‘Mˬ taˆ Miˬyehˇ Miˇk’ahˬ tiˬ k’ahˬ beh tehꞈ-a. Miˇk’ahˬ k’oeˇ k’ahˬ-aˬ, mˬ maˬ maˬ byaˆ zaˇ ziˇ ziꞈ-eu Miˇk’ahˬ pyeuꞈ-awˇ, aˬ cawˬ maˬ deuˆ g’aˬ nya-eu Miˇk’ahˬ meh.’—Daˬyeˬlaˇ 2:44.

“Aˬ dui-ahˇ aˬ li tiˬ li biꞈ laꞈ-euˬ meh. Aˬ dui k’oeˇ taˆ aˬ yawꞈ uˆ lahˇ tehꞈ-a.”—Iˇsaˬyaˇ 9:6.

• Tsaˬ-eu dawˇ-eu uˆ lahˇ-eu aˇ maꞈ nawˬ-euˬ g’aˇ duˬ muiˬ ni mˇ nehˬ.—Iˇsaˬyaˇ 48:17, 18.

• Keuˆ le luꞈ-eu miˇ shuiꞈ-ahˇ maˬ naˇ maˬ gawˇ ni laˬ k’aˬ tiˬ cehˇ ya jawˇ.—Pah mehˬ-eu 21:3, 4.

Jah nya-eu yaw teˬ nyiˬ kawˆ jaˆ meh.

• Miˬyehˇ Miˇk’ahˬ aˬ jeˬ jeˇ mˇ nehˬ le-eu lehˇ Yeˬsuˇ aˇ baˇ baˇ mawˇ nehˬ yaꞈ. Yeˬsuˇ aˬ yawꞈ-euˬ zaˬ lahˇ deuˬ-ahˇ Miˬyehˇ Miˇk’ahˬ keuˆ le luꞈ-uˇ, Miˬyehˇ nui k’ahˇ shiˇ-eu jeˬ miˇ tsaˬ k’oeˇ taˆ mˇ byah luꞈ-uˇ lehˇ guiˬ lahˬ shaˇ lehˇ mehˬ yaꞈ-euˬ meh. (Maꞈtehˬ 6:9, 10) Shaˇ dawˬ teu aˬ joˆ-ehˇ byah laˇ-eu lehˇ Yeˬsuˇ aˇ baˇ baˇ mawˇ nehˬ yaꞈ-euˬ meh.

  Yeˬsuˇ miˇ tsaˬ k’oeˇ taˆ jawˇ ngeh, mehꞈ-eu deuˬ-ahˇ bi dzaˬ-awˇ, naˇ-eu gawˇ-eu deuˬ-ahˇ laˆ saˆ nehˬ-euˬ uˬ taꞈ, shiˇ dzeuˇ-euˬ deuˬ-ahˇ jiˇ laˆ dehꞈ nehˬ-euˬ meh. (Maꞈtehˬ 15:29-38; Yoˇhaˬ 11:38-44) Mehˬ hu paw Miˬyehˇ Miˇk’ahˬ-ahˇ Uˆ lahˇ-eu g’aˬ pyeuꞈ-eu Yeˬsuˇ, Miˬyehˇ Miˇk’ahˬ muiˬ-eu jeˬ aˬ jeˬ jeˇ mˇ nehˬ-eu lehˇ mˇ mawˇ nehˬ yaꞈ-euˬ meh.—Pah mehˬ-eu 11:15.

• Nymˬ-mˇ miˇ tsaˬ k’oeˇ taˆ pyeuꞈ luꞈ-eu jeˬ, Miˬyehˇ Miˇk’ahˬ keuˆ le shaw-iˬ meh lehˇ bi siˬ. Yeˬsuˇ Miˬyehˇ Miˇk’ahˬ miˇ tsaˬ k’oeˇ taˆ uˆ lahˇ le-eu lehˇ g’eh ngeh, miˇ tsaˬ k’oeˇ taˆ guiˇ deuˆ-eu jeˬ, mehꞈ-eu shuꞈ-eu jeˬ, miˇ luˆ luˆ-eu jeˬ, heu deuˬ pyeuꞈ laˇ meh lehˇ maˬ keuˆ laˇ miˇ ehˇ taˬ-euˬ meh.—Maꞈtehˬ 24:3, 7.

  Nymˬ-mˇ iˬ nah Yeˬsuˇ neh ehˇ taˬ-euˬ loꞈ-ehˇ maˇ diˇ pyeuꞈ laˇ luꞈ gaˇ aˬ dui ya mawˇ-euˬ ma. Teu miˇ neh, Miˬyehˇ Miˇk’ahˬ miˇ tsaˬ k’oeˇ taˆ-euˬ shaˬ zahˬ dawˬ tawˆ luꞈ-ahˇ laˆ byoˆ le-eu aˇ yamˬ peh laˇ shaw-euˬ ngaˇ lehˇ aˬ dui jah nya meh.