“Miˇ tsaˬ zaˬ dawˬ tawˆ luꞈ Haiˬ dui dui-eu G’aˬ uˆ lahˇ-eu uˬ moˆ jawˇ luꞈ.”—1 Yoˇhaˬ 5:19.

“Miˬyehˇ-euˬ Zaˬmaˇ oe-euˬ meh. Nehꞈ sahˬ paˬ neh mˇ taˬ-euˬ jeˬ-ahˇ laˆ cawˆ-eu g’aˇ duˬ oe-euˬ jeˬ pyeuꞈ-eu meh.”—1 Yoˇhaˬ 3:8.

Miˇ tsaˬ k’oeˇ taˆ-euˬ shaˬ zahˬ aˬ gaˇ neh doˆ laˇ-euˬ lehˇ ya siˬ.—Pah mehˬ-eu 12:12.

Aˬ dui-euˬ miˇ tsaˬ muiˬ daˆ laˇ-eu lehˇ jah nya.—1 Yoˇhaˬ 2:17.

Jah nya-eu yaw teˬ smˬ kawˆ jaˆ meh.

• Saˬdaˬ uˆ lahˇ-eu aˇ yamˬ jiˇ-eu keuˆ laˇ shaw. Yeˬhawˇbaˬ Saˬdaˬ-ahˇ tsawˇ haˬ zaˬ-ahˇ maˬ paˇ bi uˆ lahˇ meh. Aˬ yawꞈ “Nehꞈ sahˬ paˬ-ahˇ laˆ luˬ laˆ seˇ”-awˇ, Saˬdaˬ-ahˇ neh pyeuꞈ laˇ-euˬ shaˬ zahˬ dawˬ tawˆ luꞈ-ahˇ laˆ byoˆ jiˇ ma lehˇ saˇ jaˇ dzaˬ taˬ-euˬ meh.—Heˬbyehˇ 2:14.

• Mehˬ hu paw Yeˬhawˇbaˬ Yeˬsuˇ-ahˇ miˇ tsaˬ-ahˇ bi uˆ lahˇ. Yeˬsuˇ uˆ lahˇ-eu jeˬ-aˬ, yaw haiˬ yaw doeˇ jeˬ hawˇ-eu, yawˬ ha-euˬ g’aˇ duˬ tehꞈ-ehˇ shaˇ noeˬ-eu jeˬ tehꞈ-ehˇ byah-eu Saˬdaˬ uˆ lahˇ-eu jeˬ nehˬ-ehˇ beu gaˇ dui dui-eu meh. Miˬyehˇ Yeˬsuˇ uˆ lahˇ ngeh, ‘g’aˬ baˬ-eu deuˬ hawˇ-eu shaˬ-eu deuˬ-ahˇ aˬ yawꞈ g’awˬ shaˬ gaˬ-awˇ, aˬ cawˬ k’ehˬ nehˬ k’aˆ nehˬ-awˇ yehˬ bawˬ-ehˇ bi jahˇ-eu deuˬ-ahˇ aˬ yawꞈ ka k’oꞈ nehˬ meh’ lehˇ saˇ jaˇ dzaˬ taˬ-euˬ meh.—Ja ceuˬ 72:13, 14.

• Miˬyehˇ jaˬ myawꞈ maˬ myawꞈ nya-a. Jaˇliꞈ laꞈ k’oeˇ “Miˬyehˇ jaˬ myawꞈ maˬ myawꞈ” nya-a lehˇ maˇ jawˆ ni ehˇ taˬ-euˬ meh. (Heˬbyehˇ 6:18) Miˬyehˇ neh saˇ jaˇ k’aˇ dzaˬ taˬ-euˬ jeˬ, maˇ diˇ pyeuꞈ laˇ-eu yaw duˬ baw meh. (Iˇsaˬyaˇ 55:10, 11) “Nymˬ-mˇ miˇ tsaˬ heu-ahˇ uˆ lahˇ luꞈ-eu g’aˬ bi teh dzeh meh.”—Yoˇhaˬ 12:31.