Yeˬhawˇbaˬ-euˬ Saˇ kiˇ deuˬ bawˬ dzaˬ gaˇ iˇ ngeh, moeˬ tsoeˬ haw muiˬ paˬ-ehˇ dm gaˇ, paˇ dmˬ heu dmˬ-euˬ aˇ baˇ-ahˇ haw sheˇ. Aˬ jeˬ miˇ neh mawˇ do-ahˇ laˆ saˆ-eu nga?

Miˬyehˇ-ahˇ yaw zeu baw-eu lehˇ, bi siˬ nya mawꞈ-eu miˇ neh. Maˇ maˇ ni naˇ, Miˬyehˇ-aˬ laꞈ nyiˇ paw tehꞈ-ehˇ haw-eu maˬ ngeuˇ-a. (1 Saˬmeuˬlaˆ 16:7) Ehˇ k’awꞈ ni, aˬ dui maꞈ Miˬyehˇ-ahˇ ja ceuˬ-eu lehˇ uiˬ laˇ ngeh jawˇ, moeˬ tsoeˬ dm muiˬ-eu heu naˇ, Miˬyehˇ-ahˇ yaw zeu baw-eu uˬ taꞈ, cawˬ deuˬ-ahˇ k’awꞈ yaw zeu baw-eu jeˬ pyeuꞈ ma. Saˇ naˇ-ahˇ yaˇ k’aˬ daˇ-eu deuˬ-euˬ mehˬ shi yawꞈ leˇ ngeh, aˬ yawꞈ maꞈ-euˬ aˇ yaˬ-ahˇ yaw zeu taˬ baw-eu g’aˇ duˬ, moeˬ tsoeˬ yaw muiˬ-ehˇ ya dm-eu maˬ ngeuˇ-a loˇ? Teu loꞈ-ehˇ duˇ ni, nga maꞈ k’awꞈ bawˬ dzaˬ duˬ-ahˇ iˇ ngeh moeˬ tsoeˬ dm muiˬ-eu heu naˇ, “miˇ k’ahˬ dawˬ tawˆ luꞈ k’oeˇ taˆ yaˇ k’aˬ daˇ-eu yaw sahˇ” Yeˬhawˇbaˬ hawˇ-eu aˬ yawꞈ-ahˇ ja ceuˬ duˬ-ahˇ, yaw zeu taˬ baw-eu jeˬ pyeuꞈ-eu ma.—Aˇdahˬbeh-eu 18:25.

Nga maꞈ caw teh luꞈ-eu Jaˇliꞈ zahˇ-ahˇ, bi siˬ nya mawꞈ-eu miˇ neh. Jaˇliꞈ naˇ, Ka li zaˬ deuˬ-ahˇ moeˬ tsoeˬ dm ngeh, “nui ma nahˬ yu ni taˬ-awˇ, aˬ cawˬ haw muiˬ ni bi dm bi g’aˬ mawꞈ-eu meh.” (1 Tiˆmoˇseˬ 2:9, 10) “Nui ma nahˬ yu ni” g’eh-eu laꞈ k’oeˇ, moeˬ tsoeˬ dm-eu deuˬ naˇ, aˬ cawˬ-euˬ myaˆ nuiˆ-ahˇ tsawˆ leˇ paˬ-ehˇ g’eh-eu moeˬ tsoeˬ hawˇ-eu aˬ cawˬ-euˬ mehˬ shi seˬ leˬ k’ahˬ sehˇ pyeuꞈ paˬ-ehˇ g’eh-eu moeˬ tsoeˬ-ahˇ maˬ dm-a. “Aˬ cawˬ haw muiˬ ni” moeˬ tsoeˬ dm-eu tsawˇ haˬ deuˬ naˇ, moeˬ tsoeˬ yaw byuˬ yaw dawˆ-ehˇ maˬ dm-eu uˬ taꞈ, myaˆ haw maˬ tsaˬ-eu moeˬ tsoeˬ-ahˇ k’awꞈ maˬ dm-a. Teu loꞈ-ehˇ g’eh-eu moeˬ tsoeˬ deuˬ-ahˇ maˬ dm k’awꞈ ni, Jaˇliꞈ zahˇ g’awˬ mya jeˬ-ahˇ, yawˬ ha naꞈ-i bi tseˇ geuꞈ taˬ-euˬ meh. Moeˬ tsoeˬ haw muiˬ paˬ-ehˇ dm-eu heu naˇ, “ka k’oꞈ-eu g’aˬ pyeuꞈ-eu Miˬyehˇ-euˬ mehˬ nehˬ tsoˆ nehˬ-eu jeˬ-ahˇ, ciˬ huiˬ ciˬ mahˇ-eu jeˬ pyeuꞈ-awˇ neh,” tsawˇ haˬ zaˬ deuˬ “Miˬyehˇ-ahˇ ja ceuˬ” laˇ nya ni, caw ba nehˬ-eu jeˬ pyeuꞈ meh. (Tiˇtuˆ 2:10; 1 Beˬtuˆluˆ 2:12) Bawˬ dzaˬ gaˇ iˇ ngeh, moeˬ tsoeˬ haw mui paˬ-ehˇ dm gaˇ aˬ cawˬ mawˇ ngeh, Yeˬhawˇbaˬ Miˬyehˇ-ahˇ yaw zeu baw-eu laꞈ k’oeˇ, uˬ duˬ tahˬ luꞈ nga lehˇ noeˬ leˇ-eu meh.

Nga maꞈ bawˬ dzaˬ gaˇ, nawˇ moeˬ tsoeˬ aˬ joˆ-ehˇ g’eh-eu dm-awˇ oe k’awꞈ, nga maꞈ nawˬ-ahˇ laꞈ k’aˬ tiˬ cehˇ ha geuꞈ ma. Haw muiˬ-eu moeˬ tsoeˬ heu naˇ, aˇ poeˬ k’aˆ-eu maˬ loˬ-a, tsawˇ myahˇ doˆ-eu maˬ loˬ-a, yaw luiˆ luiˆ lehˇ dm-awˇ neh oe naˇ g’aˬ meh.

• Miˬyehˇ-ahˇ ja ceuˬ ngeh, nga maꞈ-euˬ dm jeˬ dm kawˆ, aˬ jeˬ miˇ neh aˇ yehˇ huiˬ-eu nga?

• Dm jeˬ dm kawˆ nehˬ-ehˇ taꞈ leˇ-awˇ, nga maꞈ-ahˇ caw ba nehˬ-eu Jaˇliꞈ zahˇ aˬ geu deuˬ nga?