Dzaw deuˆ 55
Aˇ muˇ˗ahˇ caw ba
Miˇ kʼahˬ doe ni jawˇ˗eu tsawˇ haˬ gʼawˬ mya lam gʼaˬ yawˬ ha˗euˬ jawˇ kʼahˬ˗ahˇ jaˆ˗eu aˇ muˇ˗ahˇ Yeˬhawˇbaˬ˗euˬ gaˇ laˬ kʼaˬ tiˬ cehˇ mˇ luꞈ˗eu meh. Aˬ yawꞈ maꞈ yawˬ ha˗euˬ aˇ muˇ neh mehˬ nehˬ laꞈ˗euˬ, sheuˬ gʼeh nehˬ laꞈ˗euˬ jeˬ˗ahˇ aˇ poeˬ taˬ baw˗awˇ aˇ muˇ˗ahˇ gʼawˬ mya paw dzeˇ dzaˬ˗ahˇ neh caw ba˗eu meh. Nawˬ˗ahˇ jiˇ ni aˇ muˇ nehˬ˗ehˇ taꞈ leˇ˗awˇ teu loꞈ˗ehˇ noeˬ miˇ˗a laˬ?
1. Yawˬ ha˗euˬ aˇ yamˬ hawˇ˗eu gʼaˬ˗ahˇ zmˬ˗awˇ aˇ muˇ˗ahˇ aˬ joˆ˗ehˇ caw ba nya˗eu nga?
Aˬ dui yawˬ gʼaˬ na luꞈ aˇ muˇ˗ahˇ caw ba nya˗eu meh. Yaw jeˬ ma jeˬ, nawˬ˗euˬ aˇ muˇ laꞈ kʼoeˇ aˇ kʼoꞈ kʼawˆ laˇ˗euˬ maˬ ngeuˇ naˇ jawˇ saˇ maˬ doˆ˗eu tiˬ gʼaˬ na jawˇ meh laˬ? Aˬ yawꞈ maꞈ mehˬ bawˬ˗ahˇ laˇ nya ni nawˇ caw ba nehˬ nya ma loˇ? Maˬ ngeuˇ naˇ aˬ yawꞈ maꞈ˗euˬ gʼaˇ duˬ, myawˬ zeuˇ nehˬ iˇ˗eu, iˇ kahˇ˗euˬ gaˇ lawˬ muˇ mˇ nehˬ iˇ˗eu za meh laˬ? (Yaˬkoˆ 1:27-ahˇ gui.) Aˬ dui Bawˬdzaˬnymˇ laˆ luiˆ laˆ buˇ gaˇ hawˇ˗eu laˆ muiˬ laˆ saˇ gaˇ jiˇ caw ba nya meh. Aˬ dui˗ahˇ gaˇ heu deuˬ mˇ lehˇ tiˬ gʼaˬ˗iˬ maˬ ka tiˇ laˇ˗a. Aˬ dui Miˬyehˇ hawˇ˗eu mehˇ nmˇ deuˬ˗ahˇ gaˬ˗eu miˇ neh, ‘nui ma keuˆ˗eu laꞈ kʼoeˇ caw ba˗eu’ ma.—Ja ceuˬ 110:3.
Iˇ cuꞈ shawˇ dzeuˇ˗euˬ Saˇ kiˇ deuˬ aˇ muˇ˗ahˇ yawˬ jeˬ yawˬ lehˇ jiˇ paˇ caw ba nya˗a siˬ. Jaˇliꞈ zahˇ˗ahˇ yaw muiˬ˗ehˇ dehꞈ caw˗eu mehˇ nmˇ zaˬ yo aˬ li deuˬ aˇ muˇ˗ahˇ caw ba˗eu gʼaˬ geuꞈ nya˗awˇ, mehˬ hu paw aˇ muˇ˗ahˇ sheuˬ gʼeh˗eu gʼaˬ jiˇ geuꞈ nya laˇ˗eu meh. Mehˇ nmˇ zaˬ yo aˬ li hawˇ˗eu zaˬ miˬ aˬ buˇ deuˬ, huˬ mehˬ mehˬ˗eu gʼaˬ geuꞈ˗awˇ, tsaꞈ gaˬ˗eu gaˇ˗ahˇ aˬ myah myah naˆ maˬ tseˇ gʼaˬ caw biꞈ nya˗eu meh. Mehˇ nmˇ tiˬ deuˬ na Bawˬdzaˬnymˇ lawˬ muˇ tsoˆ˗eu gaˇ paw caw ba˗awˇ, tiˬ deuˬ na naˇ tsaꞈ gaˬ˗eu deuˬ loˬ˗eu jawˇ duˬ˗ahˇ caw ba˗iˇ˗eu meh.
2. Yawˬ ha˗euˬ pyuˇ shuiˇ myawˬ gahˬ neh aˇ muˇ˗ahˇ aˬ joˆ˗ehˇ caw ba nya˗eu nga?
Aˬ dui yawˬ ha neh ‘mˇ za shaˇ za˗euˬ jeˬ damˬ nehˬ˗eu laꞈ kʼoeˇ, Yeˬhawˇbaˬ˗ahˇ taˬ huiˬ taˬ mahˇ’ nya meh. (Dawˬdaˬ 3:9) Aˬ dui yawˬ ha˗euˬ aˇ muˇ hawˇ˗eu miˇ kʼahˬ doe ni˗euˬ tsaꞈ gaˬ˗eu gaˇ˗ahˇ caw ba˗eu gʼaˇ duˬ, pyuˇ hawˇ˗eu yawˬ ha jaˆ˗eu jeˬ ya damˬ nehˬ˗eu miˇ neh laˬ kʼaˬ cehˇ˗eu ma. (2 Gawˇliˬtu 9:7-ahˇ gui.) Aˬ dui neh damˬ nehˬ˗euˬ pyuˇ, uˬ jeˬ jaˬ lehˇ˗euˬ shaˬ zahˬ ya tahˬ puˬ˗euˬ mehˇ nmˇ deuˬ˗ahˇ caw ba gaˇ jiˇ zmˬ˗eu meh. Mehˇ nmˇ deuˬ yawˬ jawˇ na luꞈ pyuˇ damˬ dawˆ˗eu gʼaˇ duˬ, ‘pyuˇ jeˬ hmˬ taˬ˗eu’ meh. (1 Gawˇliˬtu 16:2-ahˇ gui.) Aˬ dui Bawˬdzaˬnymˇ˗ahˇ jaˆ˗eu pyuˇ damˬ bahˬ keuˆ˗ahˇ dawˆ nya˗awˇ, donate.pr418.com gʼoeˇsaiˇ˗ahˇ neh jiˇ dawˆ nya˗eu meh. Aˬ dui yawˬ ha jaˆ˗eu jeˬ˗ahˇ zmˬ˗awˇ Yeˬhawˇbaˬ˗ahˇ gaˬ˗eu lehˇ mˇ doˆ laꞈ nya˗eu meh.
Naꞈ suiˇ ni dzaw
Yawˬ ha˗euˬ aˇ muˇ˗ahˇ aˬ joˆ˗ehˇ caw ba nya˗eu nga lehˇ haw.
3. Aˬ dui pyuˇ shuiˇ myawˬ gahˬ neh caw ba nya
Nui ma keuˆ˗eu laꞈ kʼoeˇ damˬ nehˬ˗eu deuˬ˗ahˇ Yeˬhawˇbaˬ hawˇ˗eu Yeˬsuˇ gaˬ˗eu meh. Yaw jeˬ ma jeˬ, Yeˬsuˇ iˇ shaˬ shaˬ dui dui kʼawꞈ pyuˇ damˬ dawˆ˗eu miˬ coe miˬ ma tiˬ gʼaˬ˗ahˇ ja ceu˗euˬ meh. Luˇkaꞈ 21:1-4-ahˇ gui gʼaˬ naˇ, naˇ haˬ˗eu jeˬ heu˗ahˇ ja sawˇ.
-
Yeˬhawˇbaˬ pyuˇ damˬ gʼawˬ mya ni dawˆ˗awˇ neh tehꞈ˗ehˇ nui kʼahˇ shiˇ nga laˬ?
-
Aˬ dui nui ma keuˆ˗eu laꞈ kʼoeˇ damˬ nehˬ ngeh, Yeˬhawˇbaˬ hawˇ˗eu Yeˬsuˇ˗ahˇ aˬ joˆ˗ehˇ gʼeh leˇ˗eu nga?
Aˬ dui neh damˬ˗euˬ pyuˇ aˬ gaˇ gaˇ zmˬ˗iˇ˗eu nga lehˇ haw˗eu gʼaˇ duˬ, biˬdiˬoˬ pah. Kʼoeˇ naˇ, naˇ haˬ˗eu jeˬ heu˗ahˇ ja sawˇ.
-
Aˬ dui neh damˬ˗euˬ pyuˇ heu miˇ kʼahˬ doe ni jaˆ˗eu aˇ muˇ deuˬ˗ahˇ aˬ joˆ˗ehˇ gaˇ dahˇ tsoeˬ˗eu nga?
4. Aˬ dui˗euˬ gʼaˬ neh caw ba nehˬ nya
Jaˇliꞈ saˇ ka˗ahˇ˗euˬ Yeˬhawˇbaˬ˗euˬ tsawˇ haˬ deuˬ uˬ duˬ tahˬ˗eu jawˇ duˬ laˆ muiˬ laˆ saˆ gaˇ nui ma keuˆ dui dui˗eu laꞈ kʼoeˇ caw ba˗euˬ meh. Aˬ yawꞈ maꞈ pyuˇ damˬ dawˆ˗awˇ caw ba˗euˬ tehꞈ maˬ ngeuˇ˗a. 2 Laˬsaˬbaˬ 34:9-11-ahˇ gui gʼaˬ naˇ, naˇ haˬ˗eu jeˬ heu˗ahˇ ja sawˇ.
-
Iˇsaˬleˬlaˆ tsawˇ haˬ yawˬ gʼaˬ na luꞈ Yeˬhawˇbaˬ˗ahˇ uˬ duˬ tahˬ˗eu jawˇ duˬ˗ahˇ aˬ joˆ˗ehˇ bo saˆ˗euˬ nga?
Yeˬhawˇbaˬ˗euˬ Saˇ kiˇ deuˬ gaˇ hu˗euˬ Iˇsaˬleˬlaˆ deuˬ neh mˇ˗euˬ jeˬ˗ahˇ aˬ joˆ˗ehˇ dzaw geuꞈ˗eu nga lehˇ haw˗eu gʼaˇ duˬ, biˬdiˬoˬ pah. Kʼoeˇ naˇ, naˇ haˬ˗eu jeˬ heu˗ahˇ ja sawˇ.
-
Aˬ dui˗euˬ Bawˬdzaˬnymˇ aˬ myah luꞈ buˇ coeˆ ni haw muiˬ paˬ˗ehˇ bi jaˆ˗eu heu naˇ aˬ jeˬ miˇ neh aˇ yeˇ huiˬ˗eu nga?
-
Nawˇ tawˇ neh aˬ joˆ˗ehˇ caw ba nehˬ nya nga?
5. Mehˇ nmˇ zaˬ yo aˬ li deuˬ aˇ muˇ˗euˬ gaˇ˗ahˇ caw ba˗eu gʼaˇ duˬ leh jeh nya
Jaˇliꞈ mehˇ nmˇ zaˬ yo aˬ li deuˬ˗ahˇ aˇ muˇ˗euˬ gaˇ˗ahˇ caw ba˗eu gʼaˇ duˬ, kʼaˇ gʼeh nya gaˇ neh leh jeh lehˇ gʼaˬ biꞈ˗eu meh. Yaw jeˬ ma jeˬ˗ahˇ haw˗eu gʼaˇ duˬ, biˬdiˬoˬ pah. Kʼoeˇ naˇ, naˇ haˬ˗eu jeˬ heu˗ahˇ ja sawˇ.
-
Biˬdiˬoˬ laꞈ kʼoeˇ˗euˬ mehˇ nmˇ Laiˇ˗yaˬ, aˇ muˇ˗ahˇ tiˬ byah tiˬ loꞈ caw ba nya˗eu gʼaˇ duˬ aˬ joˆ˗ehˇ leh jeh˗euˬ nga?
Jaˇliꞈ laꞈ kʼoeˇ aˇ muˇ˗ahˇ caw ba˗eu deuˬ hawˇ˗eu aˇ muˇ˗ahˇ sheuˬ gʼeh˗eu deuˬ aˬ joˆ˗ehˇ gʼeh˗eu tsawˇ haˬ ya pyeuꞈ˗eu lehˇ ehˇ nehˬ taˬ˗euˬ meh. 1 Tiˆmoˇseˬ 3:1-13-ahˇ gui gʼaˬ naˇ, naˇ haˬ˗eu jeˬ heu˗ahˇ ja sawˇ.
-
Aˇ muˇ˗ahˇ caw ba˗eu gʼaˬ hawˇ˗eu aˇ muˇ˗ahˇ sheuˬ gʼeh˗eu gʼaˬ pyeuꞈ nya ni leh jeh˗eu deuˬ, aˬ joˆ˗ehˇ gʼeh˗eu tsawˇ haˬ ya pyeuꞈ nga?
-
Aˬ yawꞈ maꞈ˗euˬ nymˇ jiˇ tawˇ neh aˬ joˆ˗ehˇ ya gʼeh˗eu nga?—Aˇ deuˆ 4 hawˇ˗eu 11˗ahˇ haw.
-
Mehˇ nmˇ zaˬ yo aˬ li deuˬ heu gaˇ ehˇ taˬ˗euˬ loꞈ˗ehˇ gʼeh˗eu tsawˇ haˬ pyeuꞈ laˇ ni leh jeh naˇ, aˇ muˇ laꞈ kʼoeˇ˗euˬ yawˬ gʼaˬ na luꞈ˗ahˇ aˬ joˆ˗ehˇ gaˇ dahˇ tsoeˬ˗eu nga?
Tiˬ gʼaˬ na naˇ haˬ˗eu: “Yeˬhawˇbaˬ˗euˬ Saˇ kiˇ deuˬ˗euˬ gaˇ, aˬ gaˇ˗euˬ pyuˇ neh mˇ˗eu nga?”
-
Teu loꞈ˗ehˇ naˇ haˬ laˇ naˇ, nawˇ aˬ joˆ˗ehˇ ehˇ kʼoꞈ nehˬ de?
Kawˆ shawˆ
Aˬ dui yawˬ ha˗euˬ aˇ yamˬ, gʼaˬ, pyuˇ shuiˇ myawˬ gahˬ˗ahˇ zmˬ˗awˇ aˇ muˇ˗ahˇ caw ba nehˬ gaˇ Yeˬhawˇbaˬ aˇ poeˬ taˬ baw dui dui˗eu meh.
Ja sawˇ poˆ˗eu
-
Aˬ dui yawˬ ha˗euˬ aˇ yamˬ hawˇ˗eu gʼaˬ˗ahˇ zmˬ˗awˇ aˇ muˇ˗ahˇ aˬ joˆ˗ehˇ caw ba nya˗eu nga?
-
Aˬ dui yawˬ ha˗euˬ pyuˇ shuiˇ myawˬ gahˬ˗ahˇ zmˬ˗awˇ aˇ muˇ˗ahˇ aˬ joˆ˗ehˇ caw ba nya˗eu nga?
-
Nawˬ˗ahˇ aˇ muˇ˗ahˇ aˬ jeˬ caw ba nehˬ mawꞈ nya?
Haw lahˬ
Miˬyehˇ aˬ jeˬ miˇ neh aˬ yawꞈ˗ahˇ uˬ duˬ tahˬ˗eu deuˬ˗ahˇ tseˇ bymˇ tiˬ bymˇ maˬ paˇ bi damˬ˗euˬ nga lehˇ haw.
Jaˇliꞈ laꞈ kʼoeˇ ehˇ taˬ˗euˬ loꞈ˗ehˇ gaˇ tiˬ jeˬ na˗ahˇ naˇ iˇ cuꞈ shawˇ dzeuˇ˗euˬ mehˇ nmˇ zaˬ yo aˬ li deuˬ tehꞈ˗ehˇ ya mˇ˗eu meh. Ehˇ kʼawꞈ gaˇ teu˗ahˇ iˇ cuꞈ shawˇ dzeuˇ˗euˬ mehˇ nmˇ zaˬ miˬ aˬ buˇ tiˬ gʼaˬ mˇ˗eu loˬ laˇ naˇ aˬ jeˬ ya jahˇ˗eu nga?
Kʼaˬ duˬ ni gʼeh˗awˇ nui ma keuˆ dui dui˗eu mehˇ nmˇ tiˬ deuˬ, mehˇ nmˇ nui deuˬ˗ahˇ paˇ dmˬ aˬ joˆ˗ehˇ sha ha˗iˇ˗eu nga lehˇ haw.
Kahˇgoˬ miˇ kʼahˬ˗ahˇ Jaˇliꞈ˗ahˇ dawˬ pehˬ taˬ˗eu paˇ dmˬ deuˬ biˇ kʼawˬ˗eu (4:25)
Aˬ dui mˇ luꞈ˗eu gaˇ˗ahˇ zmˬ˗eu pyuˇ aˬ gaˇ neh za˗awˇ, zahˇ nui deuˬ nehˬ˗ehˇ aˬ joˆ˗ehˇ beu gaˇ˗eu nga lehˇ haw.
