Yeˬhawˇbaˬ Miˬ yehˇ aˬ dui-ahˇ bi gaˬ mawˆ naˇ Miˬ yehˇ-eu zaˬ maˇ dawˬ ya naˇ haˬ meh. Mˬ k’oeˇ taˆ baoˬ jaˆ-eu mˬ taˇ g’aˬ k’ehˇ tiˬ g’aˬ beh-eu meh.

Yeˬhawˇbaˬ mˬ taˆ g’aˬ k’ehˇ k’oeˇ g’aˬ-ahˇ yaw muiˬ yaw shawˇ aˬ buˇ Maˬliˆ uˬ maˆ-ahˇ bi uˇ leˇ-awˇ Behˬlehˬhehˬ meuˬ-ahˇ bi baw iˇ-eu meh k’oeˇ-aˬ Yeˬsuˇ meh.—Yoˇhaˬ 6:38.

Yeˬsuˇ miˇ tsaˬ k’oeˇ taˆ jawˇ ngeh Miˬ yehˇ-eu aˇ g’ehˇ loꞈ-ehˇ duˇ ni mˇ-eu meh. Aˬ yawꞈ-aˬ nui ma muiˬ-awˇ, g’awˬ shaˬ gaˬ-eu miˇ neh, zaˬ huiˬ tsawˇ nyiˇ maˬ tseˇ paˆ-a, Yeˬsuˇ nehꞈ-ehˇ jawˇ nya meh, aˬ yawꞈ-aˬ tiˬ g’aˬ-ahˇ iˇ maˬ guˆ ni Yeˬhawˇbaˬ-eu yaw tsaˬ yaw dawˇ-eu gaˇ kawˆ mehˬ-eu meh.

Yeˬsuˇ-aˬ naˇ-eu gawˇ-eu tsawˇ haˬ-ahˇ laˆ saˆ-awˇ shiˇ-eu tsawˇ haˬ tiˬ g’aˬ naˆ-ahˇ bi g’oꞈ dehꞈ laˇ-eu meh.

Yeˬsuˇ tsawˇ haˬ yawˬ g’aˬ na luꞈ-ahˇ ehˇ neh-eu zahˇ mehˬ-eu tsawˇ haˬ k’oeˇ deuˬ-aˬ maˬ tsaˬ maˬ dawˇ-eu jeˬ mehˬ-awˇ maˬ muiˬ-eu jeˬ mˇ nga lehˇ ehˇ nehˬ-eu meh. K’oeˇ miˇ neh zahˇ mehˬ-eu deuˬ Yeˬsuˇ-ahˇ byeh-eu meh.

Zahˇ mehˬ-eu aˬ yuiꞈ deuˬ meuˬ-ahˇ uˆ lahˇ-eu Loˇmaˆ tsawˇ haˬ deuˬ nehꞈ-ehˇ gm leˆ hawˇ Yeˬsuˇ-ahˇ diˬ-awˇ laˆ sehꞈ-eu meh.