ ahˇ leˇ˗awˇ neh jiˇ Jaˇliꞈ shaˇ dzaw nya meh.
