Shaˬ˗eu zahˬ˗eu aˇ yamˬ heu laꞈ kʼoeˇ, nymˇ jiˇ yaw myaˬ jiˇ gaˇ kawˆ yaw myaˬ jeˬ˗ahˇ ya puˬ luꞈ meh. Kʼoeˇ miˇ neh, byawˬ˗eu cehˇ˗eu nymˇ jiˇ pyeuꞈ leˇ nya paˬ˗ehˇ gʼeh nga loˇ? Yaw awˬ nmˇ maˬ ngeuˇ˗a. Ehˇ kʼawꞈ, nawˬ˗euˬ nymˇ jiˇ˗ahˇ caw ba nehˬ nya˗eu jeˬ jaˆ meh. Paˇ dmˬ heu dmˬ, nawˬ˗euˬ nymˇ jiˇ kʼaˇ loˬ˗eu jeˬ˗ahˇ nmˇ, maˬ caw ba nehˬ nya. Ehˇ kʼawꞈ, paˇ dmˬ heu laꞈ kʼoeˇ Jaˇliꞈ zahˇ hawˇ˗eu nui noeˬ nui duˇ biꞈ˗eu jeˬ ahˇ meh. Heu deuˬ˗ahˇ leh jeh˗awˇ mˇ caw naˇ, Nawˬ˗euˬ nymˇ jiˇ kʼawꞈ byawˬ nya cehˇ nya laˇ meh.