Dzaw deuˆ 2
Aˬ myah myah ngehˬ˗eu loꞈ˗ehˇ ngehˬ
2 Gawˇliˬtu 2:17
Aˇ yeˇ huiˬ˗eu jeˬ: Aˬ myah myah ngehˬ˗eu loꞈ˗ehˇ yaw zeu baw˗eu laꞈ kʼoeˇ dawˇ coe ni ngehˬ.
Mˇ paˬ˗ehˇ gʼeh˗eu jeˬ:
-
Guiˬ lahˬ shaˇ˗awˇ yaw muiˬ˗ehˇ lehˬ hmˬ. Yawˬ ha˗ahˇ maˬ ngeuˇ˗eu ngehˬ luꞈ˗eu gaˇ kawˆ˗ahˇ haw tsoˆ taˬ nya ni guiˬ lahˬ shaˇ. Aˇ yeˇ huiˬ˗eu tsahˇ aˬ geu tsahˇ nga lehˇ yaw duˬ duˬ lehˇ noeˬ taˬ. Sahˬ boꞈ laꞈ kʼoeˇ kʼaˇ ahˇ˗eu loꞈ˗ehˇ maˬ gui caw ni yawˬ ha˗euˬ dawˬ neh dzawˇ nehˬ.
-
Dawˇ coe ni ngehˬ. Naˇ haˬ luꞈ˗eu deuˬ gaˇ kawˆ heu˗ahˇ aˬ jeˬ miˇ neh siˬ nya paˬ˗ehˇ gʼeh nga lehˇ shaˇ noeˬ. Aˬ dui aˬ yawꞈ maꞈ˗euˬ gʼaˇ duˬ noeˬ keuˆ nehˬ naˇ, aˬ dui ngehˬ˗eu jeˬ hawˇ˗eu mˇ˗eu jeˬ lmˇ boˬ ni gʼoeˇ laˇ paˬ˗ehˇ gʼeh meh.
-
Naˇ haˬ luꞈ˗eu deuˬ˗ahˇ haw. Naˇ haˬ luꞈ˗eu deuˬ˗ahˇ haw ngeh, aˬ yawꞈ maꞈ˗ahˇ maˬ saˇ maˇ saˇ˗ehˇ maˬ bi gʼeh leˇ ni haw. Dawˬ mehˬ mehˬ ngeh, doe doe gʼa gʼa˗ehˇ haw ngeh to˗aˬ, tiˬ gʼaˬ na˗ahˇ tiˬ kʼehˇ kʼehˬ haw.
