Aˇ muˇ-euˬ gaˇ deuˬ-ahˇ mˇ-eu, Ka li zaˬ k’aˬ dzeˇ zaˬ nyiˬ muˇ jawˇ meh lehˇ, Jaˇliꞈ laꞈ k’oeˇ ehˇ taˬ-euˬ meh. “Aˇ muˇ-ahˇ sheuˬ g’eh-eu” deuˬ hawˇ-eu “Aˇ muˇ-euˬ gaˇ-ahˇ caw ba-eu” deuˬ pyeuꞈ meh. (1 Tiˇmoˇseˬ 3:1, 8) Aˇ muˇ yawˬ gaˇ na luꞈ, sheuˬ g’eh-eu deuˬ hawˇ-eu caw ba-eu deuˬ jawˇ luꞈ meh. Caw ba-eu deuˬ, aˬ dui-euˬ g’aˇ duˬ aˬ jeˬ mˇ luꞈ-eu nga?

Aˇ muˇ-ahˇ sheuˬ g’eh-eu deuˬ-ahˇ caw ba nehˬ-eu. Aˇ muˇ-ahˇ caw ba-eu mehˇ nmˇ deuˬ naˇ, jah-eu jeˬ g’aˬ k’aˆ-awˇ, nui ma taˬ nya paˬ-ehˇ g’eh-eu, gaˇ deuˬ-ahˇ yaw muiˬ-ehˇ mˇ luiˆ-eu deuˬ ya pyeuꞈ meh. Heu laꞈ k’oeˇ zaˬ guˬ tsawˇ mawˬ maˬ ehˇ ahˇ-eu meh. Caw ba-eu deuˬ naˇ, aˇ muˇ hawˇ-eu bawˬ dzaˬ nymˇ-ahˇ loˬ-eu jeˬ caw ba nehˬ-eu miˇ neh, aˇ muˇ-ahˇ sheuˬ g’eh-eu deuˬ naˇ, mehˬ nehˬ-eu paw pyawˬ-ahˇ hawˇ-eu haw piˇ-eu paw pyawˬ-ahˇ, yaw muiˬ-ehˇ mˇ nya-eu meh.

Loˬ-eu jeˬ-ahˇ mˇ nehˬ-eu. Aˇ muˇ-euˬ gaˇ-ahˇ caw ba-eu tiˬ g’aˬ na-aˬ, bawˬ dzaˬ gaˇ oe-eu deuˬ-ahˇ ya ha-eu meh. Tiˬ deuˬ na-aˬ, caˆ keu ka-ahˇ nyehꞈ tehˬ, sahˬ boꞈ paˇ dmˬ biˇ k’awˬ, jaˇ laˇ nyehꞈ tehˬ, tsaꞈ gaˬ iˇ-eu pehˇ tsahˇ-ahˇ haw teˬ, Bawˬ dzaˬ nymˇ-ahˇ laˆ saˆ lehˇ mˇ luꞈ meh. Tsawˇ mawˬ deuˬ-ahˇ caw ba-eu g’aˇ duˬ k’awꞈ, aˇ muˇ-ahˇ sheuˬ g’eh-eu deuˬ aˬ yawꞈ maꞈ-ahˇ k’ehˇ nya-eu meh. Aˇ muˇ-euˬ gaˇ-ahˇ caw ba-eu deuˬ naˇ, aˬ joˆ-ehˇ g’eh-eu gaˇ ya mˇ k’awꞈ, nui ma keuˆ-eu laꞈ k’oeˇ leh jeh-awˇ mˇ-eu miˇ neh, aˇ muˇ deuˬ yawˬ g’aˬ na luꞈ, aˬ yawꞈ maꞈ-ahˇ yaw zeu baw-eu tsaˬ meh.—1 Tiˆmoˇseˬ 3:13.

Aˬ cawˬ dzaw geuꞈ paˬ-ehˇ dehꞈ-eu. Ka li zaˬ dehꞈ jeˬ dehꞈ kawˆ yaw muiˬ deuˬ-ahˇ tseˇ doˆ-awˇ, aˇ muˇ-euˬ gaˇ-ahˇ caw ba-eu deuˬ bi geuꞈ-eu meh. Aˬ yawꞈ maꞈ bawˬ dzaˬ gaˇ mehˬ ngeh, nga maꞈ jah-eu jeˬ g’aˬ k’aˆ laˇ ni caw ba nehˬ-awˇ, tsaꞈ gaˬ-eu gaˇ-ahˇ sheuˬ g’eh ngeh k’awꞈ, gaˇ yaw muiˬ-ehˇ mˇ nya ni g’aˬ biꞈ nehˬ laꞈ-eu meh. Aˬ yawꞈ maꞈ yawˬ g’aˬ na luꞈ nehˬ-ehˇ dzoeˇ leˇ-eu heu naˇ, aˇ muˇ-ahˇ mehˬ bawˬ bi gm-awˇ nui saˇ biꞈ-eu meh. (Eˇpeˇsu 4:16) Myahˇ laˇ ngeh jawˇ, aˬ yawꞈ maꞈ k’awꞈ aˇ muˇ-ahˇ sheuˬ g’eh-eu deuˬ geuꞈ-eu g’aˇ duˬ, nui noeˬ nui duˇ kuꞈ laˇ-eu meh.

• Aˇ muˇ-euˬ gaˇ-ahˇ caw ba-eu deuˬ, aˬ joˆ-ehˇ g’eh-eu tsawˇ haˬ ya pyeuꞈ-eu nga?

• Caw ba-eu deuˬ, aˇ muˇ gaˇ yaw muiˬ-ehˇ mˇ nya ni, aˬ joˆ-ehˇ caw ba-eu nga?