Miˬyehˇ aˬ dui-ahˇ suˬ saˬ-eu jeˬ maˬ jaˆ-eu miˇ tsaˬ baˬlaˬdiˇsuˆ-ahˇ, mˬ maˬ maˬ byaˆ zaˇ ziˇ laꞈ k’aˬ tiˬ cehˇ bi jawˇ mawꞈ-eu meh.

‘Aˬ joˆ-ehˇ pyeuꞈ leˇ nya-eu?’ lehˇ nawˇ noeˬ tehꞈ-a. Jaˇliꞈ laꞈ k’oeˇ ehˇ-eu, Miˬyehˇ Miˇ k’ahˬ gaˇ kawˆ heu deuˬ-ahˇ pyeuꞈ leˇ ni mˇ ma lehˇ ehˇ taˬ-euˬ meh. Miˬyehˇ aˬ dui yawˬ g’aˬ na luꞈ-ahˇ, Miˬyehˇ Miˇ k’ahˬ gaˇ kawˆ hawˇ-eu aˬ dui laꞈ taꞈ aˬ yawꞈ neh noeˬ taˬ-euˬ jeˬ-ahˇ bi dzaw geuꞈ mawꞈ-eu meh.—Ja ceuˬ 37:11, 29; Iˇsaˬyaˇ 9:7.

Miˬyehˇ aˬ dui-ahˇ, yaw muiˬ jeˬ bi za mawꞈ-eu meh.

Aˬ da tiˬ g’aˬ yawˬ ha-euˬ zaˬ-ahˇ yaw muiˬ jeˬ bi za mawꞈ-eu loꞈ-ehˇ duˇ ni, mˬ k’oeˇ taˆ jawˇ-eu aˬ dui maꞈ-euˬ Aˬda k’awꞈ, aˬ dui yawˬ g’aˬ na luꞈ-ahˇ, nui saˇ bi za mawꞈ-eu meh. (Iˇsaˬyaˇ 48:17, 18) “Miˬyehˇ-euˬ nui k’ahˇ mˇ-eu tsawˇ haˬ-aˬ, mˬ maˬ maˬ byaˆ zaˇ ziˇ ya dehꞈ tehꞈ-a” lehˇ, Miˬyehˇ saˇ jaˇ dzaˬ taˬ-euˬ meh.—1 Yoˇhaˬ 2:17.

Miˬyehˇ aˬ dui-ahˇ, aˬ yawꞈ-euˬ gaˇ ma-ahˇ bi cah mawꞈ-eu meh.

Beh-euˬ yaw sahˇ g’aˬ neh, “aˬ yawꞈ-euˬ gaˇ ma-ahˇ aˬ dui cah nya ni, aˬ yawꞈ neh bi mehˬ bi tsoˆ leˇ kaˇ-euˇ” lehˇ, Jaˇliꞈ laꞈ k’oeˇ ehˇ taˬ-euˬ meh. (Iˇsaˬyaˇ 2:2, 3) “Aˬ yawꞈ-euˬ tsawˇ myahˇ bi baꞈ-eu lehˇ” zaˬ lahˇ deuˬ-ahˇ bi uiˬ laˇ-eu heu naˇ, miˇ tsaˬ zaˬ deuˬ-ahˇ, aˬ yawꞈ neh noeˬ taˬ-euˬ jeˬ bi mehˬ nehˬ-eu lehˇ meh.—G’aˬk’ehˇ 15:14. (Jaˇliꞈ yaw shuiꞈ 1997)

Uˬ duˬ tahˬ gaˇ Miˬyehˇ aˬ dui-ahˇ mehˬ bawˬ bi gm mawꞈ-eu meh.

Yeˬhawˇbaˬ Miˬyehˇ-ahˇ uˬ duˬ tahˬ-eu heu naˇ, tsawˇ haˬ zaˬ-ahˇ maˬ bi pyaˆ iˇ-eu uˬ taꞈ, g’oeˇ-eu gaˬ-eu laꞈ k’oeˇ mehˬ bawˬ paˇ bi gm dzehˬ laˇ-eu meh. (Yoˇhaˬ 13:35) Mehˬ bawˬ gm-eu laꞈ k’oeˇ, Miˬyehˇ gaˇ mˇ-eu g’aˇ duˬ, miˇ k’ahˬ doe ni iˇ-awˇ mehˬ nehˬ luꞈ-eu aˬ geu deuˬ nga? Aˬ geu deuˬ nga lehˇ, paˇ dmˬ heu dmˬ-ahˇ poˆ tseˇ haw-awˬ.