Tsawˇ haˬ myaˬ tiˬ paˆ, uˬ duˬ tahˬ nymˇ-ahˇ maˬ iˇ mawꞈ ni, nymˇ gawˬ gawˬ laˇ taˬ-euˬ meh. Aˬ jeˬ miˇ neh ehˇ naˇ, dehꞈ ziˇ nehˬ-ehˇ taꞈ-eu aˇ yehˇ huiˬ-eu gaˇ kawˆ deuˬ-ahˇ, tiˬ jawˇ-iˬ maˬ siˬ nya laˇ-eu miˇ neh meh. Ehˇ k’awꞈ, nawˇ Yeˬhawˇbaˬ-euˬ Saˇ kiˇ deuˬ-euˬ bawˬ dzaˬ duˬ-ahˇ, aˬ jeˬ miˇ neh iˇ paˬ-ehˇ g’eh-eu nga? Nawˇ k’oeˇ gaˇ aˬ jeˬ ya mawˇ-eu nga?

Tiˬ g’aˬ tiˇ g’aˬ gaˬ-awˇ k’ahˬ lahˇ-eu aˇ maꞈ laꞈ k’oeˇ, ya jawˇ-eu miˇ neh laꞈ k’aˬ cehˇ miˇ-a. Gaˇ hu aˇ dahˬ beh-euˬ Ka li zaˬ deuˬ, aˇ muˇ laˆ baw-euˬ heu naˇ, Miˬyehˇ-ahˇ ja ceuˬ-eu g’aˇ duˬ, Jaˇliꞈ dzaw-eu g’aˇ duˬ, tiˬ g’aˬ tiˇ g’aˬ g’aˬ biꞈ-eu g’aˇ duˬ meh. (Heˬbyehˇ 10:24, 25) Nui gaˬ ahˇ-eu mehˇ nmˇ deuˬ nehˬ-ehˇ uiˬ laˇ-awˇ bawˬ dzaˬ luꞈ ngeh, maˇ diˇ cawˬ pyeuꞈ-eu Ka li zaˬ deuˬ nehˬ-ehˇ jawˇ luꞈ miˇ-a lehˇ, aˬ yawꞈ maꞈ-ahˇ noeˬ leˇ-eu meh. (2 Teˇsaˬloˇni 1:3; 3 Yoˇhaˬ 14) Nga maꞈ k’awꞈ dahˬ beh-euˬ Ka li zaˬ deuˬ-ahˇ dzaw geuꞈ-eu miˇ neh, aˬ yawꞈ maꞈ loꞈ-ehˇ nui saˇ oꞈ-eu jeˬ-ahˇ za luꞈ ma.

Jaˇliꞈ zahˇ-ahˇ aˬ joˆ-ehˇ ya zmˬ-eu lehˇ, dzaw geuꞈ gaˇ neh, muiˬ-eu jeˬ-ahˇ za-eu ma. Jaˇliꞈ boꞈ ngeh yamˬ-ahˇ duˇ ni, zaˬ yo aˬ li, zaˬ miˬ aˬ buˇ zaˬ deuˬ, tiˬ kawˆ loꞈ-ehˇ uiˬ laˇ-eu meh. Noeˬ dahˇ doe laˇ-euˬ aˬ yuiꞈ deuˬ naˇ, Jaˇliꞈ zahˇ-ahˇ yawˬ ha dehꞈ ziˇ laꞈ k’oeˇ aˬ joˆ-ehˇ ya zmˬ-eu lehˇ k’awꞈ siˬ nya laˇ ni, caw ba nehˬ-eu meh. (Dawˬmehˬmehˬ-eu 31:12; Neˬhaˬmiˇ 8:8) Dawˬ caˇ caˇ ngeh yamˬ hawˇ-eu ja sawˇ ngeh yamˬ-ahˇ, yawˬ g’aˬ na luꞈ gm leˇ nya-awˇ, Ka li zaˬ noeˬ tmˬ-eu jeˬ-ahˇ ehˇ mawˇ nya meh.—Heˬbyehˇ 10:23.

Miˬyehˇ-ahˇ jah-eu jeˬ g’aˬ k’aˆ laˇ-eu. G’aˬ k’ehˇ Pawˇluˆ aˬ yawꞈ dehꞈ ngeh, Ka li zaˬ aˇ muˇ tiˬ muˇ-ahˇ ehˇ nehˬ-euˬ, “naw maꞈ-ahˇ ngaˇ mawˇ mawꞈ dui dui nya . . . ngaˬ-euˬ jah-eu jeˬ baˬ da neh, naw maꞈ g’aˬ ahˇ dzehˬ laˇ-eu uˬ taꞈ, naw maꞈ-euˬ jah-eu jeˬ baˬ da neh, ngaˇ g’aˬ ahˇ dzehˬ laˇ-awˇ, nyiˬ paw luꞈ guiˬ lahˬ baw-eu jeˬ-ahˇ ehˇ mawꞈ-eu ma.” (Loˇmaˆ 1:11, 12) Bawˬ dzaˬ nymˇ-ahˇ jah-eu mehˇ nmˇ deuˬ nehˬ-ehˇ tiˬ k’ehˬ maˬ taˬ tahˬ dzoeˇ-eu heu naˇ, aˬ dui-euˬ jah-eu jeˬ g’aˬ k’aˆ laˇ-awˇ, Miˬyehˇ nui ma tsaˬ-eu jeˬ-ahˇ mˇ nya ni caw ba nehˬ laꞈ-eu meh.

Nga maꞈ bawˬ dzaˬ gaˇ oe haw-awˬ, heu gaˇ ehˇ taˬ-euˬ jeˬ-ahˇ nawˇ ya mawˇ tehꞈ-a. Nga maꞈ nawˬ-ahˇ laꞈ k’aˬ tiˬ cehˇ ha geuꞈ ma. Bawˬ dzaˬ-eu aˇ poeˬ maˬ jiˇ-a, pyuˇ damˬ oˆ-eu lehˇ jiˇ ni maˬ jaˆ.

• Nga maꞈ bawˬ dzaˬ-eu heu, aˬ suˇ g’aˬ-ahˇ dzaw geuꞈ taˬ-euˬ nga?

• Nga maꞈ Bawˬ dzaˬ gaˇ iˇ naˇ, nawˬ-ahˇ aˬ jeˬ gaˇ dahˇ tsoeˬ-eu nga?