Aˇ tsehˆ 6
Miˇ tsaˬ koeˇ taˆ iˇ cuꞈ dahˬ pymˬ yaꞈ gaˇ neh aˬ je dzaw geuꞈ nmˇ?
Tsawˇ doeˇ deuˬ-ahˇ Miˬ yehˇ laˆ cawˆ-awˇ Noˇaꞈ pehˬ zaˬ-ahˇ bi buˬ bi law iˇ-eu meh. Aˇdahˬbeh-eu 7:11, 12, 23
Uˬ yehˇ 40 nah 40 miˇ yehˇ dui dui miˇ neh miˇ tsaˬ-ahˇ iˇ cuꞈ dahˬ byah laˇ-awˇ tsawˇ haˬ yaw doeˇ deuˬ shiˇ jiˇ-eu meh.
Miˬ yehˇ ehˇ dawˬ maˬ naˇ haˬ-eu mˬ taˆ g’aˬ k’ehˇ k’oeˇ deuˬ tsawˇ haˬ mawˇ do byehˇ dzeh-awˇ nehˬ mˬ k’oeˇ taˆ daˆ leˇ-awˇ Saˬdaˬ paw jawˇ iˇ-eu meh.
Lawˬ laꞈ k’oeˇ uˇ-eu tsawˇ haˬ deuˬ buˬ iˇ-eu meh. Nymˬ-mˇ Noˇaꞈ pehˬ zaˬ ya shiˇ-eu k’awꞈ noeˬ tmˬ-eu jeˬ jaˆ meh. Miˬ yehˇ aˬ yawꞈ maˬ-ahˇ bi g’oꞈ dehꞈ laˇ-awˇ mˬ maꞈ maꞈ byaˆ zaˇ ziˇ dehꞈ-eu jeˬ bi za-eu meh.
Maꞈtehˬ 24:37-39
Miˬ yehˇ tsawˇ doeˇ deuˬ-ahˇ tiˬ poˆ paˇ laˆ cawˆ-a siˬ yaw muiˬ deuˬ-ahˇ dehˬ-eu ziˇ biꞈ meh.Saˬdaˬ hawˇ-eu aˬ yawꞈ-euˬ g’aˬ k’ehˇ deuˬ tsawˇ haˇ-ahˇ sheuˬ bahˬ-luˬ meh.
Nymˬ-mˇ-euˬ tsawˇ haˬ k’awꞈ Noˇaꞈ-euˬ ziˇ-ahˇ dehꞈ-euˬ tsawˇ haˬ-ahˇ duˇ meh. Yeˬhawˇbaˬ g’awˬ shaˬ gaˬ-awˇ mehˬ nehˬ k’awꞈ Yeˬhawˇbaˬ-eu dawˬ maˬ naˇ haˬ-a. G’awˬ myahˇ maˬ g’eh-ehˇ Yeˬhawˇbaˬ tsawˇ haˬ yaw doeˇ deuˬ-ahˇ laˆ cawˆ meh.—2 Beˬtuˆluˆ 2:5, 6.
Nymˬ-mˇ-euˬ tsawˇ haˬ tiˬ g’aˬ naˆ Noˆaꞈ loꞈ-ehˇ duˇ meh. Miˬ yehˇ-eu dawˬ naˇ haˬ-awˇ mˇ caw luꞈ meh. K’oe deuˬ-aˬ Yeˬhawˇbaˬ-euˬ saˇ kiˇ meh.