Paˇ dmˬ heu dmˬ˗ahˇ neh tiˬ byah tiˬ loꞈ gaˇ dahˇ tsoeˬ jeˬ za˗eu gʼaˇ duˬ, aˬ joˆ˗ehˇ ya zmˬ˗eu nga?
Tiˬ gʼaˬ paˬ nehˬ˗ehˇ dzaw. Nawˬ˗ahˇ paˇ dmˬ heu dmˬ biꞈ nehˬ laꞈ˗euˬ gʼaˬ nehˬ˗ehˇ dzaw nya˗awˇ, jw.org gʼoeˇsaiˇ laꞈ kʼoeˇ jiˇ Jaˇliꞈ shaˇ dzaw nya meh.
Dahˬ beh˗eu bymˇ
Aˇ deuˆ aˬ yawꞈ deuˆ yawꞈ˗ahˇ gui. (1) Naˇ haˬ˗eu jeˬ˗ahˇ maˬ ehˇ, (2) aˇ yeˇ huiˬ˗eu tsahˇ˗ahˇ toeˬ mehˬ˗eu Jaˇliꞈ aˇ deuˆ˗ahˇ maˬ ehˇ gui. Jaˇliꞈ aˇ deuˆ tiˬ deuˆ na˗ahˇ “gui” lehˇ ehˇ taˬ˗euˬ meh.
Nyiˬ bymˇ aˬ yawꞈ bymˇ
Naꞈ suiˇ ni dzaw lehˇ ehˇ˗eu aˇ bymˇ laꞈ kʼoeˇ˗euˬ (3) aˇ dahˬ beh˗eu dawˬ naˇ, nawˇ aˬ jeˬ jeˇ˗euˬ gaˇ kawˆ˗ahˇ ya siˬ˗eu lehˇ ehˇ nehˬ laꞈ meh. (4) Uˬ dzah zaˬ deuˬ naˇ teu deuˆ˗euˬ aˇ yeˇ huiˬ˗eu tsahˇ˗ahˇ ngehˬ keuˆ taˬ˗euˬ meh. (5) Jaˇliꞈ aˇ deuˆ maˬ ehˇ, biˬdiˬoˬ maˬ ehˇ, haw˗awˇ naˇ haˬ˗eu jeˬ˗ahˇ dawˬ kʼoꞈ biꞈ.
(6) Aˇ baˇ hawˇ˗eu aˇ baˇ˗euˬ gaˇ kawˆ˗ahˇ ja sawˇ. (7) Tiˬ gʼaˬ na ehˇ˗eu lehˇ boꞈ taˬ˗euˬ tsahˇ˗ahˇ tiˬ gʼaˬ paˬ nawˬ˗ahˇ teu loꞈ˗ehˇ ehˇ laˇ ngeh, nawˇ aˬ joˆ˗ehˇ ehˇ kʼoꞈ nehˬ de lehˇ shaˇ noeˬ.
Smˬ bymˇ aˬ yawꞈ bymˇ
Jiˇ leˇ dzaˬ˗ahˇ (8) Kawˆ shawˆ hawˇ˗eu Ja sawˇ poˆ˗eu ahˇ meh. Dzaw deuˆ heu hmˬ aˬ geu ngeh nah dzaw jiˇ˗euˬ lehˇ boꞈ taˬ. (9) Ngaˇ mˇ˗eu lehˇ noeˬ taˬ˗euˬ jeˬ lehˇ ehˇ˗eu tsahˇ˗ahˇ nawˇ aˬ jeˬ jeˇ mˇ˗eu lehˇ boꞈ taˬ nya meh. Heu naˆ maˬ tseˇ siˬ nya mawꞈ naˇ (10) Haw lahˬ lehˇ ehˇ˗eu tsahˇ˗ahˇ˗euˬ gaˇ kawˆ deuˬ˗ahˇ haw˗iˇ nya meh.
Jaˇliꞈ aˇ deuˆ˗ahˇ aˬ joˆ˗ehˇ poˆ˗iˇ nya˗eu nga?
Jaˇliꞈ aˇ deuˆ deuˬ (A) Jaˇliꞈ laꞈ kʼoeˇ˗euˬ sahˬ boꞈ˗euˬ tsawˇ myahˇ ehˇ nehˬ taˬ˗awˇ (B) gaˬ naˇ yaw huiˬ hawˇ˗eu (C) gaˬ naˇ yaw nyiˇ jiˇ ehˇ nehˬ taˬ˗euˬ meh. Yaw jeˬ ma jeˬ, Yoˇhaˬ 17:3 heu naˇ, Yoˇhaˬ sahˬ boꞈ yaw huiˬ 17 yaw nyiˇ 3-ahˇ ehˇ mawꞈ˗eu meh.
