Aˬdaˬ hawˇ neh Eˇbaˆ-euˬ oeˬ paˬ oeˬ ma miˇ tsaˬ k’oeˇ taˆ myaˬ laˇ-eu meh. Mˬ taˆ g’aˬ k’ehˇ tiˬ deuˬ Saˬdaˬ nehꞈ-ehˇ gm leˇ-awˇ Miˬ yehˇ dawˬ-ahˇ maˬ naˇ haˬ-a.

Maˬ muiˬ-euˬ mˬ taˆ g’aˬ k’ehˇ k’oeˇ deuˬ miˇ tsaˬ k’oeˇ taˆ oe ka-awˇ tsawˇ haˬ loꞈ-ehˇ la pyeuꞈ-awˇ tsawˇ haˬ zaˬ-eu aˬ buˇ nehꞈ-ehˇ sheuˬ dahˬ dzaˬ-eu meh. Aˬ buˇ k’oeˇ deuˬ nehˬ baw-eu zaˬ aˬ li deuˬ g’aˬ k’aˆ dui dui-awˇ haiˬ dui dui-eu meh.

Miˇ tsaˬ k’oeˇ taˆ jawˇ-euˬ tsawˇ haˬ deuˬ yaw doeˇ tehꞈ-ehˇ mˇ-eu meh. Jaˇ liꞈ laꞈ k’oeˇ ehˇ-eu yaw doeˇ mˇ-eu tsawˇ haˬ miˇ tsaˬ k’oeˇ taˆ myaˬ laˇ luꞈ meh. Aˬ yawꞈ maꞈ-eu nui ma laꞈ k’oeˇ maˬ muiˬ-eu jeˬ tehꞈ-ehˇ noeˬ luꞈ-eu meh.

Noˇaꞈ yaw tsaˬ yaw dawˇ tiˬ g’aˬ meh, Yeˬhawˇbaˬ Noˇaꞈ-ahˇ ehˇ nehˬ-eu, tsawˇ haˬ yaw doeˇ deuˬ-ahˇ iˇ cuꞈ neh bi dahˬ sehꞈ jiˇ ma lehˇ ehˇ nehˬ-eu meh.

Miˬ yehˇ Noˇaꞈ-ahˇ lawˬ deuˆ-awˬ lehˇ ehˇ nehˬ-eu meh. K’oeˇ naˇ nawˬ-eu pehˬ zaˬ hawˇ-eu jeˬ zaˬ yawˬ jeˬ na luꞈ sheuˬ-awˇ lawˬ-ahˇ uˇ leˇ-awˬ lehˇ ehˇ nehˬ-eu meh.

Iˇ cuꞈ dahˬ daˆ laˇ meh lehˇ Noˇaꞈ aˬ yawꞈ maꞈ-ahˇ ehˇ nehˬ k’awꞈ tiˬ g’a iˬ maˬ naˇ haˬ-a. Tiˬ g’aˬ na Noˇaꞈ-ahˇ uiˇ-awˇ, tiˬ g’aˬ na aˬ yawꞈ-ahˇ byeh-eu meh.

Noˇaꞈ lawˬ deuˆ g’aˬ naˇ jeˬ zaˬ dawˬ tawˆ luꞈ lawˬ-ahˇ teh-ahˇ-euˬ meh.