Oeˬ siˬ ba la 1-7
Ja ceuˬ 23-25
Dawˬ caˇ 4 caˇ˗awˇ guiˬ lahˬ shaˇ | Aˇ dahˬ beh˗eu dawˬ (1 peu)
1. “Yeˬhawˇbaˬ ngaˬ˗ahˇ bo˗eu, yawˇ bo˗eu yaw sahˇ meh”
(10 peu)
Yeˬhawˇbaˬ aˬ dui˗ahˇ sheuˬ gʼeh (Ja ceuˬ 23:1-3; w11-SI 5/1 31 ¶3)
Yeˬhawˇbaˬ aˬ dui˗ahˇ haw piˇ (Ja ceuˬ 23:4; w11-SI 5/1 31 ¶4)
Yeˬhawˇbaˬ aˬ dui˗ahˇ bi dzaˬ bi dawˇ (Ja ceuˬ 23:5; w11-SI 5/1 31 ¶5)
Yawˇ bo˗eu deuˬ yawˇ˗ahˇ yaw muiˬ˗ehˇ bo saˆ˗eu loꞈ˗ehˇ Yeˬhawˇbaˬ jiˇ aˬ yawꞈ˗euˬ gaˇ mˇ zaˬ deuˬ˗ahˇ yaw muiˬ˗ehˇ ngehˬ gʼeh bo saˆ˗eu meh.
Yawˬ ha˗ahˇ naˇ haˬ, ‘Yeˬhawˇbaˬ ngaˬ˗ahˇ aˬ joˆ˗ehˇ ngehˬ gʼeh dah teˬ nehˬ laꞈ nga?’
2. Jaˇliꞈ laꞈ kʼoeˇ˗euˬ poeˬ˗eu zaˬ siˬ nui gahˇ˗ahˇ poˆ
(10 peu)
Ja ceuˬ 23:3—“Yaw tsaˬ yaw dawˇ gaˇ ma” heu aˬ jeˬ˗ahˇ ehˇ mawꞈ˗awˇ gaˇ ma heu kahˇ˗ahˇ neh maˬ doˆ˗iˇ ni caw ba nehˬ˗eu aˬ jeˬ nga? (w11-SI 2/15 24 ¶1-3)
Heu jaw˗ahˇ Jaˇliꞈ gui gaˇ neh aˬ jeˬ ya siˬ deˬ?
3. Jaˇliꞈ gui˗eu
(4 peu) Ja ceuˬ 23:1–24:10 (th dzaw deuˆ 5)
4. Dawˬ ngehˬ cawˬ dahˬ beh˗eu
(3 peu) Kʼaˇ yehꞈ laˇ gaˇ tsaꞈ gaˬ˗eu. Aˬ dui tiˬ jawˬ jaˆ˗eu jeˬ nehˬ˗ehˇ taꞈ leˇ˗awˇ kʼahˬ lahˇ˗eu deuˬ˗ahˇ, Jaˇliꞈ aˇ deuˬ zmˬ˗awˇ gʼaˬ biꞈ nehˬ. (lmd dzaw deuˆ 2 aˇ deuˆ 5)
5. Gʼa kʼoꞈ iˇ˗eu
(4 peu) Iˇ kahˇ doe ni tsaꞈ gaˬ˗eu. Aˬ dui mˬ maˬ maˬ byaˆ zaˇ ziˇ laˬ kʼaˬ cehˇ nya lehˇ ehˇ˗eu boˬloˬshaˬ yuˇ˗eu deuˬ˗ahˇ Jaˇliꞈ aˬ joˆ˗ehˇ dzaw˗eu lehˇ dzawˇ mehˬ nehˬ. (lmd dzaw deuˆ 9 aˇ deuˆ 3)
6. Zaˬ lahˇ pyeuꞈ laˇ ni caw ba nehˬ
Dawˬ caˇ 54
7. Aˬ dui maˬ siˬ nya˗eu deuˬ˗euˬ teˇ saˇ˗ahˇ maˬ naˇ haˬ
(15 peu) Dawˬ mehˬ mehˬ˗awˇ naˇ haˬ.
Yawˇ deuˬ, yawˇ bo˗eu yaw sahˇ˗euˬ teˇ saˇ˗ahˇ siˬ nya˗awˇ, aˬ yawꞈ˗euˬ mehˬ nah caw teh˗eu meh. Ehˇ kʼawꞈ maˬ siˬ nya deuˬ˗euˬ teˇ saˇ˗ahˇ ya gaˬ naˇ cehˆ˗eu meh. (Yoˇhaˬ 10:5) Aˬ dui jiˇ nui gaˬ ahˇ˗awˇ jah ziꞈ nya˗eu Yeˬhawˇbaˬ hawˇ˗eu Yeˬsuˇ˗euˬ teˇ saˇ˗ahˇ naˇ haˬ˗eu ma. (Ja ceuˬ 23:1; Yoˇhaˬ 10:11) Ehˇ kʼawꞈ aˬ dui˗euˬ nui jah gʼaˬ baˬ˗iˇ ni “maˬ ngeuˇ” gaˇ keuˆ ni ngehˬ˗eu dawˬ deuˬ˗ahˇ maˬ naˇ haˬ.—2 Beˬtuˆluˆ 2:1, 3.
Aˇdahˬbeh˗eu gaˬ naˇ yaw huiˬ 3 laꞈ kʼoeˇ miˇ tsaˬ kʼoeˇ taˆ maˬ ngeuˇ gaˇ keuˆ ni ngehˬ dahˬ beh˗eu gʼaˬ˗ahˇ ngehˬ keuˆ taˬ˗euˬ meh. Saˬdaˬ aˬ yawꞈ aˬ joˆ˗ehˇ gʼeh˗eu lehˇ maˬehˇ nehˬ ni Eˇbaˆ jawˇ gaˇ laˇ˗awˇ jaˬ myawꞈ myawꞈ˗eu meh. Aˬ yawꞈ Eˇbaˆ˗euˬ cawˬ pyeuꞈ mawꞈ˗eu loꞈ˗ehˇ jahˇ geuꞈ˗awˇ Yeˬhawˇbaˬ˗euˬ gaˇ kawˆ maˬ ngeuˇ gaˇ keuˆ ni ngehˬ˗eu meh. Teu ngeh Eˇbaˆ Saˬdaˬ˗euˬ dawˬ˗ahˇ naˇ haˬ˗euˬ miˇ neh aˬ yawꞈ hawˇ˗eu aˬ yawꞈ pehˬ˗euˬ nymˇ jiˇ deuˬ˗euˬ kʼoeˇ taˆ maˬ shiˇ tiˬ ziˇ shaˬ˗eu zahˬ˗eu jeˬ˗ahˇ ya daˬ˗euˬ meh.
Nymˬ˗mˇ iˬ nah Saˬdaˬ, aˬ dui Yeˬhawˇbaˬ hawˇ˗eu aˇ maꞈ aˇ muˇ˗ahˇ maˬ jah coeˇ ni bi gʼeh˗eu gʼaˇ duˬ maˬ ngeuˇ gaˇ keuˆ ni ngehˬ˗eu meh. Aˬ dui maˬ siˬ nya˗eu teˇ saˇ ya gaˬ ngeh yaw kawˇ˗ehˇ ya cehˆ˗eu meh. Maˬ cehˆ ni ui cuiˆ tehꞈ˗ehˇ naˇ haˬ kʼawꞈ guˆ laˇ paˬ˗ehˇ gʼeh˗eu meh. Shaˇ noeˬ haw sheˇ. Saˬdaˬ Eˇbaˆ˗ahˇ meh shuiˇ shuiˇ ngeh dawˬ gʼawˬ myaˬ dawˬ maˬ ngehˬ˗euˬ kʼawꞈ dawˬ teu˗ahˇ Eˇbaˆ tawˆ leˇ˗euˬ meh. (Aˇdahˬbeh˗eu 3:1, 4, 5) Aˬ dui siˬ nya˗eu tiˬ gʼaˬ na Yeˬhawˇbaˬ˗euˬ aˇ maꞈ aˇ muˇ nehˬ˗ehˇ taꞈ˗eu gaˇ kawˆ maˬ muiˬ˗eu jeˬ˗ehˇ ehˇ laˇ ngeh ya yahˇ˗eu meh. Aˬ jeˬ miˇ neh ehˇ naˇ, aˬ dui aˬ yawꞈ maꞈ˗euˬ dawˬ˗ahˇ yaw awˬ awˬ lehˇ jah leˇ nya˗eu miˇ neh meh.
Aˬ dui maˬ siˬ nya˗eu deuˬ˗euˬ “teˇ saˇ˗ahˇ” taˬ naˇ haˬ lehˇ ehˇ˗eu Biˬdiˬoˬ pah. Kʼoeˇ naˇ heu loꞈ˗ehˇ naˇ haˬ.
Jeꞈ˗euˬ aˬ ma Yeˬhawˇbaˬ˗euˬ saˇ kiˇ deuˬ˗ahˇ maˬ ngeuˇ jeˬ˗ehˇ ngehˬ laˇ ngeh, Jeꞈ neh ngehˬ˗euˬ jeˬ˗ahˇ neh aˬ dui aˬ jeˬ dzaw geuꞈ nya˗eu nga?
