Naˇ haˬ luꞈ˗eu deuˬ˗ahˇ yaw muiˬ paw dzeˇ haw. Aˬ dui˗euˬ mehˇ nmˇ deuˬ Yeˬhawˇbaˬ nui kahˇ shiˇ ni mˇ mawꞈ meh lehˇ jah ziꞈ. Nui noeˬ nui duˇ ya biꞈ kʼawꞈ, aˬ yawꞈ maꞈ˗euˬ yaw muiˬ jeˬ˗ahˇ kʼaˇ gʼeh nya gaˇ neh nui ma keuˆ˗eu laꞈ kʼoeˇ jeˬ hu ja ceuˬ nehˬ.

Maˬ muiˬ paw dzeˇ yaw kʼaˆ˗ehˇ taˬ ngehˬ. Maˬ muiˬ˗eu gaˇ kawˆ˗ahˇ ya ngehˬ keuˆ ngeh, maˇ diˇ loˬ gaˇ tehꞈ˗ehˇ ngehˬ. Gaˇ kawˆ myaˬ tiˬ paˆ yaw muiˬ paw dzeˇ tehꞈ˗ehˇ ngehˬ˗eu jeˬ ya bi pyeuꞈ.

Jaˇliꞈ˗ahˇ gaˇ dahˇ tsoeˬ leˇ ni zmˬ. Yeˬhawˇbaˬ neh tsawˇ haˬ zaˬ˗euˬ gʼaˇ duˬ, mˇ dzeuˇ yaꞈ˗euˬ jeˬ˗ahˇ maˬ ehˇ, mˇ luꞈ˗eu jeˬ˗ahˇ maˬ ehˇ, mˇ˗eu lehˇ gʼeh˗eu jeˬ˗ahˇ maˬ ehˇ, yaw kʼaˆ˗ehˇ ngehˬ keuˆ. Naˇ haˬ luꞈ˗eu deuˬ˗ahˇ nui kʼaˬ ahˇ˗awˇ noeˬ tmˬ˗eu jeˬ jaˆ ni caw ba nehˬ.