Bawˇ tsahˬ bawˇ dahˇ-ahˇ ya cah-awˇ, uˬ jeˬ jaˬ lehˇ aˇ naˆ ni k’aˆ k’awꞈ, nga maꞈ bawˬ dzaˬ-eu jeˬ-ahˇ maˬ byehˇ dzeh ni iˇ keuˆ luꞈ ma. Dehꞈ ziˇ-ahˇ suˬ saˬ-eu jeˬ hawˇ-eu gaˇ mˇ-euˬ g’aˬ doeˇ aˇ naˆ ni doeˇ k’awꞈ, Yeˬhawˇbaˬ-euˬ Saˇ kiˇ deuˬ naˇ, jah-eu mehˇ nmˇ cawˬ deuˬ nehˬ-ehˇ tahˬ dzoeˇ-eu g’aˇ duˬ, aˬ jeˬ miˇ neh leh jeh sehꞈ nga?

Dehꞈ ziˇ-euˬ shaˬ zahˬ-ahˇ tahˬ piˇ nya ni, caw ba nehˬ-eu meh. Aˇ muˇ laꞈ k’oeˇ cawˬ cawˬ taꞈ-eu jeˬ nehˬ-ehˇ taꞈ leˇ-awˇ Pawˇluˆ ehˇ-eu, “aˬ dui tiˬ g’aˬ tiˇ g’aˬ k’ahˇ k’oꞈ-awˇ, ngehˬ g’eh kaˇ-euˇ” lehˇ ehˇ-eu meh. (Heˬbyehˇ 10:24) Dawˬ heu naˇ, tiˬ g’aˬ tiˇ g’aˬ yaw muiˬ-ehˇ siˬ nya laˇ ni leh jeh-awˬ lehˇ ehˇ mawꞈ-eu jeˬ pyeuꞈ meh. K’oeˇ miˇ neh Pawˇluˆ-euˬ dawˬ heu naˇ, aˬ cawˬ-ahˇ noeˬ keuˆ nya ni caw ba nehˬ laꞈ-eu meh. Aˇ muˇ laꞈ k’oeˇ, tiˬ g’aˬ-euˬ gaˇ kawˆ tiˬ g’aˬ siˬ nya laˇ ngeh jawˇ, mehˇ nmˇ deuˬ laꞈ k’oeˇ tiˬ g’aˬ na, nymˇ aˬ dui puˬ luꞈ-eu shaˬ zahˬ jeˬ-ahˇ, tahˬ puˬ-awˇ g’aˬ leˇ haw-euˬ miˇ neh, aˬ dui-ahˇ caw ba nehˬ nya-eu meh.

Saˇ jaˇ ziꞈ-awˇ g’oeˇ-eu cawˬ-ahˇ za nya. Bawˬ dzaˬ gaˇ uiˬ laˇ taˬ-euˬ deuˬ naˇ, tiˬ g’aˬ tiˇ g’aˬ siˬ nya-eu tehꞈ maˬ ngeuˇ-a, tiˬ g’aˬ tiˇ g’aˬ yaw duiˇ ma-ehˇ g’oeˇ-eu gaˬ-eu cawˬ pyeuꞈ meh. Aˇ yamˬ k’aˇ doˆ laˇ-eu maˬ bi cawˆ-iˇ ni, mehˇ nmˇ deuˬ nehˬ-ehˇ cawˬ cawˬ taꞈ-eu ma. Cawˬ cawˬ taꞈ-eu heu naˇ, aˬ jeˬ-ahˇ gaˇ dahˇ tsoeˬ-eu nga? Tiˬ g’aˬ tiˇ g’aˬ aˇ poeˬ taˬ baw nya laˇ-awˇ, g’oeˇ-eu gaˬ-eu jeˬ ziꞈ dah ni pyeuꞈ laˇ-eu meh. Heu loꞈ-ehˇ g’oeˇ-eu cawˬ pyeuꞈ-eu miˇ neh, nga maꞈ-euˬ mehˇ nmˇ deuˬ shaˬ zahˬ keuˆ le ngeh jawˇ, tiˬ g’aˬ tiˇ g’aˬ caw ba nehˬ-eu g’aˇ duˬ, lehˬ hmˬ deuˇ taˬ-euˬ ma. (Dawˬdaˬ 17:17) Aˇ muˇ laꞈ k’oeˇ jawˇ-eu mehˇ nmˇ yawˬ g’aˬ na luꞈ nehˬ-ehˇ cawˬ cawˬ-eu heu neh, tiˬ g’aˬ tiˇ g’aˬ “bo saˆ-eu” lehˇ, ehˇ mawꞈ-eu jeˬ pyeuꞈ ma.—1 Gawˇliˬtu 12:25, 26.

Miˬyehˇ nui ma tsaˬ ni mˇ luꞈ-eu deuˬ nehˬ-ehˇ cawˬ cawˬ-eu g’aˇ duˬ, nga maꞈ nawˬ-ahˇ g’aˬ biꞈ-eu ma. Heu loꞈ-ehˇ g’eh-eu cawˬ deuˬ-ahˇ, Yeˬhawˇbaˬ-euˬ Saˇ kiˇ deuˬ jawˇ gaˇ ya mawˇ tehꞈ-a. Nga maꞈ nehˬ-ehˇ cawˬ cawˬ le-eu g’aˇ duˬ, tiˬ jeˬ neh-iˬ taˬ bi laˆ tsoeˬ.

• Bawˬ dzaˬ gaˇ tiˬ kawˆ loꞈ-ehˇ cawˬ cawˬ taꞈ-eu heu naˇ, nga maꞈ-ahˇ aˬ jeˬ gaˇ dahˇ tsoeˬ-eu nga?

• Nga maꞈ bawˬ dzaˬ gaˇ nawˇ aˇ myah oe le?