Dzaw deuˆ 18
Naˇ haˬ luꞈ˗eu deuˬ˗ahˇ nui gahˇ biꞈ
1 Gawˇliˬtu 9:19-23
Aˇ yeˇ huiˬ˗eu jeˬ: Naˇ haˬ luꞈ˗eu deuˬ˗ahˇ yawˬ ha˗euˬ nui noeˬ zmˬ ni laˆ noeˬ nehˬ˗awˇ, ya gaˬ˗euˬ jeˬ heu aˇ poeˬ baw miˇ˗a lehˇ noeˬ leˇ ni caw ba nehˬ.
Mˇ paˬ˗ehˇ gʼeh˗eu jeˬ:
-
Naˇ haˬ luꞈ˗eu deuˬ aˬ jeˬ jeˇ˗ahˇ siˬ nya dzeuˇ˗euˬ nga lehˇ jeˬ hu shaˇ noeˬ. Gaˇ kawˆ teu kawˆ˗ahˇ aˬ yawꞈ maꞈ neh siˬ nya dzeuˇ taˬ˗euˬ jeˬ˗ahˇ tehꞈ˗ehˇ maˬ ngehˬ poˆ ni, aˬ yawꞈ maꞈ maˬ siˬ nya˗eu yaw shuiꞈ tsahˇ˗ahˇ toeˬ mehˬ nehˬ.
-
Poˆ tseˇ˗awˇ shaˇ noeˬ shaˇ sawˇ. Gʼeh nya naˇ, aˇ yeˇ huiˬ˗eu tsahˇ˗ahˇ dzawˇ nehˬ˗eu gʼaˇ duˬ, maˬ gaˬ haw˗euˬ gaˇ kawˆ hawˇ˗eu nymˬ˗mˇ pyeuꞈ luꞈ˗eu gaˇ kawˆ˗ahˇ zmˬ. Naꞈ suiˇ ni ngehˬ˗eu gʼaˇ duˬ, ngehˬ˗eu lehˇ gʼeh˗eu gaˇ kawˆ˗ahˇ hawˇ˗eu, gaˇ kawˆ teu aˬ dui neh poˆ tseˇ˗euˬ gaˇ kawˆ nehˬ˗ehˇ aˬ joˆ˗ehˇ taꞈ nga lehˇ shaˇ noeˬ shaˇ sawˇ.
-
Gaˇ kawˆ deuˬ gaˇ dahˇ tsoeˬ˗eu lehˇ bi siˬ. Jaˇliꞈ aˇ deuˆ deuˬ naˇ haˬ luꞈ˗eu deuˬ˗euˬ dehꞈ ziˇ˗ahˇ gaˇ dahˇ aˬ joˆ˗ehˇ tsoeˬ˗eu lehˇ dzawˇ nehˬ. Aˬ yawꞈ maꞈ nehˬ˗ehˇ taꞈ˗eu gaˇ kawˆ˗ahˇ maˬ ehˇ, haw jeˬ haw kawˆ˗ahˇ maˬ ehˇ, mˇ jeˬ shaˇ kawˆ˗ahˇ maˬ ehˇ, heu deuˬ˗ahˇ ngehˬ keuˆ.
