Aˇ dzehˬ˗ehˇ ngehˬ dzeuˇ˗eu: Yawˬ jeˬ na luꞈ˗ahˇ ja sawˇ jiˇ˗eu maˬ loˬ˗a. Yeˬsuˇ tsawˇ haˬ zaˬ˗ahˇ bi noeˬ˗awˇ, tsaˬ ni bi ehˇ kʼoeꞈ nya˗eu gʼaˇ duˬ, naˇ haˬ˗eu jeˬ zmˬ˗eu meh. (Tehˬ 17:24-27) Naˇ haˬ jeˬ zmˬ naˇ, Jaˇliꞈ dzaw zaˬ deuˬ˗ahˇ dzaw mawꞈ ni caw ba nehˬ˗awˇ, dzaw zaˬ deuˬ gʼoˆ shaw˗awˇ maˇ diˇ jah ngaˇ laˬ lehˇ aˬ dui˗ahˇ siˬ laˇ˗eu meh. (be˗E 253 ¶3-4) Naˇ haˬ ngeh ehˇ kʼoꞈ laꞈ gaˇ dawˬ˗awˬ, dzaw zaˬ deuˬ nehˬ ehˇ kʼoꞈ laꞈ˗euˬ maˬ tsaˬ naˇ, tsaˬ˗eu jeˬ taˆ lehˇ maˬ ehˇ nehˬ ni, aˬ yawꞈ˗ahˇ tsaˬ ni bi ehˇ kʼoꞈ laꞈ nya˗eu gʼaˇ duˬ, yawˬ jeˬ yawꞈ paˇ naˬ haˬ tehˬ siˬ.—be˗E 28 ¶1-2.

Gaˇ kawˆ laˆ kaꞈ laˆ siˇ˗eu: Dzaw luꞈ˗eu kaˇ gawˆ heu hmˬ˗ahˇ aˬ dui kʼaˇ siˬ nya˗eu loꞈ˗ehˇ maˬ ya ehˇ nehˬ jiˇ˗a. (Yoˇ 16:12) Aˇ deuˆ laꞈ kʼoeˇ˗euˬ aˇ yehˇ huiˬ˗eu kawˆ˗ahˇ yawˬ muiˬ paˬ˗ehˇ ya haw meh. (be˗E 226 ¶4-5) Duˬ yawˇ ni boꞈ taˬ˗euˬ jeˬ, nui ma ahˇ laˇ paˬ˗ehˇ gʼeh˗eu kʼawꞈ, aˇ yehˇ huiˬ˗eu kawˆ˗ahˇ ma haw ni dzeuˇ iˇ nya meh. (be˗E 235 ¶3) Aˇ yehˇ huiˬ˗eu kawˆ˗ahˇ dzaw zaˬ gʼoˆ shaw dzeuˇ naˇ, yawˬ kawˆ yawꞈ˗ahˇ ja sawˇ iˇ.

Gaˇ kawˆ tehꞈ˗ehˇ biꞈ nehˬ˗eu: Mehˬ jiˇ˗eu tehꞈ˗ehˇ maˬ tehˬ ni, Jaˇliꞈ dzaw zaˬ˗euˬ nui ma laꞈ kʼoeˇ bi ahˇ leˇ˗eu gʼaˇ duˬ ya noeˬ tsoˆ taˬ meh. (Luˇ 24:32) Miˬyehˇ˗euˬ dawˬ laꞈ kʼoeˇ ahˇ˗eu baoˬ˗ahˇ gʼoe˗awˇ, dzaw deuˆ laꞈ kʼoeˇ ahˇ˗eu aˇ yehˇ huiˬ˗eu Jaˇliꞈ aˇ kawˆ˗ahˇ toeˬ mehˬ. (2Gawˇ 10:4; Heˬ 4:12; be˗E 144 ¶1-3) Yawˬ awꞈ awꞈ lehˇ gʼeh˗eu yaw jeˬ ma jeˬ˗ahˇ zmˬ. (be˗E 245 ¶2-4) Jaˇliꞈ dzaw zaˬ˗euˬ nui jah hawˇ˗eu aˬ yawꞈ˗euˬ shaˬ zahˬ˗ahˇ noeˬ keuˆ˗awˇ, geuˇ leˇ ni mehˬ˗awˬ. Heu loꞈ˗ehˇ kʼawꞈ naˇ haˬ nya meh: “Heu gaˇ za dzaw˗euˬ jeˬ˗ahˇ nawˇ aˬ joˇ˗ehˇ noeˬ nya?” “Yeˬhawˇbaˬ nehˬ˗ehˇ taꞈ leˇ˗awˇ heu kawˆ aˬ dui˗ahˇ aˬ jeˬ mehˬ˗eu nga?” “Jaˇliꞈ laꞈ kʼoeˇ ehˇ taˬ˗euˬ loꞈ˗ehˇ mˇ caw naˇ, nawˇ˗ahˇ aˬ jeˬ gaˇ dahˇ tsoeˬ˗eu nga?”—be˗E 238 ¶3-5; 259 ¶1.