Yeˬhawˇbaˬ˗euˬ zahˇ dawˬ kʼoꞈ dawˬ˗ahˇ caw teh˗eu lehˇ ehˇ˗eu teu naˇ, Miˬyehˇ neh sheuˬ kʼeh˗eu jeˬ˗ahˇ nui ma keuˆ˗awˇ mˇ caw gaˇ ehˇ˗eu meh. Ja ceuˬ sahˬ boꞈ boꞈ˗euˬ gʼaˬ Miˬyehˇ˗ahˇ gʼoe˗euˬ loꞈ˗ehˇ Yeˬhawˇbaˬ˗euˬ zahˇ dawˬ kʼoꞈ dawˬ˗ahˇ caw teh˗euˬ deuˬ˗euˬ gaˇ kawˆ, Jaˇliꞈ laꞈ kʼoeˇ gʼawˬ mya ni ahˇ˗eu meh.

Miˬyehˇ˗euˬ zahˇ dawˬ kʼoꞈ dawˬ˗ahˇ caw teh naˇ, maˇ diˇ nui shaˇ oꞈ˗eu jeˬ za meh

Yawˇshuˆ Yeˬhawˇbaˬ neh sheuˬ geh neh laꞈ˗euˬ jeˬ˗ahˇ nui ma ti byah ni taˬ meh. Laꞈ kʼaˬ cehˇ˗awˇ noeˬ taˬ˗euˬ jeˬ mˇ pyeuꞈ mawꞈ naˇ, Yeˬhawˇbaˬ˗ahˇ nui ma tiˬ byah tiˬ loꞈ ya taˬ meh lehˇ aˬ yawꞈ siˬ nya meh.

Miˬyehˇ˗euˬ dawˬ aˬ dui shaˬ zahˬ˗ahˇ ya tahˬ puˬ ngeh, oˇ dzeuˇ nya ni caw ba nehˬ

Yeˬlaˬmiˇ shaˬ zahˬ˗ahˇ tahˬ pu ngeh, nui ma ha du ni gʼeh˗awˇ, Miˬyehˇ˗ahˇ gʼoe˗euˬ meh. Aˬ yawꞈ, yaw awˬ awˬ lehˇ dehꞈ˗awˇ, Miˬyehˇ neh biꞈ nehˬ˗euˬ gaˇ˗ahˇ leh dzeh˗awˇ mˇ˗euˬ meh.

Miˬyehˇ˗euˬ yaw tsaˬ yaw dawˇ dawˬ˗ahˇ siˬ nya taˬ naˇ, tsaꞈ gaˬ iˇ peuˬ

Pawˇluˆ Miˬyehˇ˗euˬ dawˬ tsaꞈ gaˬ˗eu gʼaˇ duˬ maˬ guˆ˗a. Meuˬ˗euˬ aˬ yuiꞈ Peˬliˇ˗ahˇ tsaꞈ gaˬ ngeh, Yeˬhawˇbaˬ aˬ yawꞈ˗ahˇ caw ba meh lehˇ nui ma taˬ˗eu meh.

• Sahˬ boꞈ dzaw nymˇ

• Gaˇ mˇ duˬ

• Nymˇ jiˇ laꞈ kʼoeˇ

• Yawˬ gaˇ yawꞈ