Mawˇbaˆ deh ga˗ahˇ jawˇ ngeh Iˇsaˬleˬlaˆ deuˬ˗ahˇ pyeuꞈ laˇ˗euˬ jeˬ, nymˬ˗mˇ aˬ dui Ka li zaˬ deuˬ˗ahˇ mehˬ˗eu jeˬ pyeuꞈ meh. (1 Gawˇliˬtu 10:6, 8, 11) Iˇsaˬleˬlaˆ tsawˇ haˬ tiˬ gʼaˬ na dehꞈ bahˬ dehꞈ moˆ˗awˇ tahˬ pahˬ aˬ ma mawˇ kawˇ˗ahˇ uˬ duˬ tahˬ˗euˬ meh. Aˬ yawꞈ maꞈ Mawˇbaˆ˗euˬ zaˬ miˬ aˬ buˇ deuˬ nehˬ˗ehˇ cawˬ cawˬ˗eu miˇ neh, teu deuˬ˗euˬ mehˇ shuiˇ˗ahˇ tawˆ iˇ˗awˇ luˬ˗iˇ seˇ iˇ˗eu jeˬ keuˆ le˗euˬ meh. (Bawˇtsahˬ 25:9) Aˬ dui jiˇ Yeˬhawˇbaˬ˗ahˇ uˬ duˬ maˬ tahˬ˗eu gaˇ mˇ cawˬ hawˇ˗eu sahˬ boꞈ dzaw cawˬ nehˬ˗ehˇ maˬ ehˇ, nymˇ kaˬ taꞈ˗eu deuˬ hawˇ˗eu yuiꞈ nyiˇ deuˬ nehˬ˗ehˇ maˬ ehˇ, cawˬ ya cawˬ˗eu meh. Yeˬhawˇbaˬ˗ahˇ uˬ duˬ maˬ tahˬ˗eu deuˬ nehˬ˗ehˇ gʼoeˇ gaˇ neh maˬ muiˬ˗eu jeˬ keuˆ le˗euˬ Iˇsaˬleˬlaˆ deuˬ˗ahˇ neh, aˬ dui aˬ jeˬ dzaw geuꞈ nya˗eu nga?

Aˬ dui˗euˬ saˇ ka˗ahˇ saˇ tiˇ biꞈ˗eu gaˇ kawˆ lehˇ ehˇ˗eu yaw nymˇ nymˇ lehˇ gʼeh˗eu biˬdiˬoˬ haw gʼaˬ naˇ, naˇ haˬ˗eu jeˬ heu deuˬ˗ahˇ dawˬ kʼoꞈ biꞈ.

• Zmˇliˬ hawˇ˗eu aˬ yawꞈ˗euˬ cawˬ deuˬ Yaˬmeˬ nehˬ˗ehˇ ngehˬ cawˬ ngeh aˬ joˆ˗ehˇ gʼeh˗eu maˬ muiˬ˗eu nui noeˬ ahˇ˗eu nga?

• Piˇnaˬhaˇ Yaˬmeˬ˗ahˇ tsaˬ˗eu nui noeˬ ahˇ ni aˬ joˆ˗ehˇ caw ba nehˬ˗euˬ nga?

• Yeˬhawˇbaˬ˗ahˇ uˬ duˬ maˬ tahˬ˗eu deuˬ nehˬ˗ehˇ cawˬ cawˬ˗eu jeˬ, aˬ yawꞈ maꞈ˗ahˇ mˇ muiˬ nehˬ˗eu jeˬ nehˬ˗ehˇ aˬ joˆ˗ehˇ beu gaˇ˗eu nga?

• Yeˬhawˇbaˬ˗ahˇ uˬ duˬ tahˬ˗eu deuˬ nehˬ˗ehˇ cawˬ cawˬ ngeh kʼawꞈ, aˬ suˇ gʼaˬ nehˬ˗ehˇ gʼoeˇ˗eu lehˇ aˬ jeˬ miˇ neh yaw muiˬ˗ehˇ ya shaˇ noeˬ˗eu nga?

• Aˬ dui yaw kʼaˆ˗ehˇ maˬ siˬ nya˗eu deuˬ jiˇ ahˇ˗eu iˇteuꞈnehꞈ laꞈ kʼoeˇ aˇ muˇ muˇ muˇ˗ehˇ ngehˬ cawˬ˗euˬ deuˬ nehˬ˗ehˇ, aˬ dui aˬ jeˬ miˇ neh gm leˇ paˬ˗ehˇ maˬ gʼeh˗eu nga?