Yawˬ gʼaˬ na luꞈ nymˇ jiˇ laꞈ kʼoeˇ loˬ˗eu jeˬ˗ahˇ zmˬ˗eu gʼaˇ duˬ pyuˇ loˬ meh. (Dawˬdaˬ 30:8) Pyuˇ “aˬ dui˗ahˇ haw piˇ nya meh” lehˇ, Jaˇliꞈ ehˇ˗eu meh. (Dawˬtsoˆtsoˆ˗eu 7:12) Nymˇ jiˇ laꞈ kʼoeˇ, pyuˇ˗euˬ gaˇ kawˆ ja sawˇ˗eu yaw awˬ maˬ ngeuˇ˗a, ehˇ kʼawꞈ teu baˬ da neh dawˬ ja taˬ bi doˆ laˇ. (Eˇpeˇsu 4:32) Tiˬ gʼaˬ tiˇ gʼaˬ nui ma taˬ˗awˇ, pyuˇ˗ahˇ aˬ joˆ˗ehˇ zmˬ˗eu lehˇ tiˬ kawˆ loꞈ˗ehˇ ya lehˬ hmˬ˗eu meh.

Jaˇliꞈ ehˇ˗eu: “Naw maꞈ laꞈ kʼoeˇ, huiˬ˗eu nymˇ nymˇ goˇ tiˬ nymˇ tsoˆ˗eu lehˇ gʼeh ngeh, pyuˇ aˇ myaˆ ni jiˇ leˇ˗eu hawˇ˗eu, tsoˆ gʼaˬ nya ni pyuˇ loꞈ leˇ maˬ loꞈ leˇ˗eu gaˇ kawˆ, jeˬ huˬ nuiˇ˗awˇ maˬ sawˇ duˬ ni tsoˆ˗eu tsawˇ haˬ aˬ suˇ gʼaˬ jawˇ ta.” (Luˇkaꞈ 14:28) Pyuˇ˗ahˇ aˬ joˆ˗ehˇ zmˬ˗eu lehˇ, tiˬ kawˆ loꞈ˗ehˇ lehˬ hmˬ˗eu aˇ yehˇ huiˬ meh. (Aˬmoˆ 3:3) Aˬ jeˬ zeuˇ˗eu loˬ nga, teu˗euˬ gʼaˇ duˬ pyuˇ aˇ myaˆ ni ya zmˬ nga lehˇ, ya sawˇ duˬ taˬ˗eu meh. (Dawˬdaˬ 31:16) Pyuˇ ahˇ nya lehˇ, kʼaˇ ngeuˇ gaˇ maˬ ya zmˬ˗a. Dziˇ dzoˆ taˬ bi daˆ leˇ, yawˬ ha kʼaˇ ahˇ˗eu myaˆ ni tehꞈ˗ehˇ zmˬ˗awˬ.—Dawˬdaˬ 21:5; 22:7.

Nawˇ mˇ nya˗eu jeˬ:

• Ba la jiˇ kʼawꞈ pyuˇ dzeˇ laˇ naˇ, aˬ jeˬ jahˇ paˬ nga lehˇ tiˬ kawˆ loꞈ˗ehˇ bawˬ dzaˬ˗awˬ

• Za˗eu pyuˇ naˆ maˬ tseˇ doˆ iˇ˗eu myaˬ dzehˬ naˇ, aˬ joˆ˗ehˇ jahˇ˗awˇ neh zmˬ cuiˆ paˬ nga lehˇ bawˬ dzaˬ paˇ˗awˬ. Yaw jeˬ ma jeˬ, laꞈ nyiˇ maˬ zeuˇ dzaˬ ni, iˇ kahˇ˗ahˇ mˇ dzaˬ˗awˬ

Jaˇliꞈ ehˇ˗eu: “Sahˬ paˬ Miˬyehˇ mehˬ shi tehꞈ˗ehˇ maˬ ngeuˇ ni, tsawˇ haˬ zaˬ˗euˬ mehˬ shi kʼawꞈ dawˇ coe ni” ya mˇ meh. (2 Gawˇliˬtu 8:21) Aˇ myaˆ za˗awˇ, aˇ myaˆ zmˬ˗euˬ nga lehˇ, nawˬ˗euˬ aˇ gu˗ahˇ dawˇ coe ni ehˇ nehˬ˗awˬ.

Pyuˇ zmˬ ngeh nawˬ˗euˬ aˇ gu nehˬ˗ehˇ jeˬ hu bawˬ dzaˬ˗awˬ. (Dawˬdaˬ 13:10) Heu loꞈ˗ehˇ jahˇ naˇ, pyuˇ˗euˬ gaˇ kawˆ˗ahˇ neh dawˬ ja maˬ doˆ laˇ˗a. Yawˬ ha neh mˇ za˗euˬ yawˬ ha˗euˬ pyuˇ lehˇ maˬ noeˬ ni, nymˇ jiˇ˗euˬ pyuˇ ma lehˇ ya noeˬ˗eu meh.—1 Tiˆmoˇseˬ 5:8.

Nawˇ mˇ nya˗eu jeˬ:

• Tiˬ gʼaˬ tiˇ gʼaˬ maˬ ehˇ nehˬ ni, aˇ myaˆ keuˆ ni zmˬ nya˗eu lehˇ ja tsaˬ taˬ˗awˬ

• Gaˇ kawˆ maˬ doˆ laˇ mi na˗ehˇ, pyuˇ˗euˬ gaˇ kawˆ ja sawˇ˗awˬ