“Miˬyehˇ-euˬ dawˬ kawˬ-ahˇ ya gaˬ-awˇ mˇ caw-eu deuˬ, maˇ diˇ laˬ k’aˬ cehˇ meh.”—Luˇkaꞈ 11:28, Miˇ shuiꞈ dawˬ paˇ Jaˇliꞈ.

Maˇ maˇ ni gaˬ-eu jeˬ-ahˇ ya mawˇ.—Eˇpeˇsu 5:28, 29.

Tiˬ g’aˬ tiˇ g’aˬ nui ma laꞈ k’oeˇ neh yaw zeu baw.—Eˇpeˇsu 5:33.

Nymˇ jiˇ laꞈ k’oeˇ mehˬ bawˬ gm-awˇ lmˇ boˬ ni g’eh.—Maˬkuˆ 10:6-9.

Jah nya-eu yaw teˬ nyiˬ kawˆ jaˆ meh.

• Miˬyehˇ nymˇ jiˇ-ahˇ dahˬ beh-euˬ g’aˬ pyeuꞈ. Jaˇliꞈ laꞈ k’oeˇ Yeˬhawˇbaˬ Miˬyehˇ dahˬ beh-euˬ nyiˬ dzeˇ zaˬ-ahˇ bi dahˬ dzaˬ-euˬ meh lehˇ ehˇ taˬ-euˬ meh. (Aˇdahˬbeh-eu 2:18-24) Teu gaˇ haw ngeh, nymˇ jiˇ yawˬ jiˇ na luꞈ-ahˇ Yeˬhawˇbaˬ neh beh-euˬ lehˇ siˬ laˇ-eu meh. Gaˇ kawˆ heu-ahˇ siˬ nya-eu aˬ jeˬ miˇ neh aˇ yeˇ huiˬ-eu nga?

  Shaˇ noeˬ haw sheˇ. Nawˇ kuiˇ dui dui-eu g’awˬ nyoeˇ tiˬ jeˬ-ahˇ ya dzaˬ ngeh, g’awˬ nyoeˇ teu-ahˇ aˬ joˆ-ehˇ jahˇ-euˬ nga lehˇ siˬ nya mawꞈ naˇ, aˬ suˇ g’aˬ-ahˇ naˇ haˬ de? G’awˬ nyoeˇ teu jahˇ-euˬ g’aˬ-ahˇ naˇ haˬ-eu maˬ ngeuˇ laˬ?

  Teu gaˇ duˇ ni, nawˇ nymˇ jiˇ laꞈ k’oeˇ laˬ k’aˬ cehˇ ni aˬ joˆ-ehˇ ya jahˇ-eu lehˇ siˬ nya mawꞈ naˇ, nymˇ jiˇ-ahˇ Dahˬ beh-euˬ g’aˬ pyeuꞈ-eu Yeˬhawˇbaˬ-ahˇ ya naˇ haˬ-eu meh.—Aˇdahˬbeh-eu 2:18-24.

• Miˬyehˇ nawˬ-ahˇ gaˬ-awˇ k’ahˬ lahˇ meh. Nymˇ jiˇ laꞈ k’oeˇ-euˬ deuˬ Yeˬhawˇbaˬ neh Jaˇliꞈ laꞈ k’oeˇ mehˬ nehˬ taˬ-euˬ jeˬ-ahˇ mˇ caw naˇ, nymˇ jiˇ laꞈ k’oeˇ laˬ k’aˬ cehˇ-eu meh. Aˬ jeˬ miˇ neh nga? Miˬyehˇ nawˬ-ahˇ “ngehˬ g’eh bo saˆ luꞈ-eu” miˇ neh meh. (1 Beˬtuˆluˆ 5:6, 7) Yeˬhawˇbaˬ nawˬ-ahˇ k’ahˬ lahˇ meh. Teu miˇ neh, aˬ yawꞈ neh mehˬ-euˬ jeˬ aˬ myah luꞈ aˬ dui-ahˇ gaˇ dahˇ tsoeˬ-eu meh.—Dawˬdaˬ 3:5, 6; Iˇsaˬyaˇ 48:17, 18.