Aˇ tsehˆ 2
Huiˬ dzehˬ dzehˬ-eu Miˬyehˇ aˬ suˇ g’aˬ-a?
Miˬ yehˇ huiˬ dzehˬ dzehˬ-eu tiˬ g’aˬ jawˇ-eu tehꞈ meh. Aˬ yawꞈ-euˬ tsawˇ myahˇ-aˬ Yeˬhawˇbaˬ lehˇ kuˇ-eu meh. Jaˇ liꞈ-ahˇ ehˇ-eu ‘Yeˬhawˇbaˬ tiˬ g’aˬ tehꞈ-ehˇ Miˬ yehˇ pyeuꞈ-awˇ, miˇ tsaˬ dawˬ tawˆ luꞈ k’oeˇ taˆ huiˬ dzehˬ-eu meh.’ (Ja ceuˬ 83:18) Miˬ yehˇ mˬ k’oeˇ taˆ jawˇ-eu meh, Miˬ yehˇ aˬ dui-eu mawˇ do loꞈ-ehˇ maˬ duˇ-a. Aˬ dui Miˬ yehˇ-ahˇ maˬ mawˇ nya-a. Miˬ yehˇ aˬ dui ha-ahˇ gaˬ-eu loꞈ-ehˇ aˬ yawꞈ-ahˇ k’awꞈ bi gaˬ mawꞈ-eu meh. Miˬ yehˇ aˬ cawˬ-ahˇ k’awꞈ bi gaˬ mawꞈ-eu meh. (Maꞈtehˬ 22:35-40) Miˬ yehˇ huiˬ dui dui-awˇ neh yawˬ jeˬ na luꞈ beh-eu meh.
Miˬ yehˇ nehˬ jeˬ hu beh-eu g’aˬ baoˬ yawˇ ja-awˇ aˬ yawꞈ-eu mawˇ do aˬ dui ha maˬ mawˇ nya. Aˬ yawꞈ aˬ Yeˬsuˇ leh tsawˇ haˬ zaˬ-ahˇ biˬ siˬ laꞈ meh. Yeˬhawˇbaˬ mˬ taˆ g’aˬ k’ehˇ jiˇ ni g’awˬ mya ni beh-eu meh.
Yeˬhawˇbaˬ mˬ k’oeˇ taˆ yawˬ jeˬ na luꞈ-ahˇ beh-eu meh . . . miˇ tsaˬ k’oeˇ taˆ k’aˇ jaꞈ-eu yawˬ jeˬ na luꞈ-ahˇ beh-eu meh. Pah mehˬ-eu 4:11
Nahˇ ma ba la aˬ guiˇ ma-ehˇ miˇ tsaˬ k’oeˇ taˆ k’aˇ jawˇ k’aˇ jaˆ-eu jeˬ Yeˬhawˇbaˬ neh beh-eu meh.—Aˇdahˬbeh-eu 1:1.
Miˬ yehˇ miˇ tsaˬ yuˇ-awˇ tsawˇ haˬ tiˬ g’aˬ beh dahˬ beh-eu meh. K’oeˇ g’aˬ Aˬdaˬ lehˇ kuˇ-eu meh.—Aˇdahˬbeh-eu 2:7.
