Yeˬhawˇbaˬ-euˬ Saˇ kiˇ deuˬ-euˬ gaˇ kawˆ, nga maꞈ-euˬ mˇ jeˬ shaˇ kawˆ, nga maꞈ aˇ maˬ aˇ muˇ-euˬ gaˇ kawˆ-ahˇ siˬ nya laˇ ni, paˇ dmˬ heu dmˬ-ahˇ aˇ yamˬ yuˇ-awˇ neh poˆ tseˇ nehˬ laꞈ-euˬ miˇ neh guiˬ lahˬ huiˬ ma. Nymˇ iˬ nah nga maꞈ Yeˬhawˇbaˬ-euˬ nui ma-ahˇ tsaˬ ni mˇ luꞈ-eu deuˬ pyeuꞈ nga lehˇ, nawˬ-ahˇ siˬ leˇ ni paˇ dmˬ heu dmˬ caw ba nehˬ nya tehꞈ-a lehˇ, nga maꞈ noeˬ tmˬ-eu ma. Miˬyehˇ-euˬ zaˬ siˬ nui gahˇ deuˬ-ahˇ dzaw geuꞈ-awˇ, ya siˬ nya-euˬ jeˬ, nawˬ-euˬ nymˇ jiˇ hawˇ-eu nawˬ-euˬ cawˬ deuˬ-ahˇ ja mehˬ nehˬ-awˬ. Nga maꞈ Ka li zaˬ deuˬ bawˬ dzaˬ ngeh, nga maꞈ nehˬ-ehˇ cawˬ cawˬ taꞈ le-awˬ lehˇ, nawˬ-ahˇ g’aˬ biꞈ mawꞈ miˇ-a.—Heˬbyehˇ 10:23-25.

Yeˬhawˇbaˬ-euˬ gaˇ kawˆ ngehˬ-ehˇ siˬ nya laˇ naˇ ngehˬ-ehˇ, aˬ yawꞈ nawˬ-ahˇ aˇ naˆ ni gaˬ-eu nga lehˇ ya mawˇ meh. Nawˇ k’awꞈ ni Miˬyehˇ-ahˇ gaˬ miˇ-a lehˇ, k’aˇ g’eh nya gaˇ neh mˇ mawˇ-eu g’aˇ duˬ, Miˬyehˇ nawˬ-euˬ nui ma-ahˇ laˆ noeˬ nehˬ laꞈ tehꞈ-a.(1 Yoˇhaˬ 4:8-10, 19) Yawˬ nah na luꞈ nawˇ Miˬyehˇ-ahˇ gaˬ miˇ-a lehˇ, aˬ joˆ-ehˇ mˇ mawˇ nehˬ nmˇ? Miˬyehˇ-euˬ dawˬ-ahˇ naˇ haˬ-awˇ caw teh-eu heu, nawˬ-euˬ g’aˇ duˬ aˬ jeˬ gaˇ dahˇ tsoeˬ-eu nga? Nga maꞈ nehˬ-ehˇ Miˬyehˇ nui ma tsaˬ-eu jeˬ-ahˇ mˇ mawꞈ ni, aˬ jeˬ nga nawˬ-ahˇ caw ba nehˬ-eu? Gaˇ kawˆ heu deuˬ-ahˇ siˬ nya laˇ ni, nawˬ-ahˇ Jaˇliꞈ dzaw mehˬ nehˬ-eu g’aˬ paˇ caw ba nehˬ laꞈ tehꞈ-a. Nawˇ hawˇ-eu nawˬ-euˬ nymˇ jiˇ “Miˬyehˇ-euˬ g’oeˇ-eu gaˬ-eu laꞈ k’oeˇ jawˇ ziꞈ-awˬ, Mˬ maˬ maˬ byaˆ zaˇ ziˇ dehꞈ-eu jeˬ za ni.”—Yuˇdaˆ 21.