“Tsawˇ jeuˬ tsawˇ ca dawˬ tawˆ luꞈ-ahˇ” k’aˇ g’eh nya-eu loꞈ-ehˇ “laꞈ k’aˬ cehˇ-eu guiˬ lahˬ dawˬ” tsaꞈ gaˬ nehˬ-eu g’aˇ duˬ, nga maꞈ tsawˇ jeuˬ dawˬ 750 jeˬ dawˬ peh jahˇ doˆ taˬ-euˬ ma. (Pah mehˬ-eu 14:6) Huiˬ-eu gaˇ heu hmˬ-ahˇ nga maꞈ aˬ joˆ-ehˇ mˇ luꞈ-eu nga? Miˇ k’ahˬ doe ni aˇ boꞈ boꞈ doˆ-eu deuˬ hawˇ-eu leh jeh-awˇ dawˬ yuˇ paˇ-eu aˇ muˇ jawˇ meh. Aˬ yawꞈ maꞈ yawˬ g’aˬ na luꞈ, Yeˬhawˇbaˬ-euˬ Saˇ kiˇ pyeuꞈ meh.

Gaˬlaˬpyuˇ dawˬ neh aˬ hu jahˇ doˆ-eu. Uˆ lahˇ-eu aˇ muˇ naˇ, saˇ naˇ dawˬ pehˬ hmˬ-ahˇ jaˆ-eu sahˬ boꞈ boꞈ-eu paw dzeˇ mˇ luꞈ-eu deuˬ-ahˇ haw piˇ-eu meh. Sahˬ boꞈ boꞈ-eu paw mˇ luꞈ-eu heu deuˬ naˇ, saˇ naˇ dawˬ pehˬ-ahˇ jawˇ-eu sahˬ boꞈ boꞈ-eu deuˬ-ahˇ gaˇ biˇ nehˬ-awˇ, biˇ doˆ taˬ-euˬ saˇ naˇ tiˬ deuˬ na-ahˇ k’awꞈ, sahˬ boꞈ paw dzeˇ-euˬ gaˇ biˇ paˆ nehˬ-eu meh. Nga maꞈ-euˬ sahˬ boꞈ heu naˇ, tsawˇ jeuˬ yaw myaˬ jeuˬ-euˬ tsawˇ haˬ neh boꞈ-euˬ miˇ neh, tsawˇ jeuˬ tsawˇ ca-euˬ dehꞈ jeˬ dehꞈ kawˆ yaw myaˬ jeˬ ahˇ-eu meh. Teu miˇ neh gui muiˬ-eu meh.

Boꞈ doˆ g’aˬ naˇ, dawˬ yuˇ paˇ-eu deuˬ jawˇ gaˇ biꞈ g’eh-eu. Boꞈ doˆ-euˬ sahˬ boꞈ deuˬ-ahˇ, pyehˆ tseˇ-awˇ neh laˆ tsaˬ g’aˬ naˇ, miˇ k’ahˬ doe ni jawˇ-eu dawˬ yuˇ paˇ-eu deuˬ jawˇ gaˇ, kahˬ pyuˇ teuˬ laꞈ k’oeˇ neh sha g’eh-eu meh. Aˬ yawꞈ maꞈ naˇ, dawˬ yuˇ paˇ aˇ boꞈ pyehˆ tseˇ, aˇ boꞈ laˆ tsaˬ lehˇ jahˇ-eu meh. Yawˬ ha-euˬ tsawˇ jeuˬ dawˬ neh dawˬ yuˇ paˇ ngeh, Gaˬlaˬpyuˇ dawˬ ehˇ mawꞈ-eu jeˬ nehˬ-ehˇ tiˬ gaˇ bi duˇ leˇ-eu g’aˇ duˬ, “tsaˬ dui dui-eu” dawˬ tsuiꞈ deuˬ-ahˇ leh jeh-awˇ poˆ tseˇ-eu meh.—Dawˬtsoˆtsoˆ-eu 12:10.

Gaˇ deuˬ-ahˇ mˇ kawˇ nya ni kahˬ pyuˇ teuˬ caw ba luꞈ. Kahˬ pyuˇ teuˬ (computer) tsawˇ haˬ sahˬ boꞈ boꞈ doˆ gaˇ hawˇ-eu dawˬ yuˇ paˇ gaˇ maˬ mˇ dah nya k’awꞈ, kahˬ pyuˇ teuˬ laꞈ k’oeˇ ahˇ-eu, diˇ shaˬ naˬ liˬ, dawˬ tsuiꞈ puiˇ k’awˬ-eu jeˬ, dawˬ paw dzeˇ-euˬ poˆ gaˬ lamˬ heu deuˬ naˇ, nga maꞈ-ahˇ gaˇ mˇ kawˇ nya ni caw ba nehˬ-eu meh. K’oeˇ naˇ, aˇ yaˇ jeˬ-euˬ dawˬ dawˆ ahˇ nya-awˇ, aˇ baˇ hawˇ-eu aˇ boꞈ laˆ tsaˬ-eu jeˬ, kahˬ pyuˇ teuˬ neh jahˇ doˆ-euˬ (MEPS) jeˬ-ahˇ, Yeˬhawˇbaˬ-euˬ Saˇ kiˇ deuˬ jahˇ doˆ taˬ-euˬ ma.

Tsawˇ haˬ yaw myaˬ heˇ g’aˬ maˬ ngeuˇ naˇ maˬ ngehˬ-eu dawˬ deuˬ-ahˇ, nga maꞈ aˬ jeˬ miˇ neh dawˬ yuˇ paˇ nehˬ-eu g’aˇ duˬ leh jeh-eu nga? Aˬ jeˬ miˇ neh nga lehˇ ngeuˇ naˇ, Yeˬhawˇbaˬ “tsawˇ haˬ yawˬ g’aˬ na luꞈ ka k’oꞈ-eu jeˬ bi za mawꞈ-awˇ, yaw tsaˬ yaw dawˇ jeˬ-ahˇ, bi siˬ nya mawꞈ-eu” miˇ neh meh.—1 Tiˆmoˇseˬ 2:3, 4.

• Nga maꞈ-euˬ sahˬ boꞈ deuˬ-ahˇ, aˬ joˆ-ehˇ jahˇ doˆ-eu nga?

• Nga maꞈ-euˬ sahˬ boꞈ deuˬ-ahˇ, aˬ jeˬ miˇ neh tsawˇ jeuˬ-euˬ dawˬ yaw myaˬ jeˬ neh jahˇ doˆ-eu nga?