Jah coeˇ paˬ˗ehˇ gʼeh˗eu gaˇ kawˆ deuˬ˗ahˇ zmˬ. Aˬ dui mehˬ˗eu jeˬ Jaˇliꞈ laꞈ kʼoeˇ neh laˇ˗euˬ jeˬ bi pyeuꞈ˗awˇ, gʼeh nya naˇ Jaˇliꞈ˗ahˇ gui. Miˇ tsaˬ nui gahˇ gaˇ kawˆ˗ahˇ maˬ ehˇ, pyeuꞈ laˇ˗euˬ gaˇ kawˆ˗ahˇ maˬ ehˇ, puˬ haw laꞈ˗euˬ gaˇ kawˆ˗ahˇ maˬ ehˇ, heu deuˬ˗ahˇ zmˬ naˇ, maˬ zmˬ mi naˆ˗ehˇ maˇ diˇ ngeuˇ ngaˇ laˬ lehˇ yaw muiˬ˗ehˇ pyehˆ tseˇ.

Gaˇ kawˆ deuˬ˗ahˇ tsaˬ ni zmˬ. Jaˇliꞈ aˇ deuˆ˗ahˇ dzawˇ nehˬ ngeh, Jaˇliꞈ teu deuˆ nehˬ˗ehˇ taꞈ˗eu gaˇ kawˆ nehˬ˗ehˇ maˬ ehˇ, Jaˇliꞈ˗euˬ gaˇ kawˆ dawˬ tawˆ luꞈ nehˬ˗ehˇ maˬ ehˇ, “saˇ jaˇ ziꞈ˗awˇ noeˬ dahˇ doe˗eu zaˬ kʼaˆ”˗ahˇ neh laˇ˗euˬ paˇ dmˬ deuˬ nehˬ˗ehˇ maˬ ehˇ, heu deuˬ nehˬ˗ehˇ tsaˬ leˇ ni mehˬ nehˬ. (Maꞈtehˬ 24:45) Gaˇ kawˆ nui deuˬ˗ahˇ zmˬ naˇ, dawˬ tsuiꞈ maˬ ya laˆ paˇ˗eu uˬ taꞈ, boꞈ˗euˬ gʼaˬ neh noeˬ taˬ˗euˬ jeˬ nehˬ˗ehˇ jiˇ ya bi tsaˬ leˇ.

Naˇ haˬ luꞈ˗eu deuˬ˗ahˇ gʼoˆ shaw leˇ ni caw ba nehˬ. Jaˇliꞈ aˇ deuˆ˗ahˇ gui gʼaˬ ngeh maˬ ehˇ, gaˇ kawˆ deuˬ˗ahˇ zmˬ ngeh maˬ ehˇ, naˇ haˬ luꞈ˗eu deuˬ yawˬ haˇ yawˬ ha bi gʼoˆ shaw˗eu gʼaˇ duˬ, tiˬ jeˬ paˬ lehˇ naˇ haˬ, maˬ ngeuˇ naˇ yaw jeˬ ma jeˬ ja nehˬ.