Paˇ dmˬ heu dmˬ˗ahˇ neh tiˬ byah tiˬ loꞈ gaˇ dahˇ tsoeˬ jeˬ za˗eu gʼaˇ duˬ, aˬ joˆ˗ehˇ ya zmˬ˗eu nga?
Paˇ dmˬ heu dmˬ˗ahˇ aˬ joˆ˗ehˇ ya zmˬ˗eu nga lehˇ kawˆ shawˆ˗ehˇ haw gʼaˬ naˇ, Biˬdiˬoˬ pah.
Dahˬ beh˗eu bymˇ
Maˬ dzaw mi naˆ˗ehˇ lehˬ hmˬ taˬ˗eu gʼaˇ duˬ, dahˬ beh˗eu bymˇ˗ahˇ gui. (1) Naˇ haˬ˗eu jeˬ hawˇ˗eu (2) Jaˇliꞈ aˇ deuˆ deuˬ naˇ, aˇ yeˇ huiˬ˗eu tsahˇ˗ahˇ toeˬ mehˬ nehˬ laꞈ˗eu meh. Jaˇliꞈ aˇ deuˆ tiˬ deuˆ na˗ahˇ “gui” lehˇ ehˇ taˬ˗euˬ meh.
Nyiˬ bymˇ aˬ yawꞈ bymˇ
Naꞈ suiˇ ni dzaw lehˇ ehˇ˗eu aˇ bymˇ laꞈ kʼoeˇ˗euˬ (3) aˇ dahˬ beh˗eu dawˬ naˇ, nawˇ aˬ jeˬ jeˇ˗euˬ gaˇ kawˆ˗ahˇ ya siˬ˗eu lehˇ ehˇ nehˬ laꞈ meh. (4) Uˬ dzah zaˬ deuˬ naˇ teu deuˆ˗euˬ aˇ yeˇ huiˬ˗eu tsahˇ˗ahˇ ngehˬ keuˆ taˬ˗euˬ meh. Mehˬ˗eu gʼaˬ nehˬ˗ehˇ Jaˇliꞈ aˇ deuˆ maˬ ehˇ, biˬdiˬoˬ maˬ ehˇ, haw˗awˇ naˇ haˬ˗eu jeˬ˗ahˇ dawˬ kʼoꞈ biꞈ.
Biˬdiˬoˬ deuˬ naˇ, dzaw luꞈ˗eu gaˇ kawˆ˗ahˇ yaw muiˬ˗ehˇ gʼoˆ shaw laˇ ni caw ba nehˬ laꞈ˗eu meh. Biˬdiˬoˬ tiˬ hmˬ na maˇ maˇ ni pyeuꞈ yaꞈ˗euˬ gaˇ kawˆ pyeuꞈ˗awˇ, tiˬ hmˬ na naˇ maˇ diˇ pyeuꞈ laˇ nya˗eu gaˇ kawˆ yaw jeˬ ma jeˬ˗ahˇ dehˬ taˬ˗euˬ meh.
(5) Aˇ baˇ hawˇ˗eu aˇ baˇ˗euˬ gaˇ kawˆ˗ahˇ ja sawˇ. (6) Tiˬ gʼaˬ na ehˇ˗eu lehˇ boꞈ taˬ˗euˬ tsahˇ˗ahˇ tiˬ gʼaˬ paˬ nawˬ˗ahˇ teu loꞈ˗ehˇ ehˇ laˇ ngeh, nawˇ aˬ joˆ˗ehˇ ehˇ kʼoꞈ nehˬ de lehˇ shaˇ noeˬ.
Smˬ bymˇ aˬ yawꞈ bymˇ
Jiˇ leˇ dzaˬ˗ahˇ (7) Kawˆ shawˆ hawˇ˗eu Ja sawˇ poˆ˗eu ahˇ meh. Dzaw deuˆ heu hmˬ aˬ geu ngeh nah dzaw jiˇ˗euˬ lehˇ boꞈ taˬ. (8) Ngaˇ mˇ˗eu lehˇ noeˬ taˬ˗euˬ jeˬ lehˇ ehˇ˗eu tsahˇ˗ahˇ nawˇ aˬ jeˬ jeˇ mˇ˗eu lehˇ boꞈ taˬ nya meh. Heu naˆ maˬ tseˇ siˬ nya mawꞈ naˇ (9) Haw lahˬ lehˇ ehˇ˗eu tsahˇ˗ahˇ˗euˬ gaˇ kawˆ deuˬ˗ahˇ haw˗iˇ nya meh.
Jaˇliꞈ aˇ deuˆ˗ahˇ aˬ joˆ˗ehˇ poˆ˗iˇ nya˗eu nga?
Jaˇliꞈ laꞈ kʼoeˇ paˇ dmˬ dmˬ zaˬ 66 dmˬ ahˇ˗awˇ, nyiˬ paˆ lehˇ biˇ taˬ˗euˬ meh. Dahˬ beh˗eu paˆ naˇ Heˬbyehˇ hawˇ˗eu Aˬlaˬmiˇ Jaˇliꞈ (“Jaˇliꞈ yaw oeˇ dmˬ”) pyeuꞈ˗awˇ, nyiˬ paˆ aˬ yawꞈ paˆ naˇ Ka li zaˬ˗euˬ Gaˬliˇ Jaˇliꞈ (“Jaˇliꞈ yaw shuiꞈ dmˬ”) pyeuꞈ meh.
Jaˇliꞈ aˇ deuˆ˗ahˇ ngehˬ keuˆ ngeh, (A) Jaˇliꞈ laꞈ kʼoeˇ˗euˬ sahˬ boꞈ˗euˬ tsawˇ myahˇ ehˇ nehˬ taˬ˗awˇ, (B) gaˬ naˇ yaw huiˬ hawˇ˗eu (C) gaˬ naˇ yaw nyiˇ jiˇ ehˇ nehˬ taˬ˗euˬ meh.
Yaw jeˬ ma jeˬ, Yoˇhaˬ 17:3 heu naˇ, Yoˇhaˬ sahˬ boꞈ yaw huiˬ 17 yaw nyiˇ 3-ahˇ ehˇ mawꞈ˗eu meh.
