Iˇ kahˇ˗ahˇ zaˬ jawˇ˗eu mawˇ naˇ, aˬ ma aˬ da deuˬ nehˬ˗ehˇ ngehˬ cawˬ˗a lehˇ ya shaˇ˗eu meh. Heu loꞈ˗ehˇ jahˇ naˇ, nymˇ sahˇ aˬ da˗ahˇ yaw zeu taˬ gaˇ duˇ meh. (Dawˬ 6:20) Zaˬ deuˬ iˇ kahˇ laˇ ahˇ˗awˬ lehˇ kuˇ kʼawꞈ, aˬ ma aˬ da deuˬ maˬ dah naˇ, maˬ ya ahˇ leˇ˗a. Yawˬ poˆ yawꞈ gʼa kʼoꞈ leˇ˗eu muiˬ dzehˬ meh.

Zaˬ huiˬ laˇ˗eu zaˬ guˬ deuˬ˗ahˇ mawˇ ngeh kʼawꞈ ni, aˬ ma aˬ da˗ahˇ ngehˬ cawˬ˗a lehˇ shaˇ˗eu muiˬ dzehˬ meh. Aˬ ma aˬ da deuˬ maˬ dah naˇ, zaˬ˗ahˇ sahˬ boꞈ paˇ dmˬ biꞈ nehˬ nya meh laˬ lehˇ, aˬ ma aˬ da˗ahˇ ya naˇ haˬ meh. Biꞈ nehˬ nya meh lehˇ ehˇ naˇ, sahˬ boꞈ paˇ dmˬ biꞈ nehˬ˗awˬ, maˬ ngeuˇ naˇ gʼoeˇ saiˇ jw.org˗euˬ gaˇ kawˆ ehˇ nehˬ˗awˬ.

Nui ma ahˇ˗eu zaˬ deuˬ jawˇ gaˇ gʼa koꞈ leˇ ngeh, aˬ ma aˬ da deuˬ˗ahˇ jeˬ huˬ ya ehˇ nehˬ meh. Aˬ dui˗ahˇ nui ma bi taˬ nya˗eu gʼaˇ duˬ, aˬ jeˬ jahˇ laˇ˗euˬ lehˇ ja sawˇ nehˬ˗awˇ, Jaˇliꞈ laꞈ kʼoeˇ ahˇ˗eu nymˇ jiˇ˗euˬ gaˇ kawˆ˗ahˇ aˬ dui mˇ caw ngaˇ lehˇ ya mˇ mawˇ nehˬ meh. (Ceuˬ 119:86, 138) Yaw zeu baw˗awˇ, nymˇ sahˇ aˬ ma aˬ da deuˬ˗ahˇ noeˬ keuˆ˗eu heu naˇ, muiˬ˗eu gaˇ kawˆ aˬ yawꞈ maꞈ˗ahˇ tsaꞈ gaˬ˗eu aˬ kawˬ˗aˬ za meh.—1Beˬ 2:12.