Dawˬ ngehˬ cawˬ dahˬ beh˗eu
Dzaw deuˆ 5
Yaw gahˇ gahˇ lehˇ ngehˬ
Jaˇliꞈ zahˇ: “Aˬ cawˬ naˇ haˬ mawꞈ˗eu dawˬ deuˬ bi pyeuꞈ˗awˬ.”—Gawˇlawˇsehˇ 4:6.
Pawˇluˆ aˬ jeˬ jahˇ˗euˬ nga?
1. Biˬdiˬoˬ˗ahˇ haw, maˬ ngeuˇ naˇ Gʼaˬkʼehˇ 17:22, 23-ahˇ gui. Jiˇnaˇ, naˇ haˬ˗eu jeˬ heu deuˬ˗ahˇ shaˇ noeˬ:
-
Aˬteˬ meuˬ˗ahˇ˗euˬ tahˬ pahˬ aˬ ma mawˇ kawˇ deuˬ˗ahˇ ya mawˇ ngeh, Pawˇluˆ˗ahˇ aˬ joˆ˗ehˇ gʼeh leˇ˗euˬ nga?—Gʼaˬkʼehˇ 17:16-ahˇ haw.
-
Pawˇluˆ Aˬteˬ meuˬ zaˬ deuˬ˗ahˇ iˬ baˇ taˬ ngeh to˗aˬ, aˬ yawꞈ maꞈ˗euˬ jah˗eu jeˬ˗ahˇ yaw zeu baw˗eu laꞈ kʼoeˇ yaw gahˇ gahˇ lehˇ aˬ joˆ˗ehˇ tsaꞈ gaˬ˗euˬ nga?
Pawˇluˆ˗ahˇ neh aˬ jeˬ ya siˬ˗eu nga?
2. Aˬ joˆ˗ehˇ gʼeh˗eu dawˬ˗ahˇ aˬ geu ngeh aˬ joˆ˗ehˇ ngehˬ paˬ nga lehˇ tseˇ˗awˇ ngehˬ naˇ, tsawˇ haˬ deuˬ naˇ haˬ mawꞈ dzehˬ˗eu meh.
Pawˇluˆ˗ahˇ dzaw geuꞈ
3. Aˬ joˆ˗ehˇ gʼeh˗eu dawˬ ngehˬ˗eu lehˇ yaw muiˬ˗ehˇ tseˇ. Yaw jeˬ ma jeˬ, Ka li zaˬ maˬ ngeuˇ˗eu tiˬ gʼaˬ gʼaˬ nehˬ˗ehˇ dawˬ ngehˬ cawˬ ngeh, Jaˇliꞈ hawˇ˗eu Yeˬsuˇ˗ahˇ ngehˬ keuˆ ngeh, ngehˬ jeˬ ngehˬ kawˆ ya laˆ paˇ˗eu kʼawꞈ pyeuꞈ nya meh.
4. Aˬ cawˬ˗euˬ yaw lehˬ˗ahˇ ehˇ˗eu taˬ tehˬ. Aˬ yawꞈ˗euˬ nui kʼahˇ tiˬ shiˇ bi ngehˬ˗awˬ. Jaˇliꞈ nehˬ˗ehˇ maˬ tsaˬ˗eu jeˬ ngehˬ naˇ kʼawꞈ taˬ pyehˇ. (Yaˬkoˆ 1:19) Teu loꞈ˗ehˇ naˇ haˬ nehˬ naˇ, aˬ yawꞈ aˬ jeˬ˗ahˇ jah˗awˇ aˬ jeˬ miˇ neh teu loꞈ˗ehˇ jah˗eu lehˇ siˬ laˇ˗eu meh.—Dawˬdaˬ 20:5.
5. Nui ma tsaˬ paˬ˗ehˇ gʼeh˗eu tsahˇ˗ahˇ tsaˬ nehˬ. Ja ceuˬ paˬ˗ehˇ gʼeh˗eu tsahˇ˗ahˇ ja ceuˬ nehˬ. Aˬ yawꞈ˗euˬ zahˇ mehˬ˗eu jeˬ heu naˇ tsaˬ meh lehˇ noeˬ luꞈ˗eu kʼawꞈ pyeuꞈ nya meh. Teu miˇ neh nyiˬ paw luꞈ nui ma tsaˬ˗eu gaˇ kawˆ˗ahˇ neh ja sawˇ dahˬ beh. Kʼoeˇ naˇ, Jaˇliꞈ mehˬ˗eu jeˬ˗ahˇ siˬ leˇ ni tiˬ poˆ cuiˆ cuiˆ˗ehˇ caw ba nehˬ.
