Yaw awˬ awˬ˗ehˇ gʼeh˗eu yaw jeˬ ma jeˬ˗ahˇ tseˇ. Yeˬsuˇ loꞈ˗ehˇ duˇ ni, gʼawˬ loe ni gʼeh˗eu gaˇ kawˆ˗ahˇ dzawˇ nehˬ˗eu gʼaˇ duˬ nyiˇ dui dui˗eu gaˇ kawˆ˗ahˇ zmˬ˗awˇ, naꞈ suiˇ ni gʼeh˗eu gaˇ kawˆ˗ahˇ dzawˇ nehˬ˗eu gʼaˇ duˬ, awˬ dui dui˗eu gaˇ kawˆ˗ahˇ zmˬ. Gʼoˆ shaw˗eu shaˬ˗eu, maˬ loˬ˗eu gaˇ kawˆ˗ahˇ taˬ zmˬ. Naˇ haˬ luꞈ˗eu deuˬ maˬ bi noeˬ kaꞈ˗eu gʼaˇ duˬ, aˬ dui mehˬ luꞈ˗eu gaˇ kawˆ nehˬ˗ehˇ taꞈ leˇ˗eu yaw jeˬ ma jeˬ˗ahˇ zmˬ.

Naˇ haˬ luꞈ˗eu deuˬ˗ahˇ noeˬ keuˆ. Naˇ haˬ luꞈ˗eu deuˬ mˇ˗eu jeˬ, maˬ ngeuˇ naˇ aˬ yawꞈ maꞈ nui ma ahˇ˗eu jeˬ nehˬ˗ehˇ taꞈ˗eu yaw jeˬ ma jeˬ˗ahˇ tseˇ. Aˬ yawꞈ maꞈ nui ma maˬ saˇ˗eu, nui ma pehˇ˗eu yaw jeˬ ma jeˬ˗ahˇ maˬ tseˇ ni yahˇ.

Aˇ yeˇ huiˬ˗eu tsahˇ˗ahˇ mehˬ. Yaw jeˬ ma jeˬ zmˬ˗eu heu naˇ, ciˇ liˇ cawˇ lawˇ˗ehˇ gʼeh˗eu jeˬ˗ahˇ ngehˬ keuˆ˗eu gʼaˇ duˬ maˬ ngeuˇ ni, aˇ yeˇ huiˬ˗eu tsahˇ˗ahˇ ngehˬ keuˆ˗eu gʼaˇ duˬ bi pyeuꞈ. Naˇ haˬ luꞈ˗eu deuˬ˗ahˇ yaw jeˬ ma jeˬ˗ahˇ tehꞈ˗ehˇ maˬ ngeuˇ˗eu, aˬ dui neh mehˬ˗euˬ aˇ yeˇ huiˬ˗eu jeˬ˗ahˇ noeˬ taˬ nya ni caw ba nehˬ.