Zaˬ lahˇ pyeuꞈ laˇ ni caw ba nehˬ
Dzaw deuˆ 10
Noeˬ tsoˆ taˬ
Jaˇliꞈ zahˇ: “Naw maꞈ˗ahˇ nga maꞈ gʼoeˇ dui gaˬ dui dui˗eu miˇ neh, Miˬyehˇ˗euˬ Laˬ kʼaˬ cehˇ˗eu Guiˬ lahˬ dawˬ tehꞈ˗ehˇ maˬ ngeuˇ ni, nga maꞈ˗euˬ gʼawˇ mawˇ kʼawꞈ naw maꞈ gʼaˇ duˬ shiˇ dah nehˬ coeˇ ma.”—1 Teˇsaˬloˇni 2:8.
Yeˬsuˇ aˬ jeˬ jahˇ˗euˬ nga?
1. Biˬdiˬoˬ˗ahˇ haw, maˬ ngeuˇ naˇ Yoˇhaˬ 3:1, 2-ahˇ gui. Jiˇ naˇ, naˇ haˬ˗eu jeˬ heu deuˬ˗ahˇ shaˇ noeˬ:
-
Niˇgawˇdeˬ Yeˬsuˇ jawˇ gaˇ uˬ ciꞈ paw iˇ˗euˬ heu naˇ, aˬ jeˬ baˬ da neh pyeuꞈ nya nga?—Yoˇhaˬ 12:42, 43-ahˇ haw.
-
Yeˬsuˇ Niˇgawˇdeˬ nehˬ˗ehˇ uˬ ciꞈ paw mawˇ dzoeˇ˗eu heu neh aˬ yawꞈ˗ahˇ zaˬ lahˇ pyeuꞈ laˇ ni caw ba nehˬ mawꞈ˗eu lehˇ aˬ joˆ˗ehˇ mˇ mawˇ˗euˬ nga?
Yeˬsuˇ˗ahˇ neh aˬ jeˬ ya siˬ˗eu nga?
2. Aˬ dui tsawˇ haˬ deuˬ˗ahˇ zaˬ lahˇ pyeuꞈ laˇ ni caw ba nehˬ˗eu heu neh aˬ yawꞈ maꞈ˗ahˇ gaˬ˗eu lehˇ mˇ mawˇ˗eu ma.
Yeˬsuˇ˗ahˇ dzaw geuꞈ
3. Jaˇliꞈ mehˬ ngeh dzaw zaˬ dah˗eu aˇ yamˬ hawˇ˗eu aˬ yawꞈ yehꞈ˗eu jawˇ duˬ˗ahˇ mehˬ. Aˬ yawꞈ tiˬ jaw laꞈ kʼoeˇ tiˬ nah na, tiˬ yamˬ na dah˗eu kʼawꞈ pyeuꞈ nya˗awˇ, aˬ yawꞈ˗euˬ gaˇ mˇ duˬ˗ahˇ maˬ ngeuˇ naˇ, aˬ yawꞈ˗euˬ iˇ kahˇ˗ahˇ maˬ ngeuˇ naˇ, yawˬ gaˇ yawꞈ dzaw mawꞈ˗eu kʼawꞈ pyeuꞈ nya meh. Kʼaˇ gʼeh nya gaˇ neh aˬ yawꞈ dah˗eu aˇ yamˬ hawˇ˗eu jawˇ duˬ˗ahˇ laˆ tsaˬ˗eu gʼaˇ duˬ, aˬ dui˗euˬ aˇ yamˬ biˇ taˬ˗euˬ jeˬ˗ahˇ laˆ poˆ laˆ paˇ ya mˇ˗eu meh.
4. Aˬ myah luꞈ mehˬ. Aˬ dui maˬ dah, maˬ jawˇ naˇ Jaˇliꞈ mehˬ˗eu jeˬ˗ahˇ maˬ byehˇ ni heu loꞈ˗ehˇ jahˇ nya ngaˇ˗a laˬ lehˇ shaˇ noeˬ haw:
5. Tsaˬ˗eu nui noeˬ ahˇ ni caw ba nehˬ laꞈ lehˇ guiˬ lahˬ shaˇ. Dzaw zaˬ yawˬ jaw na luꞈ maˬ dzaw nya ngeh maˬ ehˇ, ya siˬ˗euˬ jeˬ˗ahˇ maˬ zmˬ˗iˇ ni nyi naˬ ngeh maˬ ehˇ, gʼaˬ byehˆ maˬ byehˆ˗eu gʼaˇ duˬ caw ba nehˬ laꞈ lehˇ Yeˬhawˇbaˬ˗ahˇ guiˬ lahˬ shaˇ. (Piˇliˇpiˆ 2:13) Aˬ dui˗euˬ dzaw zaˬ laꞈ kʼoeˇ jaˆ˗eu muiˬ˗eu seuˆ dzeuꞈ aˇ gʼehˇ deuˬ˗ahˇ haw tsoˆ taˬ nya ni caw ba nehˬ laꞈ lehˇ Yeˬhawˇbaˬ˗ahˇ guiˬ lahˬ shaˇ.
