Gaˇ hu Yeˬluˇsaˬlehˬ meuˬ laꞈ k’oeˇ, Ka li zaˬ deuˬ-ahˇ uˆ lahˇ-eu aˇ muˇ muˇ zaˬ tiˬ muˇ jawˇ-euˬ meh. Uˆ lahˇ-eu aˇ muˇ heu laꞈ k’oeˇ, “g’aˬ k’ehˇ deuˬ hawˇ-eu aˬ yuiꞈ aˬ tsu deuˬ” ahˇ-awˇ, Ka li zaˬ aˇ muˇ deuˬ loˬ-eu aˇ yehˇ huiˬ-eu gaˇ kawˆ deuˬ-ahˇ, daˇ tsehˆ nehˬ-euˬ meh. (G’aˬk’ehˇ 15:2) Aˬ yawꞈ maꞈ Jaˇliꞈ ehˇ mawꞈ-eu jeˬ-ahˇ ja sawˇ-awˇ, Miˬyehˇ-euˬ muiˬ-eu shawˇ-eu yaw sahˇ sheuˬ g’eh nehˬ laꞈ-eu jeˬ-ahˇ caw teh-eu baˬ da neh, yawˬ jeˬ na luꞈ-ahˇ mehˬ bawˬ gm-eu laꞈ k’oeˇ daˇ tsehˆ nehˬ nya-euˬ meh. (G’aˬk’ehˇ 15:25) Nymˇ iˬ nah k’awꞈ, k’oeˇ loꞈ-ehˇ duˇ ni mˇ luꞈ ma.

Miˬyehˇ Uˆ lahˇ-eu aˇ muˇ-ahˇ zmˬ-awˇ neh, aˬ yawꞈ nui ma tsaˬ-eu jeˬ-ahˇ bi mˇ luꞈ. Uˆ lahˇ-eu aˇ muˇ laꞈ k’oeˇ gaˇ mˇ luꞈ-eu tseˇ doˆ taˬ-euˬ mehˇ nmˇ deuˬ naˇ, Miˬyehˇ-euˬ dawˬ-ahˇ nui ma ahˇ dui duiˇ-awˇ gaˇ kawˆ deuˬ hawˇ-eu nui jah paw dzeˇ nyehꞈ tehˬ ngeh, noeˬ dahˇ doe laˇ-euˬ deuˬ pyeuꞈ meh. Miˇ tsaˬ k’oeˇ taˆ jawˇ-eu mehˇ nmˇ deuˬ aˬ jeˬ loˬ-eu nga lehˇ, aˬ yawꞈ maꞈ yawˬ jaw na luꞈ bawˬ dzaˬ-eu meh. Gaˇ hu ba-euˬ mehˇ nmˇ deuˬ loꞈ-ehˇ duˇ ni, nymˇ k’awꞈ Jaˇliꞈ-euˬ gaˇ kawˆ mehˬ nehˬ eu g’aˇ duˬ, sahˬ boꞈ paw neh maˬ ehˇ, aˇ maꞈ-ahˇ sheuˬ g’eh-eu g’aˬ-ahˇ neh maˬ ehˇ, yawˬ jeˬ yawˬ-ahˇ neh maˬ ehˇ, bi tsaꞈ gaˬ luꞈ meh. Teu miˇ neh, Miˬyehˇ-euˬ zaˬ lahˇ deuˬ mehˬ bawˬ gm-awˇ, mˇ jeˬ shaˇ kawˆ tiˬ gaˇ duˇ leˇ jiˇ-eu meh. (G’aˬk’ehˇ 16:4, 5) Uˆ lahˇ-eu aˇ muˇ, saꞈ laˇ-euˬ dzaˇ biˇ k’awˬ gaˇ haw teˬ-awˇ, Miˬyehˇ Miˇ k’ahˬ gaˇ kawˆ tsaꞈ gaˬ-eu gaˇ bi mˇ-eu g’aˇ duˬ g’aˬ biꞈ nehˬ-eu meh. K’oeˇ naˇ, mehˇ nmˇ deuˬ-ahˇ gaˇ tseˇ daˇ-eu paw dzeˇ k’awꞈ haw teˬ nehˬ-eu meh.

Uˆ lahˇ-eu aˇ muˇ deuˬ-ahˇ, muiˬ-eu shawˇ-eu yaw sahˇ sheuˬ g’eh luꞈ. Uˆ lahˇ-eu aˇ muˇ deuˬ naˇ, sheuˬ g’eh nehˬ laꞈ-eu jeˬ-ahˇ za-eu g’aˇ duˬ, yawˬ jeˬ na k’oeˇ taˆ huiˬ dzehˬ-eu g’aˬ pyeuꞈ-eu Yeˬhawˇbaˬ hawˇ-eu aˇ muˇ-euˬ uˬ dzah pyeuꞈ-eu Yeˬsuˇ-ahˇ noeˬ tmˬ-eu meh. (1 Gawˇliˬtu 11:3; Eˇpeˇsu 5:23) Uˆ lahˇ-eu aˇ muˇ naˇ, aˬ yawꞈ maꞈ Miˬyehˇ-euˬ zaˬ lahˇ deuˬ taꞈ-ehˇ huiˬ dzehˬ le lehˇ maˬ noeˬ-a. Aˬ yawꞈ maꞈ hawˇ-eu tseˇ doˆ taˬ-euˬ deuˬ dawˬ tawˆ luꞈ, “yawˇ zaˬ [Yeˬsuˇ] k’aˇ iˇ-eu mehˬ nah caw teh-eu meh.” (Pah mehˬ-eu 14:4) Uˆ lahˇ-eu aˇ muˇ deu-euˬ g’aˇ duˬ nga maꞈ guiˬ lahˬ shaˇ nehˬ-eu miˇ neh, aˬ yawꞈ maꞈ-euˬ nui ma laꞈ k’oeˇ, nga maꞈ-ahˇ guiˬ lahˬ huiˬ luꞈ-eu meh.

• Gaˇ hu ba uˆ lahˇ-eu aˇ muˇ laꞈ k’oeˇ, aˬ suˇ suˇ ahˇ-eu nga?

• Nymˇ iˬ nah Uˆ lahˇ-eu aˇ muˇ, Miˬyehˇ neh sheuˬ g’eh nehˬ laꞈ-eu jeˬ-ahˇ, aˬ joˆ-ehˇ poˆ geuꞈ luꞈ-eu nga?