Ngaˇ dah laˇ miˬ˗aˇ laˬ?
Ngaˇ aˇ muˇ laꞈ kʼoeˇ˗euˬ deuˬ nehˬ˗ehˇ tsaꞈ gaˬ˗iˇ nya laˇ miˇ˗a laˬ?
Nawˇ heu gaˇ laꞈ oˆ ehˇ taˬ˗euˬ heu deuˬ mˇ luꞈ naˇ, iˇ cuꞈ maˬ shawˇ˗euˬ tsaꞈ gaˬ˗eu gʼaˬ geuꞈ nya laˇ mehˬ.
Aˬ myah luꞈ Jaˇliꞈ gui˗awˇ guiˬ lahˬ shaˇ˗eu uˬ taꞈ, mehˬ bawˬ˗ahˇ iˇ˗eu
Yawˬ ha neh ya dzaw˗euˬ jeˬ˗ahˇ jah˗awˇ aˇ poeˬ taˬ baw˗eu uˬ taꞈ, aˬ cawˬ˗ahˇ ja nehˬ mawꞈ˗eu
Yeˬhawˇbaˬ˗ahˇ gaˬ˗awˇ aˬ yawꞈ˗ahˇ gaˬ˗eu deuˬ nehˬ˗ehˇ gʼoeˇ˗eu
Miˇ kʼahˬ˗ahˇ uˆ lahˇ˗eu jeˬ˗ahˇ maˬ taꞈ˗eu, zahˇ kʼawꞈ˗ahˇ neh doˆ laˇ dzeuˇ˗euˬ
Yeˬhawˇbaˬ˗euˬ zahˇ dawˬ˗ahˇ dehꞈ caw˗awˇ, Yeˬhawˇbaˬ˗euˬ Saˇ kiˇ tiˬ gʼaˬ pyeuꞈ mawꞈ˗eu
Nawˇ mehˇ nmˇ deuˬ nehˬ˗ehˇ tsaꞈ gaˬ˗iˇ˗eu dah laˇ maˬ lehˇ noeˬ naˇ, nawˬ˗ahˇ Jaˇliꞈ mehˬ˗eu gʼaˬ˗ahˇ ehˇ nehˬ˗awˬ. Aˬ yawꞈ nawˇ iˇ nya laˇ ngaˬ˗aˇ laˬ lehˇ, aˇ muˇ˗ahˇ sheuˬ gʼeh˗eu deuˬ nehˬ˗ehˇ bi ngehˬ cawˬ˗eu meh.
Ngaˇ iˇ cuꞈ shawˇ nya laˇ miˬ˗aˇ laˬ?
Nawˇ heu gaˇ laꞈ oˆ ehˇ taˬ˗euˬ heu deuˬ mˇ luꞈ naˇ, iˇ cuꞈ shawˇ nya laˇ mehˬ.
Iˇ cuꞈ maˬ shawˇ˗euˬ tsaꞈ gaˬ˗eu gʼaˬ geuꞈ luꞈ˗eu
Kʼaˇ gʼeh nya gaˇ neh aˬ myah luꞈ tsaꞈ gaˬ˗eu
“Saˇ jaˇ ziꞈ˗awˇ noeˬ dahˇ doe˗eu zaˬ kʼaˆ”˗ahˇ gʼaˬ biꞈ˗awˇ, aˬ yawꞈ maꞈ sheuˬ gʼeh˗eu jeˬ˗ahˇ caw teh˗eu—Maꞈtehˬ 24:45-47
Guiˬ lahˬ shaˇ˗eu laꞈ kʼoeˇ Yeˬhawˇbaˬ˗ahˇ a nehˬ dzeuˇ˗euˬ uˬ taꞈ, aˬ yawꞈ˗ahˇ mˬ maˬ maˬ byaˆ zaˇ ziˇ uˬ duˬ tahˬ mawꞈ˗eu
Nawˇ iˇ cuꞈ shawˇ nya laˇ miˬ˗aˇ lehˇ noeˬ naˇ, nawˬ˗ahˇ Jaˇliꞈ mehˬ˗eu gʼaˬ˗ahˇ ehˇ nehˬ˗awˬ. Aˬ yawꞈ nawˇ iˇ cuꞈ shawˇ nya laˇ ngaˬ˗aˇ laˬ lehˇ, aˇ muˇ˗ahˇ sheuˬ gʼeh˗eu deuˬ nehˬ˗ehˇ bi ngehˬ cawˬ˗eu meh.
