Ka li zaˬ-euˬ Gaˬliˇ Jaˇliꞈ, Baˬnaˬbaˇ hawˇ-eu Pawˇluˆ-euˬ gaˇ kawˆ tiˬ k’ehˬ maˬ taˬ ehˇ keuˆ taˬ-euˬ meh. Aˬ yawꞈ nyaꞈ naˇ, aˇ maꞈ-ahˇ sheuˬ g’eh-eu deuˬ pyeuꞈ-awˇ, gaˇ hu ba-euˬ Ka li zaˬ aˇ muˇ deuˬ jawˇ gaˇ cah cah-ehˇ sheuˬ g’eh-euˬ meh. Aˬ jeˬ miˇ neh ehˇ naˇ, aˬ yawꞈ nyaꞈ Ka li zaˬ yawˬ g’aˬ na luꞈ-ahˇ k’ahˬ lahˇ-eu miˇ neh meh. Mehˇ nmˇ deuˬ aˬ joˆ-ehˇ dehꞈ luꞈ-eu maˬ siˬ miˇ-a, “tiˬ poˆ haw k’oꞈ iˇ kaˇ-euˇ” lehˇ Pawˇluˆ ehˇ-eu meh. Mehˇ nmˇ deuˬ-ahˇ g’aˬ biꞈ nehˬ iˇ-eu g’aˇ duˬ, gaˇ mahˇ kaˬ dui dui k’awꞈ iˇ mawꞈ-eu meh. (G’aˬk’ehˇ 15:36) Nymˇ aˇ maꞈ-ahˇ sheuˬ g’eh luꞈ-eu deuˬ k’awꞈ, heu deuˬ-ahˇ duˇ meh.

Nga maꞈ-ahˇ g’aˬ biꞈ laˇ-eu meh. Aˇ maꞈ-ahˇ sheuˬ g’eh-eu deuˬ, aˇ muˇ 20 muˇ dawˬ peh-ahˇ, tiˬ k’oꞈ-ahˇ nyiˬ poˆ iˇ-awˇ neh, tiˬ muˇ-ahˇ tiˬ jaw naˬ-eu meh. Aˇ maꞈ-ahˇ sheuˬ g’eh-eu deuˬ miˬ zaˬ baw naˇ, aˬ yawꞈ maꞈ-euˬ miˬ zaˬ deuˬ-ahˇ neh jiˇ, yaw myaˬ jeˬ dzaw geuꞈ nya-eu meh. Aˇ muˇ laꞈ k’oeˇ jawˇ-eu zaˬ guˬ tsawˇ mawˬ deuˬ-ahˇ maˬ ehˇ, aˬ yawꞈ nyaꞈ siˬ nya laˇ ni leh jeh-awˇ, nga maꞈ tsaꞈ gaˬ iˇ gaˇ k’awꞈ sheuˬ g’eh nehˬ laꞈ-eu meh. K’oeˇ naˇ, nga maꞈ-euˬ Jaˇliꞈ dzaw zaˬ deuˬ jawˇ gaˇ jiˇ ni, oe keuˆ nehˬ mawꞈ-eu meh. Aˇ muˇ-ahˇ sheuˬ g’eh-eu deuˬ nehˬ-ehˇ mehˇ nmˇ deuˬ jawˇ gaˇ g’aˬ biꞈ nehˬ iˇ mawꞈ-eu meh. K’oeˇ naˇ, aˇ muˇ bawˬ dzaˬ gaˇ hawˇ-eu huiˬ-eu mehˬ bawˬ-ahˇ dawˬ mehˬ mehˬ-eu heu neh, nga maꞈ-ahˇ g’aˬ bi k’aˆ laˇ-eu meh.—G’aˬk’ehˇ 15:35.

Yawˬ g’aˬ na luꞈ-ahˇ k’ahˬ lahˇ-eu meh. Aˇ maꞈ-ahˇ sheuˬ g’eh-eu deuˬ naˇ, aˇ muˇ-euˬ saꞈ laˇ gaˇ kawˆ-ahˇ k’ahˬ lahˇ-eu meh. Aˇ muˇ-ahˇ sheuˬ g’eh-eu deuˬ hawˇ-eu aˇ muˇ-ahˇ caw ba-eu deuˬ nehˬ-ehˇ aˇ muˇ huiˬ laˇ nga laˬ lehˇ bawˬ dzaˬ-eu meh. Yawˬ g’aˬ na luꞈ yawˬ ha-euˬ gaˇ deuˬ-ahˇ, yaw muiˬ-ehˇ mˇ nya ni mehˬ nehˬ-eu meh. Aˬ yawꞈ maꞈ huˬ mehˬ mehˬ-eu deuˬ mˇ luꞈ-eu gaˇ deuˬ-ahˇ k’awꞈ, yaw muiˬ-ehˇ mˇ nya ni caw ba nehˬ-eu meh. K’oeˇ naˇ, aˇ muˇ laꞈ k’oeˇ ahˇ laˇ-euˬ yaw shuiꞈ deuˬ-ahˇ k’awꞈ siˬ nya laˇ ni leh jeh-awˇ, yaw tsaˬ yaw dawˇ jeˬ-ahˇ aˬ joˆ-ehˇ jahˇ neh siˬ nya laˇ leˬ lehˇ, naˇ haˬ mawꞈ-eu meh. Mehˇ nmˇ heu deuˬ naˇ, nga maꞈ-euˬ g’aˇ duˬ mawˇ do damˬ-awˇ neh leh jeh luꞈ-eu nga maꞈ-euˬ “gaˇ mˇ cawˬ” deuˬ pyeuꞈ ma. (2 Gawˇliˬtu 8:23) Aˬ yawꞈ maꞈ-euˬ nui jah hawˇ-eu Miˬyehˇ-ahˇ damˬ nehˬ taˬ-euˬ jeˬ-ahˇ, aˬ dui dzaw geuꞈ paˬ-ehˇ g’eh-eu meh.—Heˬbyehˇ 13:7.

• Aˇ maꞈ-ahˇ sheuˬ g’eh-eu deuˬ, aˇ muˇ deuˬ jawˇ gaˇ aˬ jeˬ miˇ neh oe-euˬ nga?

• Aˇ maꞈ-ahˇ sheuˬ g’eh-eu deuˬ laˇ naˇ, nawˬ-ahˇ aˬ jeˬ gaˇ dahˇ tsoeˬ-eu nga?