Dzaw deuˆ 19
Nui ma˗ahˇ zaw leˇ ni mehˬ
Dawˬdaˬ 3:1
Aˇ yeˇ huiˬ˗eu jeˬ: Naˇ haˬ luꞈ˗eu deuˬ˗ahˇ aˬ yawꞈ maꞈ neh ya gaˬ˗euˬ jeˬ˗ahˇ aˇ poeˬ taˬ baw˗awˇ, mˇ caw nya ni caw ba nehˬ.
Mˇ paˬ˗ehˇ gʼeh˗eu jeˬ:
-
Naˇ haˬ luꞈ˗eu deuˬ˗ahˇ yawˬ haˇ yawˬ ha pyehˆ tseˇ ni caw ba. Naˇ haˬ luꞈ˗eu deuˬ yawˬ ha˗euˬ nui ma˗ahˇ pyehˆ tseˇ ni, tiˬ jeˬ na naˇ haˬ nehˬ.
-
Muiˬ˗eu nui ma ahˇ ni laˆ noeˬ nehˬ. Naˇ haˬ luꞈ˗eu deuˬ˗ahˇ yawˬ ha yaw muiˬ jeˬ mˇ˗eu heu naˇ, aˬ jeˬ baˬ da neh mˇ˗eu lehˇ pyehˆ tseˇ ni caw ba nehˬ. Aˬ yawꞈ maꞈ˗ahˇ Yeˬhawˇbaˬ hawˇ˗eu aˬ cawˬ˗ahˇ maˬ ehˇ, Jaˇliꞈ˗euˬ dawˬ mehˬ dawˬ tsoˆ˗ahˇ maˬ ehˇ, heu deuˬ˗ahˇ gaˬ ni caw ba nehˬ. Aˬ yawꞈ maꞈ˗ahˇ mehˬ˗eu tehꞈ˗ehˇ maˬ gʼeh ni, Jaˇliꞈ˗euˬ zaˬ siˬ nui gahˇ˗ahˇ gʼoˆ shaw ni caw ba nehˬ. Aˬ yawꞈ maꞈ shaꞈ dawˇ ni maˬ ehˇ, nui ma maˬ muiˬ ni maˬ ehˇ jahˇ ngeh to˗aˬ, gʼaˬ biꞈ nehˬ˗awˇ muiˬ˗eu jeˬ mˇ ni laˆ noeˬ nehˬ.
-
Yeˬhawˇbaˬ˗ahˇ noeˬ keuˆ ni caw ba nehˬ. Jaˇliꞈ˗euˬ dawˬ mehˬ dawˬ tsoˆ, yawˬ tsaˬ yaw dawˇ, zahˇ dawˬ kʼoꞈ dawˬ heu deuˬ Yeˬhawˇbaˬ˗euˬ seu dzeuꞈ hawˇ˗eu nui gaˬ nehˬ˗ehˇ taꞈ˗awˇ, aˬ dui˗ahˇ aˬ jeˬ mehˬ˗eu nga lehˇ ngehˬ keuˆ. Naˇ haˬ luꞈ˗eu deuˬ˗ahˇ Yeˬhawˇbaˬ˗euˬ nui ma˗ahˇ noeˬ keuˆ˗awˇ, aˬ yawꞈ nui ma tsaˬ˗eu jeˬ˗ahˇ mˇ mawꞈ ni caw ba.
